80年代热潮复兴，当时乐坛相当热闹，除咗广东歌好入屋，诞生了多位天王巨星，外语音乐同样都大受欢迎，当时热卖唱片到而家都有价有市㗎。
DJ台好有80年代Disco气氛，活动当晚更有驻场DJ打碟
想感受当年音乐吸引力，“The Musicbox”将由11月开始一连数月举行「80年代之夜」，逢星期二晚上都会播放80年代外语音乐，更有驻场DJ打碟，将时光倒流40年！
呢度特设DJ台、因为呢度老板之一就系有名嘅DJ Godwine，音响设备全部专业级数，加埋80年代Disco元素必定劲有气氛！
简约美国风环境。
地道美国南部料理
Godwine曾经在美国生活，于是将当地料理带嚟香港。最近新推几款料理，有啲fusion香港、美国元素，几有新鲜感。
烤焗乾酪通心粉 Extra加带子更丰富口感
美国最常见嘅家庭料理，基本上每个美国人都成日食。大厨加入大量乾酪、菠菜等劲拉丝creamy，冬天食暖笠笠，你仲可以额外加入带子、Cajun虾、或者鸡胸。
顶级牛扒Hanger Steak配海鲜
牛扒用咗顶级嘅 Hanger Steak，煮到3成熟超粉嫩!! 仲愈咬愈有肉味，跟埋微辣Cajun虾，相当惹味。好多人食扒唔钟意蘸汁，但强烈建议大家一试呢度嘅牛扒汁，因为系自家用牛骨熬足5日，有独特牛香，旁边仲有一碟Cowboy Butter，坊间比较少见，必定要试下。
海鲜拼盘配Cajun酱 微辣更惹味
美式水煮海鲜都会加灵魂酱料—Cajun，大份量虎虾、蚬、青口、辣燻肠、栗米等挂满酱汁，配埋大量香料弔味，食落微微辣好惹味。
中西合璧: 香港仔海鲜意粉
其实美国人好钟意玩fusion，用各地香料做出惊喜。呢道海鲜意粉就将香港常见香料—豆豉、辣椒等炒制；加上西式煮法，有曾相识的味道，却带着不一样的感觉。最钟意佢哋嘅海鲜真系好大只新鲜，大虾同蚬都好多肉，唔系平时得个名嘅海鲜意粉。
挑战辣度 魔鬼汉堡
自问食得辣，可以挑战佢哋嘅魔鬼汉堡！新推出时好多食客都表示太辣，大厨已将辣度下调喇，但想挑战嘅话可以加辣㗎。除咗辣度，汉堡扒亦系一大重点。火烤5.33oz美国牛肉，热辣辣食爆出肉汁。薯条亦特配美国Cajun粉，好有风味。
鸡尾鲜虾伴莎莎酱及粟米片
完全畀冻虾份量吓亲，足足8只大虾好似主菜咁丰富。呢道系墨西哥菜，墨西哥常见莎莎酱酸甜带辣，配埋粟米片几啱饮啤酒。
乾酪4重奏 Pizza!
呢度有多款素pizza，如乾酪4重奏、香辣野菌、5重乾酪，素食者都可以一齐嚟饮酒听吓歌。4重奏嘅4款乾酪有Mozzarella、Parmesan、Cheddar、Monterey，极级拉丝好满足。
The Musicbox Grill House & Bar
地址: 铜锣湾骆克道459-461号The L. Square8楼
电话: 23386908
