圣诞除夕想有啲泰越度假风，可以试吓呢间泰越酒吧餐厅「MAMTOM」，喺尖东海傍几有Feel，加埋木系装潢好似去咗亚洲啤酒花园咁。今年佢哋推出咗圣诞同除夕菜单，两个套餐都係500蚊/人内，CP值几高。圣诞套餐会有杂锦沙嗲串烧、泰式烧牛肉、烧羊架、同菠萝雪葩等；除夕套餐就有泰式牛肉沙律、越式香茅烤鸡、酥炸虾篮、烤纽约客牛排等等，即刻睇详情啦～
木系装潢好有东南亚风味。
呢度有驻场调酒师，尽情饮酒迎接2026年啦。
「MAMTOM」有户外座位同大窗，可以欣赏埋尖东夜景。
「MAMTOM」位于有「酒吧街」之称嘅尖东，户外座位更加有气氛。
圣诞套餐$428/人🎄
饮住暖笠笠冬荫功过圣诞几有新鲜感～ 套餐仲有多款泰式风味沙嗲、烧牛肉等，最特别係用菠萝上枱嘅菠萝雪葩，想有仪式感地打卡就啱晒喇。
【前菜(4选1)】 杂锦沙嗲(鸡肉/牛肉) 配青瓜及花生酱(Gambari Machwi) 鲜虾柚子沙律 越式炸春卷 青木瓜沙律 【热汤(2人分享) 】 冬荫功汤 【主菜(4选1)】 泰式烧牛肉 烧羊架 巴东烧黄花鱼(原条) 泰式罗勒炒鸡肉碎 【甜品(2选1) 】 热情果白朱古力蛋糕 菠萝雪葩 |
【前菜(4选1)】
杂锦沙嗲(鸡肉/牛肉)
即叫即烧热辣辣串烧，鸡肉几嫩、牛肉几有肉味嚼劲。作为串烧灵魂嘅花生酱有少少花生咬口，咸甜咸甜几正!!
鲜虾柚子沙律
泰国柚子肉加埋大大隻鲜虾、烤椰子、炸乾葱，口感同味道都好丰富。如果你平时锺意泰国嘅甜味，应该会好锺意呢个轻甜嘅棕榈糖汁。
越式炸春卷
越式炸春卷炸到好薄脆，入面係满满鸡肉碎、生菜同越南香草，蘸鱼露汁一齐食好有风味!!
青木瓜沙律
泰国菜经典青木瓜沙律！青木瓜份量激多，大大啖咁食好爽。配料仲有长豆、虾乾、辣椒及花生，加埋酸子汁酸酸辣辣好醒胃。
【热汤(2人分享)】
冬荫功汤
冬天饮个冬荫功汤，仲有个炉暖住好有幸福感!! 汤底辣得爽但唔会太激，酸酸辣辣又有啲香茅、南薑同海鲜味，配料有大大隻河虾㗎。
【主菜(4选1)】
泰式烧牛肉
呢碟泰式烧牛肉份量好大，烧牛肉肉质仲好嫩，加埋自家製莎莎酱真係瞬间清碟。
烧羊架
圣诞想食得Decent啲，可以拣呢道烧羊架。外层烧到微焦，咬开有种焦香口感，加埋盐味薯蓉同开心果葱油好惹味。
巴东烧黄花鱼(原条)
心大心细，想食鱼又想食肉～ 呢道烧原条巴东烧黄花鱼，会跟配埋泰式罗勒炒鸡肉碎，加埋辣椒、黑酱油劲有东南亚风味。
【甜品(2选1)】
热情果白朱古力蛋糕
绵绵滑滑嘅白朱古力蛋糕，配搭酸甜嘅热情果酱几清新。
菠萝雪葩
用菠萝上枱嘅菠萝雪葩好有仪式感，冰凉口感好解腻，而且食好食菠萝香甜味。
除夕套餐$498/人🎉
食住东南亚菜迎接2026年啦～ 除夕套餐都有暖笠笠嘅冬荫功汤，加埋越式香茅烤鸡、烤纽约客牛排等，真心丰富。
【前菜(4选1)】 泰式牛肉沙律 越式香茅烤鸡 混合沙嗲 (鸡肉 / 牛肉) 酥炸虾篮 【热汤(2人分享) 】 冬荫功汤 【主菜(4选1)】 泰式蕉叶烤鱼 烤纽约客牛排 (300克) 泰式青咖哩鸡配饭 泰式炒宽粉 【甜品】 |
【前菜(4选1)】
泰式牛肉沙律
泰式牛肉嘅软嫩酸辣真係好吸引!! 特别係呢个牛肉沙律，将牛嫩肩肉连埋番茄、红葱头、辣椒一齐食好惹味，食之前记住加少少青柠汁啊。
越式香茅烤鸡
越南街头风味香茅烤鸡，用咗大蒜、椰子、香草醃製，直接拎住竹签食啖啖肉几过瘾。
混合沙嗲 (鸡肉 / 牛肉)
作为泰式料理经典嘅沙嗲串烧!! 圣诞同除夕套餐都食到，劲锺意佢个咸甜花生酱。
酥炸虾篮
想食炸虾嘅话，唔使多谂～ 直接拣呢道酥炸虾就啱晒啦，连埋泰式酱汁几有东南亚风味，饮酒一流。
【热汤(2人分享)】
冬荫功汤
除夕套餐都有冬荫功汤，冬天饮碗酸辣热汤真係无得输。
【主菜(4选1)】
泰式蕉叶烤鱼
黄花鱼肉出名鲜嫩，反而配料嘅烧泰国茄子、烧蘑菰轻焦好惹味，真心有惊喜。
烤纽约客牛排(300克)
牛排好大件厚切，而且越咬越有肉味，锺意大时大节锯扒就啱晒喇。
泰式青咖哩鸡配饭
泰国地道青咖喱椰奶味好香，完全係白饭小偷。而且香料味好重又唔会太辣，平时唔嗜辣都可以一试。
泰式炒宽粉
淀粉控一定要试嘅泰式炒宽粉，食到大厨真係大火猛炒好有镬气，宽粉口感轻韧。当然，最重要係和牛份量几多！
【甜品】
百香果白朱古力蛋糕
同圣诞套餐一样，可以食到呢道百香果白朱古力蛋糕，酸酸甜甜几解腻。
MAMTOM
地址: 尖沙咀麽地道62号永安广场地下1-6及45-46号舖
电话: 27213600