原来圣诞食泰菜都可以好唯美，泰国fusion餐厅“ASOK THAI GARDEN”系冬日白色小屋主题，雪花装饰、木材餐桌加上柔和灯光，营造静谧浪漫用餐环境，估唔到泰菜都可置身冬日雪地嘅梦幻氛围啊。
$1288 (需四日前预订)
今个冬日于12月16至31日期间，Asok团队精心设计圣诞限定菜单，可以自选Combo之馀，仲有超大只6kg火鸡!! 火鸡酿入香草、火鸡肾、栗子慢煮3.5小时至嫩滑入味，再200°C焗脆鸡皮。食嗰阵撕开鸡髀仲爆出肉汁，好少食到咁juicy嘅大火鸡，节日气氛满满！好啱8至10人食个丰富圣诞大餐啊。
圣诞限定菜单中最惊喜系「炸手打虾球配冬荫土豆泡沫」，向《黑白大厨：料理阶级大战》港式点心女王郑智善嘅「麻辣奶油虾」致敬。加入泰菜元素—新鲜虾球及冬荫土豆泡沫，又脆又酸辣好过瘾。
"ASOK THAI GARDEN” 圣诞限定菜单 $288
圣诞限定料理 自选Combo 前菜 及 主菜各一 限定料理选择 前菜 炸手打虾球配冬荫土豆泡沫 香辣布包乾酪配薄荷草莓酱
主菜 泰皇虎虾白咖喱蟹肉义大利饭 法式鹅肝鹌鹑千层批配金巴利烧汁
甜品 云尼拿栗子冧酒蛋糕$88 香梨柠檬朱古力蛋糕$88 |
【前菜】
炸手打虾球配冬荫土豆泡沫
港式点心女王郑智善嘅「麻辣奶油虾」于节目中成为最畅销菜品，嚟到“ASOK THAI GARDEN”真系要试吓泰式变奏版啊!! 外层炸到酥酥脆脆，咬开入面系弹牙鲜甜嘅新鲜虾球。
大厨巧妙以特制冬荫土豆泡沫取代一般酱汁，更轻盈地呈现清新酸辣风味，撞上强劲脆感虾球都唔会腻。
香辣布包乾酪配薄荷草莓酱
乾酪控一定要食嘅流心水牛乾酪!! 一切开即刻爆出奶香，加上泰式微辣香料粉、薄荷草莓酱，撞出微辣清爽层次。相比平时食嘅水牛乾酪更有新鲜感，又有圣诞气氛。
【主菜】
泰皇虎虾白咖喱蟹肉义大利饭
表面好似平时嘅义大利饭，但虎虾真系有惊喜。先以南薑、蒜、柠檬叶醃制，令虾肉有种泰式鲜味。食嗰阵将蟹肉捞匀，绵绵密密又有东南亚风味，几正。
法式鹅肝鹌鹑千层批 配金巴利烧汁
如果你好重视圣诞仪式感，可以拣呢道传统法国菜。千层批皮系层层酥脆口感，入面有鹅肝、鹌鹑、烟肉，每啖都好咸香丰富，馀韵仲有鹅肝油香。蘸啲果香甘甜嘅金巴利烧汁，更感受到法国菜嘅精致，情侣约会必点。
【甜品】
“ASOK THAI GARDEN”另有自家饼店，所以全店甜品都喺自家饼房，每日新鲜制作。就算平时嚟食饭，都好值得嗌个甜品食㗎，即刻睇埋有咩圣诞限定甜品先～
云呢拿栗子冧酒蛋糕$88
以精选云呢拿同栗子为基底，做出柔滑绵密质感。入口仲有淡淡冧酒味，恰好平衡甜度啱啱好。
香梨柠檬朱古力蛋糕$88
将新鲜梨子同清新柠檬，融入浓郁朱古力，充满佳节甜蜜幸福感，为圣诞晚餐画上圆满句号啊。
【圣诞限定特饮】
“ASOK THAI GARDEN”嘅饮品一向唯美打卡，嚟食圣诞餐梗系要饮埋Cocktail或Mocktail先圆满。Cocktail有Fireball威士忌及新鲜苹果汁嘅Apple Craze；又有Baileys及伏特加相结合，形成浓郁朱古力风味嘅Rocky Road。
Fireball Whiskey
Apple Craze
Rocky Road
Mocktail就有苹果汁、葡萄柚汁、原个橙煮至温暖嘅Mulled Wine，感受冬季温馨；另有结合蔓越莓汁、苹果汁、新鲜草莓嘅Cheesy Berry，上层奶酪奶泡有惊喜。
Mulled Wine
ASOK THAI GARDEN
地址: 荃湾杨屋道1号荃新天地UG楼UG37号舖
电话: 26681007