有咩比漫天月球下庆祝圣诞更梦幻，旺角月球主题酒吧餐厅“J.moon”推出限定圣诞套餐，有香煎鹅肝伴鹅肝慕斯、西班牙烤八爪鱼、蜂蜜柠檬迷迭香烤鸡、美国安格斯肉眼扒10oz等选择。
一入店已见到挂满过百月亮灯，而且每张枱都有专属月亮灯，拎住月亮灯影相好似自带灯光咁靓啊。呢度仲有旺角少见嘅大平台，圣诞夜嚟吹吓风、饮杯酒几有feel，绝对可以食饭饮酒直落啊。
店内挂满唯美月球灯，好有气氛。
旺角难得有大平台空间，圣诞夜嚟吹吓风、饮杯酒几有feel。
旺角月球主题酒吧餐厅“J.moon”限定圣诞套餐。
开胃菜3选1 | 三文鱼杯
脆挞小杯系用好薄脆嘅纸酥皮(Filo Pastry) 焗成，入面系满满烟燻三文鱼、迷迭香同大蒜。小杯造型好优雅，就算直接用手拎起食都无问题，衬埋杯酒仲有啲Cocktail Party气氛𠻹。
开胃菜3选1 | 煎鹅肝伴鹅肝慕斯
圣诞餐有鹅肝真系特别有仪式感。今次仲系双重鹅肝，将煎到外脆内软嘅鹅肝，伴上轻盈鹅肝慕斯。以鹅肝平衡鹅肝腻感相当巧妙，当然亦伴有轻甜莓果酱，咸甜咸甜更有层次。
开胃菜3选1 | 西班牙烤八爪鱼
特别将西班牙八爪鱼切片再放上土豆，变成一啖一件嘅精致开胃菜，并有弹牙、软绵双重口感。上面嘅烟燻红椒、大蒜酱都好香浓啊。土豆则用左浓郁的大蒜作基调调味，十分惹味!
热汤 | 松露蘑菇奶油汤
汤身好绵密，未饮已经闻到好浓松露香啦。每啖都隐约饮到粒粒蘑菇同奶油口感，之后就准备食主菜啦。
主菜菜4选1 | 蜂蜜柠檬迷迭香烤鸡
春鸡外皮烤到微脆，一切开即刻爆晒肉汁。好钟意伴碟嘅蘑菇奶油酱，唔会每啖都系鸡肉咁单调。而且仲有大大个烤大蒜，绝对系蒜迷福音。依个组合绝对系圣诞既绝佳配搭!
主菜菜4选1 | 香煎比目鱼
香煎比目鱼几厚切大件，鱼皮仲有少少脆口𠻹，配以酸甜嘅西西里汁几有地中海风味，系圣诞夜嘅清新选择。
主菜菜4选1 | 龙虾浓汤义大利面
浓郁龙虾汤好挂面!! 单食意粉已经好鲜。而且海鲜配料都好多，北海道带子、大虾、三文鱼籽差唔多铺满意粉，钟意海鲜嘅话必食。
主菜菜4选1 | 美国安格斯肉眼扒10oz(+$98)
始终觉得锯扒先有仪式感嘅话，可以+$98升级美国安格斯肉眼扒10oz。油脂分布均匀之馀，肉质又够嫩。伴碟仲有牛油薯蓉、烤大蒜同芦笋，咁大分量真系要配杯酒解吓腻啊。
甜品| 圣诞树
今次甜品真系好有心思，系圣诞树主题嘅开心果白朱古力慕斯、朱古力挞、海绵蛋糕同朱古力脆饼。
圣诞套餐另可+$58追加餐酒 或 气泡酒Prosecco 1杯。
J.moon
地址: 旺角西洋菜南街1A-1K号百宝利商业中心4楼10-11号舖
电话: 95455738