今时今日除咗一年四季可以打边炉，就连韩烧一样No Problem！「Running烧」由旺角店开始已经CP值极高，各款烧肉、海鲜、韩式料理一律任饮任食，将军澳店仲有自助蔬菜吧同即捉即烧流水虾添！
极抵食！110分钟任饮任食烧肉、海鲜、韩式料理！
除咗食物质素，「Running烧」极着重抽风系统，食完唔会成阵味，最啱三五知己围埋倾偈吹水Chill住食，而家唔同时段仲有折扣优惠！
旺角店
将军澳店
餐厅环境阔落，最啱成班朋友Chill住食、饮、叹！
最新优惠！
1. 旺角店︰ - 午市放题、晚市19:20前结账离座、或21:30后入座全单七折 2. 将军澳店︰ - 晚市19:00前结账离座、或21:00后入座均有优惠 - 订座4位或以上，免费独家生啤任饮！
条款细则 - 另收加一服务费。欢迎订座，唯逾时10分钟视作放弃留座，须重新轮候。 - 放题时间110分钟，以本公司电脑单显示时间为准，完结前30分钟截单。 - 小童︰3 – 11岁 / 长者︰须出示长者咭 - 所有优惠、价目及餐牌会不定期更新而不作另行通知，Running烧持有最终决定权。如有疑问请向职员查询。 - 所有优惠不能同时使用。 |
牛控召集！小编必食推介
烧肉嚟讲，牛肉当然系必食推介！首推薄切西冷牛扒、牛五花、烤肥牛，其馀仲有一口牛脷粒、雪花牛仔肉、牛肋骨等，款款入口Juicy，牛味极浓！
唔止牛味突出，食落仲非常Juicy有Texture。
特选五花腩！韩式酱汁任你点
至于唔食牛嘅朋友都冇有怕！呢度有韩烧必备嘅猪肉选择，当中嘅「五花腩」更系特选肥瘦均匀嘅黑豚肉，唔止肉汁丰盈，烧到微焦仲有香脆口感，直接食或者点酱汁都MA SHI DA！（编按︰好食之意）
五花腩Juicy超好食，其他猪肉选择一样Ma Shi Da！酱汁各有风味特色，试晒佢哋最实际！
韩迷必食！蒜蓉乾酪生蠔
食得韩国菜，点可能唔食乾酪呢？呢款蒜蓉乾酪生蠔，啖啖乾酪味融入生蠔之中，口感提升唔浓腻，叫多两Round都冇问题！
将军澳店限定︰流水虾 + 时令生猛海鲜
讲咗咁耐，你可以放心标题冇呃你，因为压轴「流水虾」终于出场！将军澳店真系有流水虾放题，即捉即烧极鲜味！食够20只包回本！同场仲有鲍鱼、蛏子、大蚬、带子、扇贝、大虾、生蠔、鱿鱼须，梗有一款啱心水！
温馨提示︰捉嗰阵要眼明手快唔好犹豫，啲虾真系好生猛同游得好快。
温馨提示 (二)︰记得去自助区拎锡纸兜、牛油、蒜蓉去烧带子粒呀！
仲有仲有！自助蔬菜Bar
同场仲有自助Bar，最啱食得太多肉类之后平衡返！除咗蔬菜类之外，呢度仲有大小朋友都钟意嘅肠仔类，你仲可以拎个钖纸兜同牛油，自制牛油粟米添！
Running 烧 (旺角)
地址: 旺角弥敦道726号9楼
电话: 25060380
Running 烧
地址: 将军澳唐贤街9号Popcorn商场2楼PopFood 4号舖
电话: 23361331