原来旺角、尖沙咀都有无限时火锅放题!! 呢间「味火锅」火锅放题五部曲只系$359/位，多间VIP房可容纳4至30几人，仲要唔收任何附加费，绝对旺区少见啊。
自家熬鸡汤+游水海鲜+酒水任饮
首先快讲佢哋汤底同海鲜好正!! 汤底/加汤都系用自家熬鸡汤，游水海鲜仲系每日新鲜采购。大量玻璃樽汽水无限供应，清酒、啤酒都唔使加钱，又有麦茶消吓热气，成班朋友都食得兼饮得尽兴。
「味火锅」火锅放题五部曲，只系$359/位。
用餐区卡位坐得舒服。
VIP房唔收任何附加费，旺区少见。
清酒、啤酒免费任饮。
多款玻璃樽汽水，正啊。
五部曲前奏 | 免费前菜
「味火锅」嘅火锅五部曲系精选头盘、自选火锅汤底、皇牌火锅拼盘、任食精选火锅配料、特选冰淇淋。一坐低未开始五部曲前，先有3款免费前菜—酥炸鸡软骨、柚子醋伴海蜇、中华沙律。鸡软骨酥脆香口，有柚子甜嘅海蜇真心有惊喜。
鸡软骨酥脆香口。
柚子醋伴海蜇，柚子甜有惊喜。
中华沙律
跟住正式开始五部曲啦～
第一部 | 精选头盘(每位自选1款)
味火锅佛跳墙(每客一盅)／乾酪焗波士顿龙虾(每客半只)／黑松露乾酪焗生蠔(每客3只)／四川麻辣鸡煲(2位起)／老坛酸菜鱼(2位起)
真系未见过放题有佛跳墙，仲系自家真材实料炖煮，每盅都有鲍鱼、花胶、冬菇等。热汤好浓瑶柱味，啱晒秋冬滋补。
味火锅佛跳墙，每日自家炖煮数小时。
大大只鲍鱼，好足料。
另外最深刻系焗生蠔，一客有3只手掌咁大嘅生蠔。生蠔肉唔会焗到干，反而好饱满多汁，有啲食紧即开生蠔嘅错觉呀。
黑松露乾酪焗生蠔手掌咁大，每客有3只。
乾酪焗波士顿龙虾
而大大份嘅四川麻辣鸡煲、老坛酸菜鱼，实物同张相一样咁大锅!! 麻辣鸡煲即叫即制，喺你面前爆炒劲香。鸡件系厚肉有肉味嗰种，食完个鸡煲再打边炉真系好爽。
其实多人饭局最抵，因为佢啲前菜够大份，全部嗌晒可以一齐share。
四川麻辣鸡煲，即叫即制。
鸡件好厚肉。
老坛酸菜鱼实物真系好大锅。
第二部 | 自选火锅汤底
免费鸳鸯汤底: 鲜番茄猪骨浓汤锅／四川麻辣鸭血锅(大/中/小/BB辣)／香浓沙嗲锅／特浓芜茜皮蛋豆腐汤锅／大排档猪骨锅／养生牛肝菌汤锅／日式豆乳海鲜锅／泰式冬阴公海鲜汤锅
滋补单锅系列: 养颜花胶竹丝鸡锅、虫草花椰子鸡锅
师傅每朝一早返嚟用鸡骨、鸡肉等熬煮汤底，实测饮咗几啖汤都唔会好口渴。平时放题要鸳鸯锅多数加钱，呢度系完全免费。正方形汤锅又够大，成班人疯狂渌嘢都无难度。
虽然滋补系列养颜花胶竹丝鸡锅、虫草花椰子鸡锅无得双拼，但会送嫩滑鸡件1份，真材实料。打边炉之前，真系要饮返两啖鸡汤滋补吓。而且每次加汤都加返自家熬鸡汤，食到尾都唔会越加越淡。
泰式冬阴公海鲜汤锅
养生牛肝菌汤锅
滋补单锅系列—养颜花胶竹丝鸡锅、虫草花椰子鸡锅，送嫩滑鸡件1份。
虫草花椰子鸡锅足料，五指毛桃好香啊。
第三部 | 皇牌火锅拼盘
皇牌时令海鲜拼盘&牛魔王美国安格斯牛肉拼盘
拣完汤底，就有海鲜同牛魔王拼盘。「皇牌时令海鲜拼盘」系专人去街市买嘅游水货，有蛏子皇/北海道大元贝、新鲜龙趸片、新鲜海虾、新鲜鲍鱼、自家制手打墨鱼丸、自家制手打虾丸、台山蠔、日式蟹棒。
上枱嗰阵鲍鱼仲郁紧㗎，配麻辣汤又麻又Q弹几正。其他如北海道大元贝、龙趸、台山蠔都好鲜甜。因为每日街市拎货，所以有时买到嘅海鲜会唔同㗎，但保证游水海鲜够晒鲜。同埋佢哋嘅手打丸好值得一试，打到起晒胶又有鲜味。
皇牌时令海鲜拼盘
鲍鱼上枱仲郁紧。
北海道大元贝
台山蠔
「牛魔王美国安格斯牛肉拼盘」就有手切牛小排、牛肩胛、牛板腱。雪花纹都几靓，有肉味又嫩。私心最钟意牛肩胛，因为够厚切会越咬越香。
牛魔王美国安格斯牛肉拼盘
第四部 | 任食精选火锅配料
美国安格斯肥牛／自家制鲜虾水饺／嫩鸭血／特级豚肉／自家制韭菜水饺／自家制菠菜苗猪肉饺／窝笋／牛骨清汤牛丸／时令蔬菜／川辣牛丸／浓芝豆腐烧／鲜腐竹／猪骨浓汁贡丸／黄金麻吉烧／日本出前一丁／松露香菇贡丸／炙烧芝心包／稻庭手打乌冬／炸鱼皮／芥末鱼丸／薯粉／紫菜响铃捲
食完拼盘，就嚟到疯狂吸入时间喇～超过30款配料任食，任食嘅美国安格斯肥牛、特级豚肉都几吸引。如果拣咗麻辣汤一定要食鸭血啊。
呢度嘅汤底好吸引，所以爆汤嘅紫菜响铃捲真系encore咗几次。而最惊喜系自家制韭菜水饺、自家制菠菜苗猪肉饺，渌之前睇得出饺子皮系柔软弹性，仲沾咗啲面粉好新鲜。渌完一咬开真系好爆馅，猪肉同菜馅都好新鲜，外皮又够软好有诚意。
任食美国安格斯肥牛、特级豚肉。
麻辣汤必食鸭血。
紫菜响铃捲
自家制韭菜水饺、自家制菠菜苗猪肉饺
第五部 | 特选冰淇淋
特选冰淇淋MÖVENPICK
食到最后，每人都有MÖVENPICK冰淇淋1杯超满足。
味火锅 (雅仕洋楼)
地址: 尖沙咀亚士厘道12-14号雅仕洋楼地下D号舖及1楼
电话: 28922822
味火锅 (华侨商业中心)
地址: 旺角弥敦道678号华侨商业中心3楼
电话: 62866684