圣诞除夕唔想嚟嚟去去都係锯扒，不如试吓喺靓靓宫廷风环境下，食一餐精緻印度菜啦！呢间外籍大厨主理嘅「CHUTNEY」坚持只用外国高质食材，并用多种香料煮製，还完印度料理风味。我哋用餐当晚仲见到好多打扮精緻嘅印度人，完全係受当地人认证呀(笑)。
而且好锺意呢度环境好典雅，一入门口已经係悬垂金色绸绢，用餐区就係奢华金色半拱形天花，仲有落地玻璃见到厨房两大个Tandoori窑炉，望住大厨即场炭烤肉扒、海鲜、印度烤饼等食，特别有Feel!!
门口悬垂金色绸绢好唯美。
用餐区係奢华金色半拱形天花。
梳化卡位有隐私度。
Tandoori窑炉新鲜出炉印度烤饼，特别酥脆。
今年「CHUTNEY」为圣诞除夕推出限定料理「CHUTNEY CHRISTMAS & NEW YEAR EVE MENU」，每款只係$148起。有印度街头小食豆蓉馅咖哩角(Samosa Chaat)、皇室炸球(Raj Kachori)，又有香口嘅炸布拉塔芝士(Burrata Manchurian)、炭火烤八爪鱼(Tandoori Octopus)等等。
当然不得不提，200年前御厨为北印度勒克瑙(Lucknow) 国王煮製嘅烟燻羊肉饼(Lucknow Galauti Kebab)。真心未食过羊肉饼会好似棉花糖咁软到化开，呢种独特口感一定要试!!
而今次限定料理，亦有Tandoori窑炉新鲜出炉嘅蜂蜜烤醃製羊肋排(Tandoori Lamb Ribs)、香草烤鸡半隻(Kothmari Tandoori Chicken)等，全部都精緻大碟几有节日气氛。
即刻睇吓有咩食啦🔥～
【CHAATS & STARTERS】
豆蓉馅咖喱角(Samosa Chaat) $148
好可爱嘅酥皮筒咖喱角!! 酥皮筒偏硬脆，几平衡到内馅嘅咸香。而且馅料係绵密嘅薯蓉、青豆、腰果碎、鹰嘴豆，加埋乳酪薄荷酱同罗望子酱，令馀韵有少少酸甜味道。
皇室炸球(Raj Kachori) $158
扑开炸球瞬间几有仪式感，入面係鲜果同Savory Chaat，咸咸甜甜几过瘾。食嗰阵捞埋薄荷酱、罗望子酱、乳酪一齐食，又脆又绵密，无论口感同味道都好丰富。
炸布拉塔芝士(Burrata Manchurian)
完全係芝士控福音!! 原个布拉塔芝士炸到金黄色，一切开爆出浓郁奶油芝士，又脆又软好正。食嗰阵可以捞埋酸酸辣辣Manchurian酱，浓味控一定要试。
烟燻羊肉饼(Lucknow Galauti Kebab) $198
源自18世纪北印度勒克瑙(Lucknow) 国王Wajid Ali Shah 嘅一道羊肉料理。据说当年国王年纪老迈、牙齿全无，但佢又好锺意食羊肉，所以下令御厨煮出一道「无牙嘅人都食到嘅羊肉饼」，于是就诞生咗呢道Lucknow Galauti Kebab 啦。
主厨要将羊肉、多种香料绞至软绵，最后用慢火煎至微焦。用叉轻轻拮开已经感觉到羊肉独特软感，就好似…巴斯克芝士蛋糕咁!! 入口完全唔使咬就化开，肉味、香料味会慢慢渗出嚟。呢种口感同味道，对香港人嚟讲真係好有新鲜感，好推荐大家嚟到试吓咁有故事嘅羊肉饼。
牛油果脆米沙律(Avocado Bhel Chaat) $158
如果想前菜清爽啲，亦可以拣呢道牛油果脆米沙律。相信大家对牛油果一啲都唔陌生，但印度厨师就加咗薄荷、罗望子、乳酪同印度综合香料。对比平时食嘅牛油果，多咗好丰富嘅香料层次，几有异国风味。
【FROM OUR TANDOOR】
「CHUTNEY」有经典Tandoori窑炉，全部窑炉料理都係即叫即焗、新鲜出炉，真係做到正宗印度风味，好值得试吓㗎。
香草烤鸡半隻(Kothmari Tandoori Chicken) $218
好似呢道高温烤製春鸡，本身用咗多种香草、乳酪醃製，所以咬开好有浓郁奶香同香草暖香。全靠Tandoori窑炉够高温，瞬间锁住肉汁，一咬开鸡肉嗰时仲好Juicy!!
蜂蜜烤羊肋排(Tandoori Lamb Ribs) $268
用蜜糖糖浆醃製嘅羊架，肉味香甜，平时唔食羊嘅话都可以一试。而且特别跟配烟燻马萨拉酱、奇异果轻辣酱，混合甜酸辣味道好上瘾!!
【SEAFOOD】
今次限定料理都有海鲜选择～
香煎带子(Palaki Scallops) $238
香煎带子(Palaki Scallops) $238
用蜜糖糖浆醃製嘅羊架，肉味香甜，平时唔食羊嘅话都可以一试。而且特别跟配烟燻马萨拉酱、奇异果轻辣酱，混合甜酸辣味道好上瘾!!
CHUTNEY
地址: 中环云咸街75-77号嘉兆商业大厦4楼
电话: 23300027