踏入年尾，开始有各种节日假期，心情轻松咗，放工放假都想约朋友去Chill吓丶饮吓啤酒。小编今次就搵到星期一至日都有各款优惠嘅比利时啤酒屋FRITES Belgium on Tap。无论想锯扒，食烧猪肋，海鲜定饮酒都有得拣，有些仲低至半价！识饮识食嘅你，绝对不容错过。
牛控必狂 周末任食牛扒＋薯条
食西餐绝对少不了牛扒，编辑作为牛控，见到「任食美国黑安格斯西冷之夜」当然双眼发光！逢星期六丶日晚上5时起，每人HK$270就可以任食美国USDA 黑安格斯西冷扒；另加HK$180仲可以2小时任饮精选红酒！
任食西冷扒够高质
这款西冷扒系牛只腰脊顶的部位，大理石纹油花分布平均，肉质特别软嫩，轻轻煎熟已充满油香。大厨特别以阿根延香草酱点缀，微微酸咸十分开胃。
任食的西冷扒有美国USDA 认证，确保高品质。
星期四唔难捱 平食猪肋骨＋任食薯条
Chill 并唔系周末的特有权利，一星期过左一半，黎到星期四当然要奬吓自己。放工约班朋友放松吓，半价HK$195叹猪肋骨（原价HK$395）一样咁Chill！
足料BBQ酱 外脆内嫩猪肋骨
大厨先将猪肋骨慢煮3个钟，再扫上BBQ酱用焗炉烤至外脆内嫩。最正系可以无限添食薯条。薯条系用美国薯仔制作而成，特别幼身丶脆口及重薯味。啤酒配薯条，绝对系最佳搭配，停唔喥口！
猪肋骨有美国USDA 认证，确保高品质。
CP值最高！周末悭近HK$500食海鲜
CP值超高的「全天候周末海鲜拼盘」只限中环店於周末发售。
海鲜大大只又足料
原价HK$750嘅海鲜拼盘，依家HK$295就食到！拼盘有爱尔兰生蚝丶加拿大龙虾丶金卡沃卡青口丶虎虾同挪威烟熏三文鱼。逢星期六丶日，要用神秘预约密码SEAFOOD295订座，先可以优惠价食到。优惠只系响中环店先有，全日供应。
星期一至五 半价享80款啤酒丶香槟丶红酒
既然要用抵价同朋友Chill，点可以无Happy Hour！逢星期一至五，下午3点至晚上8点Happy Hour时段，用半价就饮到多款啤酒丶香槟丶红酒同烈酒！叫得「比利时啤酒屋」，当然胜在啤酒种类多，有成80几款啤酒比你拣，要浓味嘅，定系特别啲甜啲嘅朱古力啤酒丶果汁啤酒丶香槟啤酒都有。
Happy Hour 时段内，仲可以HK＄30元试饮店家推荐嘅Espresso Martini。用伏特加丶咖啡酒同Espresso调制而成，奶油香之间渗出淡淡酒味，Happy Hour 甜甜哋又醒神就啱晒喇。
FRITES Belgium on Tap
地址: 中环威灵顿街198号The Wellington 1楼
电话: 22176671