讲到人气韩国烤鸡店不得不提Goobne Chicken，系少数用烤鸡代替炸鸡食店，完全不经油炸之馀，焗制过程仲会瞬间抽走多馀油份，享受炸鸡般嘅香口，同时更低反式脂肪同卡路里！！最正系肉质会再Juice啲，健康又好食～
店家嘅招牌UFO芝士火锅烤鸡一直大受欢迎，最近仲新出咗「熔岩拉丝芝加哥Pizza」，用足5种芝士制成，拉丝力十足，芝士控一定要试！
尖沙咀店系Goobne Chicken 第一间香港分店，好有代表性。
最近全新装修，木系设计坐得更舒服。
想坐得开扬啲，仲有半露天座位拣。
熔岩拉丝芝加哥Pizza 独特深盘有更多芝士
大家都知韩国人几咁锺意芝士，呢个「熔岩拉丝芝加哥Pizza」都系同韩国店同步㗎，同样用上拉丝力十足Mozzarella 芝士丶软身带甜Ricotta 芝士丶香浓醇厚Parmesan 芝士同埋浓郁咸香嘅Gruyère 芝士，交叠出多重芝士味道。
佢嘅深盘设计亦令Pizza 内含更多芝士，相比一般Pizza 批边更香口松脆，好有新鲜感。
熔岩拉丝芝加哥Pizza HK$188
集合5种芝士做到极级拉丝，打卡一流。
人气拉丝烤鸡 UFO 芝士火锅
「UFO芝士火锅」绝对系Goobne Chicken 代表作，将三重芝士火锅完美Crossover 韩式烤鸡，一开始Mozzarella 芝士丶车打芝士同Grana Padano 芝士会以真身上阵，芝士份量绝不欺场。
之後会有专人帮你开火慢慢煮溶，并将香浓软绵芝士包住烤鸡，你亦可以落手亲自拉丝包卷，好食得嚟又好玩，感受澎湃芝士瀑布威力。
UFO 芝士火锅（有骨/无骨）HK$268
烤鸡口味6选2，今次我哋就试咗「三重芝士烤鸡」丶「甜辣烤鸡」，前者外脆内嫩仲有忌廉同蓝纹芝士味道；後者则用香甜带辣秘制酱料调味，系韩国人最锺意嘅口味。另外仲有「果味酱油蒜香烤鸡」丶「韩式BBQ酱烟熏烤鸡」丶「蜜糖香滑烤鸡」同埋劲辣「火山烤鸡」拣，一班人食可以额外以$88追加8件鸡。
软糯烟韧芝士包住烤鸡真系会食上瘾，只要HK$30仲可以加多一半芝士𠻹！
铁板芝士炒年糕 热辣辣上枱
烤鸡以外选择仲有好多，呢道铁板上嘅芝士炒年糕，热辣辣滋啦滋啦声上枱劲有气氛。辣椒酱加上Mozzarella 芝士令炒年糕更香浓，韩国人锺意将韩式拉面卷上年糕同鱼糕一齐食，口感更丰富。
铁板芝士炒年糕 HK$165
蟹籽沙律酱芝士鸡蛋卷 流出浓厚蛋浆+芝士
拉丝系列仲有呢个招牌芝士蛋卷，切开即流出浓厚蛋浆丶车打芝士同Mozzarella 芝士，加埋轻脆蟹籽一流。
蟹籽沙律酱芝士鸡蛋卷 HK$128
推荐冰凉绵绵沙冰 5款清甜口味
韩国人爱好用啤酒配烤鸡，呢度生啤就有买2送1优惠。而啤酒以外嘅非酒精饮品都好多，最受欢迎嘅系沙冰系列，冰凉绵绵沙冰解渴解腻一流，推荐芒果同士多啤梨口味，另外仲有蓝莓丶蓝橙同西柚口味。
（左）士多啤梨沙冰丶（右）芒果沙冰。
