香港各位牛痴同火锅迷相信都一定知道「616牛肉火锅专门店」，搜罗本地同世界各国包括英国、加拿大嘅靓牛，供应多款刁钻部位！例如滑尾龙、胸口膀、嫩池板等，都系坊间少见。枱上会有张「牛纸」解构唔同部位同建议烹煮秒数，保证食得尽兴。
爱牛之人嚟到可以试匀唔同部位牛肉，配合特制汤底同酱料食出牛肉鲜味
热卖Top 2！滑尾龙、横隔肌
滑尾龙即系牛后腿外侧嘅肉条，特色系脂肪少、牛味浓！由于纤维密布，因此特别配搭616独门食法：加生鸡蛋搞匀再灼！灼20秒左右就食得，外层鸡蛋令牛肉变得软滑，同时保留浓郁嘅牛肉香味。
滑尾龙肉味香浓，配生鸡蛋令口感更滑溜
横隔肌系位于肋骨内侧，同横隔膜相连嘅肉，肉质柔软、牛肉味极浓！而且每只500-600斤重嘅牛只有约2斤左右嘅横隔肌，可想而知系相当罕有嘅部位。除咗就咁食，亦可以同牛侧胸一齐食，牛味加上油香系无得输嘅配搭啊。
横隔肌系罕有部位之一，牛味最浓
新品列阵 熟成加拿大牛肩脊、加拿大艾伯塔牛肉
近年兴起熟成牛肉，等牛肉自身嘅酵素分解其肌肉组织，肉质更软嫩、柔韧适中，肉香亦会更饱满同集中！餐厅更从成块牛颈脊中精选靠近肩脊、呈大理石油脂花纹嘅一部份，经过严格品质监控作21日以上嘅熟成处理，带独特牛肉风味。
熟成加拿⼤⽜肩脊经过21日以上嘅熟成处理，肉味更浓厚
加拿大各地以Alberta出产嘅牛肉最着名，同餐厅主打嘅本地牛相比，肉汁更多同时牛臊味更低。皆因当地牧场提供自由嘅成长空间畀牛只，加上空气清新、水质洁净。再经人手严选出有优良油脂花纹嘅牛侧胸部位，牛脂风味出众。
加拿⼤艾伯塔⽜侧胸⾁有独特牛脂风味，肉质软滑
池板即系牛上肩胛肌肉，脂肪比例低，而柔软肉质纤维中蕴藏住肉汁，食落零舍多汁鲜嫩。
加拿⼤艾伯塔嫩池板最能突显艾伯塔牛鲜嫩多汁嘅特色
牛总推介 本地、英国靓牛
胸口膀又名牛白肉或者牛胸油，即系牛前胸嘅脂肪。唔好听到脂肪两个字就怕咗先，食过就知口感意外爽脆唔油腻，同时又有牛脂嘅甘香，非常香口。
胸⼝膀有天然丰富油脂甘香，口感爽脆
英国安格斯⽜前胸肋选用嚟⾃英国嘅Aberdeen Angus，⾎统纯正，加上喺当地牧场自由放牧同天然草饲，肉味清新、油份丰富。
英国安格斯⽜前胸肋油脂丰腴、肉味清新
要食到牛肉本身嘅清甜味，当然要拣返牛骨清汤做汤底，用大量新鲜牛骨、洋葱、白萝卜、时令蔬菜同香草等等，慢火熬煮八个钟头以上，清澈鲜甜，而且越食牛肉味越香！
牛骨清汤用大量新鲜牛骨同蔬菜熬煮而成
清汤味道鲜甜，能够带出牛肉鲜味
将军澳店有落地玻璃窗，感觉特别舒适开扬
即日起至2022年8月31日，凡于616牛肉火锅专门店消费即送产品堂食换领券，2022年8月5日至2022年8月18日送<澳洲五花趾>换领券，2022年8月19日至2022年8月31日送<牛骨清汤>换领券。
616牛肉火锅专门店
*每间指定餐厅支援的付款方式有所不同，详情请向有关餐厅查询。餐厅保留最终决定权。
