发现尖沙咀有间人宠共融嘅木系西餐厅 “Potluck Eatery”，第一眼畀佢门口半露天空间吸引。入到去发现用餐区好大：有幅大壁画、小木凳、藤梳化椅，宽敞空间闹市少见，好啱同朋友嚟Chill吓，仲可以打卡留影。
门口半露天空间，木门同绿色墙身有种复古美感。
大壁画、小木凳，打卡位绝对闹市少见，系难得嘅喘息空间。
悬挂月亮灯用餐区，好有氛围感。
【Bookmark 龙虾牛扒/乳猪啤酒套餐】
呢度嘅多国菜料理惊喜地出色，选择仲有好多款。唔想选择困难，诚意推荐最新嘅《龙虾牛扒套餐 $398/2位》同《乳猪啤酒套餐 $498/2位》，两款套餐包咗每日自家Blend制餐汤配蒜蓉法包、主菜、义大利面/义大利饭、甜品和饮品。佢哋嘅牛扒、乳猪系真心大份，乳猪餐仲名乎其实连埋两杯啤酒，CP值超高呀!!
全新《龙虾牛扒套餐 $398/2位》、《乳猪啤酒套餐 $498/2位》，大份兼CP值高。
《龙虾牛扒套餐 $398/2位》
呢个餐嘅主角系炭烧肉眼扒拼波士顿龙虾，炭烧牛扒够香、厚切兼有肉汁，加埋烤焗波士顿龙虾已经系一餐精致西餐。仲要有几款义大利面/饭拣，好似卡邦尼义大利粉、黑松露杂菌义大利饭、香蒜白酒大蚬意粉(+$88)、松露野菌烤茄子义大利千层面(+$88)等，套餐包埋甜品简直无得输。美食当前想饮少少酒，即享优惠价 $49 追加红/白酒，私心觉得好啱拍拖嚟食。
《龙虾牛扒套餐$398/2位》主菜
《乳猪啤酒套餐 $498/2位》
西班牙烤乳猪唔系度度有得食，仲配埋厨师推介乾酪蟹肉焗大啡菇，两样都系juicy得嚟啖啖肉，无谂过咁match!! 套餐有餐汤配蒜蓉法包，义大利面/饭亦有不同选择，但呢个餐最特别系包埋 2 杯生啤，乳猪＋啤酒真系好啱Vibe～ 一班朋友嚟食，再嗌多几款小食或单点料理，咁一定劲丰富！
《乳猪啤酒套餐 $498/2位》主菜
【长薄饼推荐】
好多人钟意佢哋嘅长方形薄批Pizza，巴马火腿薄饼、义大利三色乾酪薄饼(蓝乾酪、水牛乾酪、巴马臣乾酪)、菠菜烟三文鱼薄饼、香辣海鲜薄饼，目测差唔多每枱都有食😂。同场仲有香煎法式鹅肝多士、乾酪明太子蒜蓉包、脆炸鱿鱼伴墨鱼汁沙律酱等等，好多都啱同朋友Share。
巴马火腿薄饼
长方形薄饼，每件Size啱啱好，唔会太腻，食完仲有Qouta 食其他嘢。批底够薄脆，Pizza馅存在感好强，钟意啖啖爆馅口感嘅话就啱晒喇。最多人钟意嘅巴马火腿薄饼，个酱甜甜哋，哈密瓜加埋咸火腿好滋味。
每件薄饼上有烟三文鱼花花，一众三文鱼控必食!!
菠菜烟三文鱼薄饼
每件足料唔使争😎，薄饼上摆满海鲜 — 鱿鱼、大虾、青口。
香辣海鲜薄饼
钟意重乾酪味嘅话，呢款薄饼加咗重口味蓝乾酪，仲有拉丝几正。
义大利三色乾酪(蓝乾酪、水牛乾酪、巴马臣乾酪) 薄饼
【特色鲜橙咖啡、柚子蜜桃咖啡，夏日必试】
近期新品仲有鲜橙咖啡、柚子蜜桃咖啡，入口先有清新果香，之后渗出咖啡微苦，好啱夏天饮。最估唔到仲有几款靓靓嘅Cocktail同Mocktail，同佢哋主打嘅多国菜好夹。
全新鲜橙咖啡
全新柚子蜜桃咖啡
【Cocktail 推介🍸】
一班人入面有人饮酒、有人饮啡，嚟呢度就完美解决啦😂。
好啱夏天饮嘅清爽鸡尾酒，用经典 Limoncello 为基调，再以柠檬、白酒、梳打水带嚟酸甜平衡味道，好有意式风味。
Limoncello Spritz
唔知饮咩好嘅时候，Mojito一向系好选择!! Rum酒撞上梳打水嘅轻盈气泡，每啖都有清新薄荷、柠檬嘅微酸甜感。
Mojito
【Mocktail推介🍹】
呢杯Apple Yuko果香几重，融合柚子嘅清新微酸、伯爵茶嘅香同苹果嘅甜，十分协调。
Apple Yuko
结合柚子、香橙同莓果嘅Mocktail，成杯Lady Yuzu颜色有不同层次，女仔一定钟意。
Lady Yuzu
好有热带花香风味嘅Amber Fiesta，融合菠萝、柚子同柠檬清新，加埋洋甘菊柔和花香，味道同香味都好放松。
Amber Fiesta
Potluck Eatery
地址: 尖沙咀柯士甸道136-138号金门商业大厦地舖
电话: 26400388
