有烧肉串、海鲜、川辣酒煮东风螺等，劲多选择。
仲记唔记得疫情前，会成日约friend去佐敦、铜锣湾食宵夜。虽然而家都回复返正常生活，但3年疫情过后好多宵夜舖都无咗喇;如果你都揾紧有咩串烧宵夜好食，可以一试喺佐敦文英街开咗10几年嘅「川烧」，最近佢哋喺湾仔都开咗新分店，由铜锣湾行过去都系大约5分钟咋。
日式环境好啱饮清酒、生啤。
新开嘅港岛分店「川烧 串烧·酒埸」喺湾仔、铜锣湾交界，如果你喺呢两个区放工；或者喺湾仔会展睇完show嚟都好方便。呢度下昼5点半开到凌晨2点，就算夜晚11点几嚟食吓串烧，都有大把时间坐低relax吓。
「川烧 串烧·酒埸」试业优惠！
1) 凡惠顾即送日本烧生蠔1只 2) 晚上7:00前入座(6:30截单)，生啤买2送1* *星期五、六及公众假期前夕除外 |
川烧 串烧·酒埸」门口好似日本居酒屋，夜晚宵夜时段更有feel。
【日本串烧炉锁住肉汁】即睇有咩烧肉必食～
好多人都知佐敦文英街以前出名食宵夜，串烧质素无返咁上下都好难做10几年。港岛分店同样重视串烧质素，串烧炉特别喺日本订返嚟，高火力锁住肉汁同海鲜鲜味，唔会烧到干噌噌。
野椒汁烧牛小排
Prime grade牛小排本身肉质同肉味已经好正，呢种级数嘅牛唔使烧到好熟㗎，5成熟啱啱好keep到入面粉粉嫩嫩。烧嗰阵洒咗少少盐，再加埋特调烧汁好惹味。
烧特级厚切牛脷
平时食串烧一定嗌牛脷！呢度牛脷仲要劲厚切，完全做到轻韧弹牙口感。
基本串烧款都齐，选择好多。
手打免治鸡肉棒系用新鲜鸡肉慢煮再烧，食嗰阵蘸满日本蛋浆食好滑。
经典串烧都有好多选择，烧鸡软骨、烧猪颈肉、日本鸡皮串等等，基本上平时想食嘅都有。另外日本高级串烧店必有嘅烧手打免治鸡肉棒都有㗎～免治肉系用新鲜鸡肉加入葱花、调味再慢煮而成。一有人落单就即烧，加埋日本蛋口感滑嘟嘟。
烧麻辣田鸡串
坊间少见嘅串烧都有机会喺度揾到～好似呢串麻辣田鸡咁，系每朝去街市买新鲜田鸡加麻辣秘制酱烧，饮酒一流。
【每日亲到街市买海鲜】
呢度多款海鲜都系即日街市买㗎，所以每日海鲜都唔同。而且唔用雪藏货，当日卖晒就无喇，想食可以预早同店家讲定先。今次我哋嘅是日海鲜有盐烧笋壳鱼、烧苏格兰蛏子王、汁烧南非鲍、烧日本喜知次等等。
盐烧笋壳鱼，劲大条又脆卜卜。
海鲜嚟讲，最深刻印象就系呢条笋壳鱼，真系估唔到佢咁大条！平时出街食都系油浸笋壳鱼多，虽然个皮好脆但都好易腻。呢度就先喺鱼肚放入南薑、金不换、辣椒等香料，再用慢火煮至入味嫩滑，最后洒上粗盐烧到鱼皮脆卜卜，食落几有泰国风味。
烧鲜白鳝
呢度嘅招牌海鲜仲有白鳝，系新鲜原条白鳝切件后，再以盐、酱汁烧成，一咬落去好弹牙仲会渗出鱼油，钟意白鳝嘅话必试呀。
其他烧海鲜都好juicy㗎。
(左)烧苏格兰蛏子王、(右)烧日本广岛蠔
【手工创作烧物】
成日食串烧都想有啲新意，「川烧 串烧·酒埸」都有自家创作日本烧物。口感控一定要试黑松露腐皮温泉玉子，点谂到呢3样嘢加埋一齐咁吸引!! 师傅用腐皮包住温泉玉子轻炸，一咬开出面酥酥脆脆嘅炸腐皮即刻爆出蛋浆，加埋黑松露提香劲有层次。
黑松露腐皮温泉玉子
听讲好多女仔熟客都钟意嘅豚肉生菜捲，豚肉唔会太厚太腻，食落反而有啲焦脆，加埋劲满生菜健康解腻。
烧豚肉生菜捲
【系麻辣呀！】
除咗一系列烧物，饮酒真系唔少得麻辣嘢！淋满麻辣汁嘅糖心皮蛋有齐黑、黄两款皮蛋，一次过试晒两种口感。
凉拌麻辣松花鸳鸯糖芯皮蛋
麻甩友对于川辣东风螺真系零抵抗力，新鲜东风螺劲有海水味。一边倾计一边用竹签拮出螺肉，真系有种莫名疗癒感。
川辣酒煮东风螺
川烧 串烧·酒埸
地址: 湾仔骆克道399号地舖
电话: 36188278