旺角呢间「十十川沪料理」大受食客欢迎，文青装修清新舒适，供应多款新派四川、上海菜，更有多款抵食套餐选择，包括最新推出嘅90分钟锅物放题，居然包括平时要逐碟嗌嘅地道前菜同手工小笼包！更有地道川式串串、清甜解辣嘅芋圆冰粉等同样可以开怀任食。
90分钟锅物放题集合川沪特色前菜、汤底，港式火锅配料，招牌菜小笼包及四川特色串串
【十十锅物】90分钟锅物放题 星期一至四 $238/位，星期五至六及公众假期$278/位
- 汤底（七选一）：沪式金汤云吞鸡、老四川沸腾水煮鱼、老檀酸菜鱼、老檀酸菜牛肉、浓茄杂锦海鲜、老四川沸腾水煮牛肉、酸菜胡椒猪肚汤 - 前菜：花雕醉鸡、口水鸡、鸡丝粉皮、川北凉粉、胡麻酱秋葵、烧椒皮蛋、凉拌莴荀丝、土豆丝 - 小笼包：金黄流沙小笼包、鲜肉小笼包 - 十十串串：鸡翼尖、孜然羊肉、麻辣鸭肾等 - 自选配料：美国肥牛、鲜嫩滑牛、香滑鸡件等肉类、饺/丸、时蔬、豆腐、饭面等 - 甜品：芋圆冰粉、酒酿丸子 - 饮品：冷泡绿茶、冷泡洛神花茶、红枣桂圆杞子玫瑰花茶、黑糖豆浆、黑糖珍珠豆浆、富士苹果/橙汁、可乐/雪碧 - 追加严选食材（加$38升级）：安格斯牛小排、西班牙黑毛猪腩肉、海虎虾、大花甲、鲜海鲈片、鲍鱼 |
超值火锅放题 7款川沪特色汤底
打边炉汤底好重要，套餐共有七款唔同汤底，包括从元朗店开业就热卖至今嘅老檀酸菜鱼，酸辣有致，加上鲈鱼鲜味好醒胃。爱辣之人就唔好错过餐厅嘅老四川沸腾水煮牛肉汤底，香辣而唔会太呛，同咩配料都夹到。
老檀酸菜鱼同老四川沸腾水煮牛肉汤底都系推介汤底
好有街头Feel！地道川式串串
套餐更包括任食十十串串同小笼包，要回本真系无难度！串串更特别神还原四川街头风味，用长竹籤串上食材，一串一口食得过瘾。唔同肉类烤熟后再洒上特制辣粉，本身已经几够味，不过餐厅亦特别准备埋川式辣酱，增添香辣层次。
多款川式串串用上长竹籤，烧过再洒上辣粉，辣得过瘾
食完串串可以饮杯黑糖豆浆或者食碗芋圆冰粉解辣
鼎泰丰前师傅助阵 手工小笼包
餐厅最受欢迎嘅手工小笼包有多款创新口味，好似首创嘅酸菜鱼汤小笼包、金黄流沙小笼包，不过今次要介绍嘅就系最经典嘅鲜肉小笼包同香辣小笼包。小笼包外皮薄得嚟有相当韧度，唔怕一夹就烂，而且里面肉汁丰富又鲜甜！皆因餐厅请嚟鼎泰丰前师傅助阵，质素有保证。
鲜肉小笼包皮薄馅足，原味最能够突出肉馅本身鲜味
香辣小笼包辣度适中，一咬秘制麻辣浓汤随即爆出
自选干锅 超过20款配料自由配搭
即将踏入冬季，除咗火锅最啱就系食香辣干锅。餐厅嘅干锅可以选择牛、猪、鸡或海鲜作主食，再自由配搭唔同特色配料，好似毛肚、黄喉、肥肠、宽粉条咁。锅里面有大量辛香料，同自选食材一齐用铁板奉上，铁板下面有火炉保温，越炒越香越惹味啊！
香辣干锅可以自选配料，越炒越香，秋冬暖身一流
酸香老坛酸菜鱼 逢星期一半价！
上文都有提到，老坛酸菜鱼系元朗店开业到而家，连同旺角两间店都相当热卖嘅菜式，用新鲜鲈鱼原条鲜劏起骨，无骨食落啖啖肉，而且肉厚嫩滑。而酸菜亦酸爽微辣而唔呛喉，记得要食埋饮埋汤底精华嘅宽粉同芽菜啊。餐厅更有优惠，每日唔同菜式有半价优惠！
老坛酸菜鱼选用原条新鲜鲈鱼，鱼肉嫩滑，酸菜汤底酸爽带辣
每日优惠 星期一：例牌酸菜鱼半价 星期二：例牌水煮鱼半价 星期三：黑毛猪腩干锅半价 星期四：鸡干锅半价 星期五：酸菜牛肉半价 星期六：例牌水煮花甲半价 星期日：例牌水煮牛肉半价 |
另一单点菜式推介系桂花蜜汁酥皮虾，的确名副其实，虾壳酥脆、虾肉依然保留新鲜弹牙。虾肉裹上香甜嘅桂花蜜汁，清香甜美，好啱送饭㗎。
桂花蜜汁酥皮虾花香清幽、减低腻感，虾壳酥脆虾肉弹牙
晚市抵食二人餐
同另一半或者闺蜜两个人想嚟撑枱脚又懒得谂食咩菜，可以留意下餐厅嘅晚市二人餐，当中包括花雕醉鸡、鲍鱼醃笃鲜、鲜奶赛螃蟹、黄金小笼包等热卖菜式。更有芋圆冰粉或桃胶小圆子作为甜点，系完满嘅一餐。
晚市二人餐包括多款巧手川沪菜，例如鲜味十足嘅鲜奶赛螃蟹，大小朋友都会钟意
装修走日系简约风格，加上植物摆设好有文青Feel
十十川沪料理
地址: 旺角亚皆老街8号朗豪坊4楼7号舖
电话: 28901966