肉食控注意～音乐主题美式餐厅The Musicbox Grill House & Bar为庆祝踏入2周年，推出高CP值晚市套餐，主菜系12安士高质肉眼牛扒；另外更新推3款滋味肉料理同海鲜，当中嘅猫王汉堡，啱晒钟意食花生酱嘅朋友𠻹。
【抵食2周年晚市套餐】
餐厅以牛扒做主打菜式，平时单点一份烧美国顶级肉眼牛扒，12安士系$538，而家做成套餐只需$388，有齐餐汤、沙律同甜品！你重可以优惠价$28起，升级加配各式酒类饮品同Mocktail。
2周年晚市套餐（$388/位）
开胃餐汤+沙律
餐汤有义大利杂菜汤、老海湾粟米周打汤两款，后者嘅底味用虾壳同蚬熬煮而成，入口鲜味突出。而凯撒沙律则洒满乾酪，蔬菜亦好清甜爽口。
老海湾粟米周打汤、凯撒沙律
12安士足料肉眼扒
餐厅嘅美国牛扒都选用US Prime Grade牛肉，今年嘅周年套餐就以12安士烧顶级肉眼牛扒做主菜。牛扒自家湿式熟成1个月左右，口感香软，只需用黑椒、盐略为调味就可以烧制。如果钟意浓厚嘅牛味，可以蘸牛肉汁，用上大量牛骨、牛肉同蔬菜熬煮5日咁耐㗎！另外亦配自家制cowboy butter，用牛油、法式芥末等材料制成，甜中带辣。
肉眼牛扒配烤大啡菇、土豆同车厘茄
慢煮甜蜜炖蛋
收尾嘅法式焦糖炖蛋制作需时，有别于一般坊间做法，皆因用极低温焗个半钟，令炖蛋口感creamy幼滑唔实心。
法式焦糖炖蛋
【新品】
猫王汉堡
顾名思义，系由猫王Elvis Presley钟意嘅花生酱培根香蕉三明治演变而成。亚麻籽面包夹住香喷喷嘅牛肉汉堡扒、花生酱同脆口嘅培根，好似几重口味，但有蜜糖烧香蕉喺中间，以甜味中和返，唔会过咸。
汉堡扒有5.33安士，够晒饱肚
乾酪炸西班牙带骨猪扒
厚肉嘅西班牙带骨猪扒，低温慢煮后再炸，成个过程都唔超过65度，切开依然保持粉嫩颜色。而巴马臣乾酪同面包碎拌匀做成炸衣外，更大量洒喺猪扒表面，食落咸香脆口。
乾酪炸西班牙带骨猪扒配tartar酱
美式水煮海鲜
美式风味嘅美式水煮海鲜，即系将各种海鲜放入袋再摇匀酱汁。餐厅为咗方便食客，设有2/4/8人分量，重帮你预先摇好，一上菜打开就食得。固定配搭有大虾、蜕、青口、八爪鱼仔、辣燻肠、粟米同土豆，想丰富啲可以加配龙虾尾、蟹等。而Cajun、蒜蓉牛油、麻辣味3款酱汁之中，店家推介Cajun，皆因用龙虾汁等约30款材料煮成，咸咸辣辣又唔会盖过海鲜嘅鲜味。
4人分量海鲜袋
美式水煮海鲜
餐厅以怀旧黑胶唱片机、珍藏黑胶唱片等作装饰，打卡啱晒
The Musicbox Grill House & Bar
地址: 铜锣湾骆克道459-461号The L. Square8楼
电话: 23386908
