如果你身边都有个钟意食日本嘢嘅伴侣，情人节唔使多谂～去食日本菜就无错啦。尖沙咀「渔道乐」和风环境有榻榻米座位，并挂满店主喺日本各地搜罗嘅饰品海报，好似穿梭到日本居酒屋。
坐榻榻米食日本料理有仪式感。
日式VIP房隐私度高，享受二人世界。
极丰盛！情人节日本料理
呢度由30年厨师发办经验师傅主理，每日都会亲自安排时令鱼材由日本直送到港。今年情人节套餐就安排咗刺身、寿司、浜烧、和牛锅等，基本上想食嘅都有齐晒。牛油果沙律更放上玫瑰花刺身，女神一定钟意，即睇有咩食啦～
情人餐 $1,688
玫瑰沙律杯
第一道菜已经好啱放闪～师傅将厚切三文鱼、油甘鱼刺身捲成玫瑰花，配上牛油果三文鱼籽沙律。
极上寿司盛合
集合多款人气寿司—海胆、油甘鱼、三文鱼、鱼籽等，满足寿司瘾。
龙虾3点刺身
刺身份量真系好惊喜！原只澳洲龙虾已经好吸睛，新鲜起肉弹牙鲜甜；加埋日本吞拿鱼、油甘鱼刺身大满足。
浜烧盛合
平时好多人都为咗呢度嘅浜烧而嚟，将游水海鲜直接放上日本浜烧炉慢烧劲香～而且火力啱啱好，特别系贝壳类可以兜住海鲜汁，拎起贝壳连汁一齐啪入口好正。
店内设鱼缸，有多款游水海鲜。
生蠔壳兜住蠔汁，连蠔肉一齐食好正。
情人节套餐有帆立贝、濑户内海生蠔，可以自己烧或安排专人帮你烧㗎。
味噌蟹甲罗
蟹甲罗真系浜烧必食，蟹盖有满满蟹肉、蟹籽、蟹膏、鹌鹑蛋、青葱。放上浜烧炉后，将鹌鹑蛋浆倒入蟹肉中，一边烧一边捞匀好有仪式感，入口creamy又重蟹香。
海鲜天妇罗
师傅用铜炉明火炸，特高油温可以将天妇罗瞬间炸至金黄，锁住食材水分特别juicy。而且每日都会换炸油，完全无油膱味。
鹿儿岛A4和牛锅
情人节食个和牛锅，甜蜜暖笠笠～特别引入鹿儿岛和牛，油脂分布平均，有和牛油香又有肉感咬口，轻轻一灼就食得喇。
甜蜜小丸子
日本人好钟意嘅甜品，一啖轻甜红豆、一啖Q弹软韧小丸子，系简单纯粹嘅幸福感。
渔道乐
地址: 尖沙咀金巴利道35号金巴利中心地下A舖
电话: 23887668