想喺香港食内蒙古羊不是梦！原来旺角有间隐世「咩记打边炉」，直接向「内蒙古锡林郭勒大草原」牧民引入「乌珠穆沁羊(6个月大)」，系真正天然大草原放牧嘅羊嚟㗎。
旺角隐世「咩记打边炉」直接向内蒙古牧民引入羊肉，香港好少机会食到。
老板亲自去内蒙古揾牧民时，拍摄羊群于天然草原生活。
牧民为寻找茂密草原，每年都会带羊群迁徙。所以好少香港餐厅成功向牧民引入羊只，绝对值得嚟试吓真正内蒙古风味。
店内装潢有气氛。
「内蒙古锡林郭勒大草原」牧民天然放养嘅「乌珠穆沁羊 (6个月)」
羊肉系靓到可以跟当地人食法，只用矿泉清水汤底渌一渌再蘸豉油就食得!! 食落香中带甜，完全唔羶，就算平时唔食羊嘅朋友都值得一试啊啊啊。
一尝当地人食法，只用矿泉清水汤底渌一渌再蘸豉油就食得。
咁点解大草原放牧嘅羊特别好食? 因为羊羶味嚟自非天然牧草饲料同脂肪。而内蒙古羊系食天然牧草，加上运动量多而减少脂肪，自然无咗阵羶臭味啦。
多款特别肉位，有好罕见嘅顶级羊上脑、高钙羊肉、尾巴肉等。
谂返起，平时好惊嘅羊羶味，就算吞咗都会留喺齿间……但呢度嘅天然肉香，一吞落肚就消失，所以不期然好想追住一片一片咁食。而且有多款特别肉位，好罕见嘅顶级羊上脑、高钙羊肉、尾巴肉等，就算连羊睪丸(呢度叫羊宝宝) 都有得食，各位羊迷准备好未!?
羊睪丸(呢度叫羊宝宝) 都有得食，真羊迷一定要试吓。
免费跟唎酒师试酒！
「咩记打边炉」仲有驻场唎酒师，会不时推清酒车出嚟畀大家免费试10-15款清酒，包括日本Top10部分清酒、梅酒等。唎酒师会根据你喜好同钟意嘅羊肉/串烧推荐。顶级羊上脑就啱配清爽微辛清酒，撞上羊香味好正；又或者丰满肥美羔羊肉，配辛感重清酒就可中和油腻啦。
驻场唎酒师会不时推清酒车出嚟，畀大家免费试10-15款清酒。
放心慢慢试啱再嗌嚟饮，或者试完唔嗌又得，最紧要大家食得开心、饮得尽兴咁话。
开业半周年感谢祭！
优惠1 指定羊肉，第二碟起半价 优惠2 OpenRice 蒙古-天下第一羊 羊肉火锅2人餐优惠 优惠3 OpenRice 蒙古-天下第一羊 羊肉火锅4人餐优惠 优惠4 OpenRice 蒙古-天下第一羊 羊肉火锅8人餐优惠 优惠6 生日正日及7日内，订座即享免切饼费 及 免开瓶费 |
【开到凌晨2点！疯狂食羊肉】
呢度开到凌晨2点，全店主打5款羊肉—顶级羊上脑、高钙羊肉、尾巴肉、羔羊后腿、羔羊肉，一齐睇吓有咩分别啦～
最珍贵罕见｜顶级羊上脑
属于羊颈后肉位，系羊身最鲜嫩嘅肉。而且每只羊得200g(每碟差唔多有200g!)，每食一碟等如食咗一只羊嘅精华，非常珍贵。羊肉布满大理石花纹，肥而不腻、肉嫩Q弹，仲有淡淡奶香馀韵。而家暂时无限供应，但未来将每日限量(售完即止)，想食就要快啲嚟喇。
顶级羊上脑。每只羊得200g(每碟差唔多有200g!)，每食一碟等如食咗一只羊嘅精华。
独特脆骨肉感｜高钙羊肉
全只羊唯一食得嘅羊软骨!! 系前腿肉、扇面骨相连嘅月牙脆骨，加埋软组织上嘅薄羊肉，肥瘦相间、细嫩紧实，食落鲜甜又脆口。每只羊得600g 同样珍贵。暂时无限供应，但未来将每日限量(售完即止)。
全只羊唯一食得嘅羊软骨肉位。
细心睇会见到羊肉相连羊软骨。
富含胶质·油脂｜180日尾巴肉
相信好多羊肉fans都未食过羊尾巴，甚至无谂过有得食𠻹。原来比想像更有油香，入口会化出丰盈油脂却肥而不腻，口感有啲似牛胸爽，好推荐试吓呀！尾巴肉仲有健脾开胃、补肾壮阳功效，又富含蛋日质、胶原蛋白、铁、维他命B1、B2等，嚟到真系要食多几片补吓。
无谂过羊尾巴都有得食㖞。
有嚼劲肌肉筋膜｜羔羊后腿
后腿肉运动量高，我哋食咗好多片都系羊肉+羊筋，肉质特别有嚼劲，越咬越食到羔羊嘅鲜嫩。
运动量高嘅后腿肉。好多片都系羊肉+羊筋，特别有嚼劲。
独特奶香｜180日羔羊肉
取自6个月大嘅羔羊肉，系最鲜美鲜嫩嘅羊肉。粉红色肉片有种独特奶香，羊香味重，系高蛋白、低脂之选。
最鲜美鲜嫩嘅4个月大羔羊肉。
【打边炉唔少得和牛/海鲜】
除咗可以好似内蒙古人咁用矿泉清水锅食羊肉，呢度都有人气麻辣锅、卜卜蚬浓汤锅、清甜鸡汤锅拣。当然唔少得靓牛—A4 鹿儿岛和牛颈脊 、Prime牛小排和挑骨雪花牛肉等。
打边炉唔少得靓和牛。
和牛油花好靓。
好多香港人都钟意打边炉食刺身，呢度都有新鲜象拔蚌刺身㗎！火锅配料亦有海鲜拣，好似蛏子皇、脆肉鲩、生蠔等。
象拔蚌刺身好大碟！
象拔蚌爽脆鲜甜。
多款海鲜配料。
生蠔爆汁鲜甜，有惊喜。
【爽食串烧】
呢度可以饮饱食醉到凌晨2点，点少得佐酒必食嘅串烧。想食地道风味，有经典烤羊肉串、经典烤羊小排。平时嘅烤鸡中翼、烤猪颈肉、烤白鳝、鸡皮小串等都有。
地道风味经典烤羊肉串、经典烤羊小排。
沙嗲牛肉串
蒜蓉烤扇贝
咩记打边炉(香港)
地址: 香港旺角通菜街61号德发大厦2楼
电话: +852 70104533