发现日韩烧肉店「烧肉屋」嘅《120分钟M7澳洲和牛烧肉放题》，有埋任食马来西亚直送榴梿+泰式生虾+Häagen-Dazs冰淇淋，海鲜方面仲有白鳝、大虾同帆立贝!! 食啖热辣辣烧肉，再食件浓香榴梿真系人间享受啊啊啊～ 最大难题就系点忍到留肚扫食Häagen-Dazs冰淇淋。
+$98 仲有一份100gA5宫崎和牛肉眼，超市都买唔到呢个价。
【矜贵海鲜系列】
今次烧肉放题，大癫到连海鲜都有！仲要系贵价嘅白鳝、大虾同帆立贝。就算唔食牛嘅朋友想嚟，真心食海鲜都可以食回本呀。
放题都有厚切白鳝食!!
白鳝烧到鱼皮焦香好好味，咬开会有鱼油香又弹牙。
加咗蒜蓉、牛油烧嘅大虾，真系会食上瘾。
钟意重海鲜味嘅话，可以主攻烧扇贝。
【榴梿控福音！】
真任食｜马来西亚D24榴梿/猫山王榴梿烧薄饼
今次有齐马来西亚榴梿界顶级之选—D24、猫山王榴梿烧薄饼！D24出名浓郁香甜，果肉细滑又有淡淡奶香；猫山王就金黄浓稠，榴梿味强劲又馀韵悠长。每件烧薄饼都有爆满榴梿馅，出面个薄饼皮又几烟韧，加埋一齐劲吸引。
有齐马来西亚榴梿界顶级之选—D24、猫山王榴梿烧薄饼。
120分钟烧肉放题有厚切牛舌心、封门柳、果味酱汁五花肉、蒜蓉牛油烤帆立贝等，选择同份量都多。
【刺身推介】
真任食｜泰式生虾(刺身级食用)
估唔到烧肉放题都有泰式生虾，刺身级虾肉真系好弹牙鲜甜，夏天食真系一大享受～
刺身级泰式生虾
【饮饱食醉！留肚食埋甜品】
啤酒、清酒、梅酒、汽水、Häagen-Dazs冰淇淋，全部任饮任食！
【烧肉放题攻略】牛/豚/鸡/海鲜/炸物💥 我全都要
牛肉类｜牛控大满足！
厚切牛舌心好Q弹!! 同时好钟意佢哋醃嘅酱汁洋葱牛肉、酱汁牛五花；牛板腱仲可以拣黑椒盐/韩式酱汁/果味酱汁，几款都轻甜爆肉汁。
当然唔少得高质软嫩嘅封门柳，食到中段再嚟串荔枝牛肩胛串串解吓腻。
牛肉类target厚切牛舌心、封门柳，食回本啊!!
豚肉类｜必食果汁黑豚
几款豚肉都好松软、肉味浓，特别系厚切果汁黑豚、酱汁豚肉片、果味酱汁五花肉值得食多两碟。猪颈肉、杂锦香肠都几吸引，小朋友同行嘅话一定要嗌。
豚肉类款式多，连香肠都有。
鸡肉类｜必食地鸡鸡软骨
鸡软骨fans一定要食地鸡鸡软骨串，比平时食嘅鸡软骨更鲜、更有肉感。钟意鸡味浓嘅话，可以试摩萨酱汁鸡肉、韩式鸡肉。当然啦，烧肉一定要嗌埋烧鸡翼，焦香鸡皮好正!!
鸡软骨弹牙又有肉感，绝对系鸡软骨迷福音。
炸物｜无限啤酒+无限炸物！
今次放题仲有几款炸物任食—炸薯条、吉列炸虾、炸饺子、炸鸡块。
饮酒必食炸物。
食事｜瞬间清碗の月见紫菜饭
无饭不欢嘅话，月见紫菜珍珠米饭超开胃!! 戳开蛋黄再同紫菜一齐捞饭，解腻又开胃。
蛋黄、紫菜捞饭真系清碗神物。
《M7澳洲和牛烧肉放题》优惠攻略！
而家「烧肉屋」放题有优惠～ 下午时段嘅180分钟限时有6折最抵食，低至$298(原价$498) 就食到啦。而5pm后嘅$120分钟限时，分别有65折同7折优惠，最平$324，CP值依然高呀。
烧肉屋 (天后)
地址: 天后清风街10号清风大厦地舖
电话: 26606373