嚟紧秋冬想揾个靓户外地方饮吓酒，估唔到旺角都有选择!! 仲要系月球主题酒吧餐厅—「J.moon」，挂满过百盏月亮灯。真系一入门口已经漫天月球，每张枱都有专属月亮灯畀大家影相自拍。2025年11月开始咗新嘅【冬】Menu，圣诞节仲特别设计咗高CP值「四道菜圣诞套餐」𠻹～ 年尾Holiday Mood约伴侣闺蜜食饭打卡，顺便直落饮返两杯啦。
店内挂满唯美月球灯，好有气氛。
户外空间十分舒服，三五知己齐齐享受吓日光。
【四道菜圣诞套餐】
圣诞节同伴侣或闺蜜食饭，西餐一定有Feel～今年特别设计嘅「四道菜圣诞套餐」融合多款人气食材，而且开胃菜同主菜都可以自选菜式，方便你拣唔同类型Share食，咁就更加尽兴啦！
开胃菜三选一
松叶蟹他他
海鲜控Must Try!! 精致嘅松叶蟹他他以牛油果做底，再铺上大量松叶蟹蟹肉+海胆，份量有诚意，拌匀微酸嘅柚子啫喱Balance咸鲜味，食落好refreshing～
意式生牛肉片
钟意饮酒嘅朋友，推荐你试意式生牛肉片，系义大利经典菜式之一。牛肉片咸咸哋，加埋柠檬香蒜蛋黄酱、火箭菜、黑橄榄同埋切成薄片嘅硬乾酪Parmigiano-Reggiano，味道相对松叶蟹他他浓厚啲，但一样勾起食慾！
香煎鹅鸡肝
香煎鹅肝同鸡肝，喺一道菜同时出现又做成两种口味，少见之馀又冇违和感👍🏻～鹅肝沿用传统做法，配烘多士同焦糖苹果；鸡肝就以海苔米饼代替面包，再加特制脆片点缀作新尝试，先食鹅肝再到鸡肝，香脆口感会层层递进㗎！最后以Colourful嘅香醋沙律解油腻感，咁就可以试真啲下一道菜啦～
汤品
味噌花椰菜奶油汤
Fusion菜作为餐厅Menu重要特色，圣诞套餐又点可以唔玩Fusion元素呢?!呢款汤品结合西、日口味，将花椰菜略为打成蓉，保留咬口，再加奶油同味噌煮成汤，清爽顺喉。汤中间则用36个月熟成嘅伊比利亚猪肩胛火腿砌成「食用花」，有美感得嚟仲昇华味道层次。
主菜四选一
牛油焗波士顿龙虾配龙虾义大利面
需要淀粉质嘅朋友必试「牛油焗波士顿龙虾配龙虾义大利面」～开边龙虾扫上牛油，焗至表面带焦香感，肉质依然爽口弹牙；义大利面就用龙虾汤煮到收汁吸满精华，配埋烤茄子、车厘茄等时蔬，咸鲜中带一点甜，层次更丰富兼提味呀！
香煎黑鳕鱼
西京烧鳕鱼食得多，但其实西式香煎做法都别有一番风味！餐厅今次选用黑鳕鱼，将鱼皮煎脆逼出鱼油更香口，鱼肉结实得嚟又够嫩滑。师傅特别用西芹根泥代替一般搭配薯蓉嘅做法，加埋青椒莳萝奶油酱同炒时蔬，整体感觉饱而不腻。
烤加拿大猪扒
睇外表咪以为系特大羊架，其实师傅将羊架常见嘅香草脆皮做法，转用喺猪扒身上，烤焗时可以锁住水分，啖啖肉都保持Juicy，而香草味道则更渗入猪扒，唔使太多调味。加上滑溜嘅奶油薯蓉同新鲜炒时蔬，绝对饱肚呀！
【升级选择】澳洲150日谷饲黑安格斯肉眼牛扒 (250g)
牛魔王之选！澳洲150日谷饲黑安格斯牛扒，味道香醇，而肉眼部位脂肪比例适中，配合恰到好处嘅火候煎封锁住肉汁，一个字「正！」～加埋烤蒜一齐食，蒜头嘅甜味更加钓起肉香，钟意叹靓扒嘅朋友一定要试！
薑饼人蛋糕
圣诞甜品必有薑味！可爱薑饼人造型蛋糕，结合薑味吉士酱、牛奶朱古力慕丝、朱古力海绵蛋糕同蛋白酥皮，薑中带甜唔会互抢～仲有哥士的同迷你圣诞树做装饰，意境100分!!
圣诞鸡尾酒
想由头到尾都系圣诞Feel嘅话，试埋圣诞鸡尾酒啦～酒红色基底、仿雪山泡沫置顶，仲有肉桂条同玫瑰花瓣衬托，打卡啱晒📸～
【酒店级大厨创作四季Fusion菜】食饭饮酒直落！
唔系间间酒吧都有咁多高质料理！「J.moon」就有大厨团队依时令转换食材，于【春】、【夏】、【秋】、【冬】四季设计全新Menu。最新推出多款主菜同分享小食，加咗唔少墨西哥同东南亚元素
「J.moon」2025年11月【秋】Menu正式推出，加咗唔少墨西哥同东南亚元素。
单单小食已经几有惊喜，好似芥末蛋黄酱炸蠔、BBQ沙嗲猪肉串烧配泰式辣酱，平时去酒吧食嘢真系少见咁高质大碟。而主菜就有照烧比目鱼及三文鱼捲Taco、香茅蒜蓉蚬、慢煮西班牙杜洛克猪架、等，完全可以食饭饮酒直落。
照烧比目鱼及三文鱼捲Taco
Taco馅超爆满!! 满满照烧比目鱼同三文鱼馅，一咬落去已经好有鱼油香。大厨团队特别加咗牛油果，香得嚟完全唔腻。Taco皮脆脆哋，呢种脆口好啱饮埋啤酒或者鸡尾酒。
泰式香草烤牛肉沙律
泰式烧牛肉一向无得输～ 薄切牛肉加咗泰国香料、酸汁，酸酸辣辣劲开胃。虽然系沙律类，但牛肉份量真心多，难得去酒吧饮嘢都食得咁满足。
味噌炖饭 配蟹肉与芦笋
蟹饼够香，鲜甜蟹肉存在感几强，撞上浓郁深沉嘅味噌炖饭几吸引。
香茅蒜蓉蚬
蒜蓉蚬精华一定系个汁!! 个汁有晒香茅、蒜蓉同蚬肉贝味。真心要一边食蚬肉、一边用烤面包汁都捞埋
慢煮西班牙杜洛克猪架 配番茄马苏里拉乾酪与巴马火腿
超大件西班牙杜洛克猪架🤯。猪肉系松软得嚟有油花，完全无猪羶味。外层仲有炙烧马苏里拉乾酪同巴马火腿，超咸香拉丝。
脆皮风干马友
平时去酒吧都系食Fish and Chips!? 「J.moon」特别推出脆皮风干马友，马友鱼肉更细腻湿润，个皮仲要脆卜卜～ 配埋青辣椒椰酱同蔬菜，几啱夏天食。
海老龙虾酱拌稻庭乌冬
捞乌冬最重要有个灵魂酱汁！今次大厨用咗海老龙虾酱，令Q弹稻庭乌冬有浓郁海鲜味，而且巨型蟹柳真心超巨!!
自家制虾多士
饮酒几啱配港式经典虾多士，每件多士都有原只虾，全部即叫即炸。一啖食到酥脆多士＋弹牙虾肉两种口感，配埋韩式蜜糖辣酱无得输。
【饮酒推介小食】
平时饮酒得薯片虾条开始闷嘅话，「Jmoon」佐酒小食一定畀到你新鲜感。想有啲墨西哥风味，可以拣墨西哥烤牛肉配牛油果/番茄莎莎酱烤饼，粟米饼皮夹住烧牛肉，仲有牛油果同番茄莎莎酱拣嚟蘸，真系诚意十足。
仲有大大只嘅芥末蛋黄酱炸蠔，炸皮金黄脆卜卜，咬开系蠔肉爆汁好有重海水味！如果饮酒想食吓串烧，BBQ沙嗲猪肉串烧配泰式辣酱嘅份量过足口瘾。
【靓靓鸡尾酒！】
喺「J.moon」月球环境饮酒真系好有feel，佢哋仲有多款即调鸡尾酒，推荐大家秋冬凉凉哋拣户外座位～
Taurus
“Make yourself at home, this drink will definitely make
you feel like home with all your passion surrounding by you”
调酒师希望你可以喺呢杯鸡尾酒沉淀于温暖感觉，将乌龙茶浸泡威士忌、百香果，配合橙利口酒、柠檬汁、云呢拿糖浆、奶油撞出层次。
Scorpio
“You're a drifting wood drifting on a river with no destination but freedom, maybe you'll know where to go by taking another sip”
感受自由漂流嘅诗意～ 以橙皮浸泡Gin酒，加入橙糖浆、苦味开胃酒，带嚟清新果香同微苦嘅层次感，好似漂浮于河流中寻找去向。
Libra
“This is perfectly balanced. Just like you”
体验完美平衡嘅味蕾之旅～ 以散发香气嘅香蕉叶浸泡Rum 酒，同时加入白可可嘅细腻甜味、牛油果嘅奶油质感同豆奶，再以班兰泡沫增添轻盈花香，每一啖都好丰富。
J.moon
地址: 旺角西洋菜南街1A-1K号百宝利商业中心4楼10-11号舖
电话: 95455738