去到旺角，想揾个靓景阔落地方坐低饮酒倾偈，呢间天台酒吧餐厅“REFLECT” 就啱喇。12楼天台有好多梳化位，空间大到包场开Party都得!! 望住旺角夜景饮嘢几好Feel。
“REFLECT” 天台有好多梳化位，望住旺角夜景食饭饮嘢。
同场有室内座位选择，坐得舒服。
每晚有驻场调酒师，调制多款打卡鸡尾酒。
呢度唔止有酒饮，仲系一间墨西哥餐厅嚟㗎。由10年经验墨西哥大厨主理，除咗有经典脆皮玉米饼(Tacos)、馅饼(Enchilada)、墨西哥烤肉(Fajitas) 等等，亦会定期推新料理，就算成日嚟食都唔会闷～ 最近就有全新澳洲安格斯牛柳，同埋好多熟客敲碗已久嘅墨鱼肉酱阔条面强势复刻。
【🆕全新料理】
澳洲安格斯牛柳
用经典法国菜做法嘅澳洲安格斯牛柳，一日只有3-4份，如果好想食要预早一日预订啊!! 集合咗匈牙利鹅肝、澳洲牛柳、炒杂菜，油香同肉味撞埋一齐好吸引。食之前，仲会喺你面前即席刨新鲜松露㗎。
即席刨上新鲜松露，未食已经闻到好香。
【🔥强势复刻】
Q弹Q弹！墨鱼肉酱阔条面
“REFLECT” 啱啱开舖时，曾经推出过呢道墨鱼肉酱阔条面。虽然停售咗大约一年，但间中都有熟客问几时出返～ 终于!! 等到佢强势回归喇。
佢嘅肉酱唔系用牛肉/猪肉，而系将Q弹墨鱼肉搅碎炒熟，再加墨鱼汁慢煮，最后淋上酸酸哋嘅红花汁。食落无肉类咁腻，反而弹牙鲜味，呢种「肉酱」真系几有惊喜。
平时好少见嘅Q弹墨鱼肉酱阔条面。
召唤苹果甜品Fans！反转苹果挞(Apple Tarte Tatin)
同样因应大家敲碗，最终强势回归嘅反转苹果挞。私心觉得个馅真系超多苹果肉同肉桂，食落仲好有牛油酥皮香，幸福感爆发。
反转苹果挞有超多苹果肉同肉桂。
【必食！经典墨西哥馅饼】
脆皮玉米饼(Tacos)
墨西哥菜必食嘅Tacos，每份大约手掌咁大，有蘑菇、鸡肉、牛肉口味拣，脆脆粟米饼包住就嚟满泻嘅馅，边食边饮酒都几正。
Tacos 多到爆馅，饮酒几正。
仲有几款墨西哥馅饼～
辣鸡肉馅饼Chicken Enchilada。
鸡肉墨西哥烤肉Chicken Fajitas。
【🍸打卡鸡尾酒】
梦幻泡泡烟！Fruity Garden
呢度嘅招牌鸡尾酒Fruity Garden，上枱嗰阵会有透明泡泡～ 戳开弥漫仙气。有几款口味拣—草莓/黑莓/芒果/仙人掌果，基底就用伏特加、橙、菠萝、桃嚟调配。饮落几香甜，就算平时唔太饮酒都可以试吓。
招牌鸡尾酒Fruity Garden，上枱会有透明泡泡。
一戳开弥漫仙气，影Story几靓。
辣椒鸡尾酒🤯 Fuego Agrio
想饮杯墨西哥风味，调酒师就将墨西哥辣椒(Jalapeno) 整成自家制墨西哥辣椒糖浆，加埋龙舌兰酒(Tequila)、青柠、蛋白调制。饮落辣辣哋又重酒味，馀韵会有少少甜味中和辣度，好有惊喜。
鸡尾酒加咗自家制墨西哥辣椒(Jalapeno) 糖浆，轻辣有惊喜。
Rubí
Mocktail 推荐呢杯Rubí，用石榴、青柠汁、桃汁同雪碧调制，香甜清爽，几啱夏天饮。
好啱夏天饮嘅Mocktail。
REFLECT Restaurant & Bar
地址: 旺角西洋菜南街74-84号旺角城市中心12楼
电话: 94029697