情人节想去旺角拍拖，一定要mark低呢间天台酒吧餐厅“REFLECT”，难得可以俯瞰旺角夜景食饭饮嘢啊。呢度有室内座位外，最吸引有个大天台，系大到可以包场开party嗰种，仲有好多梳化位坐得舒服几有feel。
“REFLECT”大天台有好多梳化位，俯瞰旺角夜景食饭饮嘢。
同场可以选择室内座位。
今年情人节套餐$988/2位，继续由10年经验墨西哥大厨主理，无论龙虾浓汤、烤南瓜沙律；直至主菜之一嘅三文鱼义大利饭又或甜品反转苹果挞等等，全部都系自家制作，唔系一般来货质素啊。
优惠升级Wine Pairing
“REFLECT”系间酒吧餐厅，所以佢哋引入好多高质红/白酒、甜酒，同埋有驻场调酒师即调打卡鸡尾酒。
情人节套餐已包括2杯价值$88饮品，现可优惠价+$168/位升级Wine Pairing，分别喺沙律、主菜、甜品环节跟配义大利气泡酒、义大利红/白酒、澳洲甜酒，用餐体验好圆满啊。
即刻睇详情啦~
情人节套餐$988/2位，由10年经验墨西哥大厨主理。
情人节套餐已包括2杯价值$88饮品，现可优惠价+$168/位升级Wine Pairing。
【Soup】龙虾浓汤(Lobster Bisque)
首先以经典龙虾浓汤掀开序幕，大厨将龙虾头、龙虾壳打碎，再加入奶油、香草blend出法式浓汤。浓汤口感丝滑醇厚，又有丰富海鲜层次。
龙虾浓汤丝滑醇厚。
【Salad】烤南瓜沙律(Roasted Pumpkin Salad)
Wine Pairing: Menstrello Prosecco D.O.C. Spumanie N.V
羽衣甘蓝为主角嘅沙律，真心超级大碟!! 如果你有位追求健康嘅另一半，呢个沙律好啱佢喇。大厨将南瓜烤到微焦，加埋藜麦、樱桃番茄、羊奶乾酪、神石榴，最后淋上墨西哥风味嘅蜜糖油醋，清爽香甜又带酸。
烤南瓜沙律。微焦南瓜配上藜麦、羊奶乾酪、神石榴等，最后淋上墨西哥风味嘅蜜糖油醋。
【Main Course 3选2】
三文鱼义大利饭(Salmon Risotto)
用杂海鲜、红花、蘑菇、洋葱煮制嘅义大利饭。金黄饭粒系红花天然金黄色嚟㗎，加埋挪威三文鱼绝对瞬间清碟。
三文鱼义大利饭，以红花煮出天然金黄色饭粒。
保湿猪鞍(Pork Loin Chop)
加拿大保湿猪鞍出名软嫩湿润，食之前用刀一切到底嘅手感就知几嫩喇。食落猪味浓郁同零羶味，配埋烤焗蕃薯、特色阿根廷香草酱，味道温软甜蜜，好啱拍拖食啊。
保湿猪鞍，猪味浓郁兼零羶味。
香煎牛柳(Grilled Beef Tenderloin)
Wine Pairing: Ortonese Sangiovese Merlot, Italy, or Ortonses Malvasia Chardonnay, Italy
超厚切牛柳!! 切开入面劲粉嫩，自家制烧汁用牛骨、牛肉、鸡肉熬制2日，真系要汁都捞埋。而且几款配菜都好有诚意，除咗自家手制薯蓉、义大利大啡菇，大厨特以美国鲜露笋取代常见泰国露笋为例，食落更粗身更香。
香煎牛柳。自家制烧汁用牛骨、牛肉、鸡肉熬制2日。
切开入面好粉嫩。
【Dessert】反转苹果挞(Apple Tarte Tatin)
Wine Pairing: La Catrina Moscato, N.V.. Australia
“REFLECT”甜品都系自家制，所以平时嚟食饭都好值得留肚食甜品㗎。今次套餐甜品系苹果控福音～因为反转苹果挞真系啖啖苹果肉，人手炒香苹果、肉桂、牛油，并依传统放上酥皮即叫即焗，食落酥脆又有果香，幸福感爆满。
反转苹果挞。人手炒香苹果、肉桂、牛油，并依传统放上酥皮即叫即焗。
REFLECT Restaurant & Bar
地址: 旺角西洋菜南街74-84号旺角城市中心12楼
电话: 94029697