【7 Course Chef’s Tasting Menu集齐人气菜式】

平时餐厅都系普通播吓歌，点谂到呢间位于铜锣湾嘅人气餐厅“The Musicbox Grill House & Bar”会咁揼本，用晒市场上顶级嘅专业音响器材，音色绝非一般餐厅可以媲美，而且佢地仲不时会请DJ嚟打碟，之前就请嚟Pyro Music 全国No.1 DJ Spider到场献技，气氛非常热闹，冇谂过食饭都可以咁High。据知佢哋6月份开始，每个星期五六晚上都会延长营业时间到凌晨两点，想食个Late Dinner或者宵夜，以后又多个好地方。

食饭听歌系种享受，呢度全场用上顶级嘅专业器材，其他地方绝对系閒人止步嘅禁区，但“The Musicbox”唔止展示俾你睇，仲俾你地打卡影相。

【香港唯一】驻场DJ大玩Video Mixing！

最近“The Musicbox”更为餐厅加入了影像元素，除音乐播放之外，更大玩Music Video，亦因此添加了不少设备。第一波系逢星期二晚大玩Video Mixing，老板话会播放80至2000年嘅欧美音乐，而且系用黑胶唱片嚟打Video，在香港肯定绝无仅有，用上古老传统嘅音乐载体，控制最新嘅视频设备，你话点可以错过呢，老板更笑言全世界都应该唔会有好多地方咁做。音乐 x MV同步混搭双重震撼，原来食饭听歌都有更高层次，好啱约会同gathering。

逢星期二有DJ大玩欧美流行音乐，仲有全港唯一Video Mixing。

地道美国菜　Lunch任食沙律吧

“The Musicbox”主厨兼老板之一嘅Godwine，自细钟意入厨，同时喺美国学厨多年。而家Godwine都系照返美国煮法，所以好有地道风味㗎，特别系肉眼牛扒、BBQ猪肋骨、烤羊架全部都大大件。

Baby back ribs份量足料，半份都有成7支骨。

星期一至四任食沙律吧！Green Monday再平$18

如果你喺附近返工，嚟食lunch set CP值都几高。$88起有烧香草鸡胸沙律、澳洲肉眼扒(8oz)、烧烤酱猪肋骨、美国牛肉汉堡等。逢星期一至四更可追加任食沙律吧～

任食沙律吧好多新鲜蔬菜，Green Monday优惠价+$18/位，星期二至四$28/位。

美国菜都有海鲜食！一试灵魂调味料Cajun

平时美国菜嘅海鲜唔算突出，但恰好Godwine最擅长系控制温度，因此当地出名嘅海鲜料理，佢都会烹调得恰到好处。因此“The Musicbox”都有几多海鲜料理，仲会加埋自家秘制灵魂调味料Cajun(卡真)，配合Old Bay同大量香料做出独特香辣味。嗰种辣味系慢慢渗出嚟，中间又会夹杂微微香料层次，唔会抢咗海鲜fo又惹味，最近新推嘅“7 Course Chef’s Tasting Menu”都可以食到㗎。

【7 Course Chef’s Tasting Menu】

夜晚约朋友食饭听歌，呢个7 Course Menu集合咗“The Musicbox”最人气嘅料理—阿根廷肉眼扒、海鲜拼盘、黑松露义大利云吞等，唔使左拣右拣已经好丰富，每位只系$388包咖啡或茶，仲有优惠价追加生啤、红白酒、Cocktail等。