平时想同朋友去旺角食饭饮嘢直落，可以试吓呢间天台酒吧餐厅“REFLECT”。天台大到可以包场开party，仲有好多梳化位，望住旺角夜景倾偈几好feel。
今年母亲节嘅星期五、六、日(5月9至11日)，仲有威灵顿牛柳(4至5人份)$788 供应。因为手工制作需时，所以须提前3日预订，快啲畀个惊喜妈妈啦！
手工制作威灵顿牛柳，金黄酥皮包住厚切粉嫩牛柳！
“REFLECT”大天台有好多梳化位，俯瞰旺角夜景食饭饮嘢。
室内座位坐得舒服，享用墨西哥料理。
“REFLECT”由10年经验墨西哥大厨主理，定期推出新菜单，成日嚟都唔会闷。2025年4月就新推海鲜义大利饭、墨西哥炸捲(Chimichanga)、法国慢煮鸡胸等。全部都好大碟，好啱一班朋友share兼饮酒。
“REFLECT”2025年4月推出新菜单，大份量好啱share！
海鲜义大利饭
大厨依传统义大利做法，唔会将义大利饭煮到全熟，仲保留少少「咬骨」口感，加埋红花奶油汁又几creamy。海鲜方面，就有白酒、香草煮制嘅澳洲蓝青口、沙白、大虾。大虾来头唔细，特别用清彻无杂质水养饲，唔会有黑色肠之馀，食落特别爽甜㗎。
墨西哥炸捲(Chimichanga)
钟意墨西哥菜嘅美国人，都好钟意呢道香口嘅“Chimichanga”。其实佢嘅真身系将经典墨西哥捲饼(Burrito) 炸到脆卜卜，内馅有肉、浓郁豆蓉、甜椒同拉丝乾酪。一咬落去先脆后绵，加埋莎莎酱、牛油果酱同酸奶油，真系好有层次啊。
其实呢件“Chimichanga”真系好大份，可以切开几件一齐share，饮酒啱晒。
法国慢煮鸡胸
好多人想健康啲食鸡胸，但又怕肉质太嚡太干。所以“REFLECT”大厨特别将法国鸡胸慢煮几个钟，保留鸡肉嫩滑同蛋白质。上枱之前又会再煎一煎，健康得嚟都好香口啊。
鸡胸用咗鼠尾草、柠檬醃，未食之前已经闻到鸡胸有啲柠檬香味，但食落一啲都唔酸，仲有少少甜同鸡汁𠻹。加埋上面嘅芒果莎莎酱，几有墨西哥风味。
【饮到凌晨2点！2款全新小食】
“REFLECT”每晚都开到凌晨2点，如果拣坐天台仲有feel，感受吓旺角宁静氛围嘅另一面。想试多几款墨西哥菜，就记住9:30pm前order定，因为9:30pm后系小食时段啦。小食选择都有7至8款，最近仲新推咗2款～
鸡泡鱼干
饮酒必食嘅鸡泡鱼干，蘸满蛋黄酱食，正！
烧牛脷
唔系将普通来货将牛脷烧熟就算，系用自家卤水汁煮一晚后，再一片片串起烧香。完全唔会用松肉粉，反而用时间煮到又腍又爽弹。上面再洒满招牌墨西哥辣粉，宵夜食呢个无得输。
【必食甜品】反转苹果挞(Apple Tarte Tatin)
本身情人节限定嘅反转苹果挞，因为反应热烈而继续留低，一定要试吓点解咁受欢迎!! 私心觉得个馅真系超多苹果肉，加埋肉桂、牛油同酥皮，又脆又香甜爆发幸福感。
【果香·花香即调鸡尾酒】
呢度有驻场调酒师，调制多款精致打卡鸡尾酒外，亦有充满果香、花香嘅鸡尾酒，女仔一定钟意。
Rubí
石榴+桃+青柠撞雪碧，抢眼鲜红色嘅石榴几多果肉，再饮啖鸡尾酒清甜爽口。
Oro
接骨木花甜酒，优雅带微甜气泡，适合小酌。
Amargo
Jim Beam加杏仁榛果橙香，浓郁回甘唔涩口。
REFLECT Restaurant & Bar
地址: 旺角西洋菜南街74-84号旺角城市中心12楼
电话: 94029697