【蟹迷自助餐】雪花蟹+面包蟹+花蟹再送大闸蟹! 激长IGable甜品枱

秋意起，仿彿提醒大家又到食蟹季节喇。荃湾西如心酒店嘅自助餐餐厅 Café Circles 于2023年9月1日至11月30日推出「滋味蟹馔自助餐」，酒店厨师团队严选各地优质螃蟹，利用唔同煮法炮制多款佳肴，绝对系蟹迷福音。逢星期五至日晚，仲可以获赠秋季必食—时令大闸蟹㗎。

大闸蟹优惠！

逢星期五至日晚惠顾「滋味蟹馔自助晚餐」，每位饕客可获赠时令大闸蟹一只

环球冰镇海鲜

食自助餐当然要mark实环球海鲜！冰镇海鲜自助区放满雪花蟹脚、面包蟹、冻蟹；当然仲有经典大虾、青口、蚬、小龙虾等，各种海鲜源源不绝供应。

冰镇海鲜区集合多款高质螃蟹。

今次主角雪花蟹脚极厚肉，蟹迷绝对轻松食回本。面包蟹亦有饱满蟹膏蟹肉，每啖散发独特蟹香系大满足之选。对比起面包蟹，冻蟹就细只啲，但蟹肉嘅味道系最鲜甜出众！

面包蟹有满满蟹膏蟹肉。

多款经典海鲜，源源不绝供应。

小龙虾大只多肉。

以冰镇海鲜揭开序幕后，螃蟹料理陆续有惊喜！沙律冷盘、汤品都揾到各种蟹踪影。冷盘有清新爽口蟹肉青瓜沙律、蟹肉虾冻捲、蟹钳杯；再饮啖浓郁暖胃蟹肉周打汤，相当舒畅。

冷盘蟹钳杯好抢眼。

厨师团队已将蟹钳拆壳，轻松啖啖肉。

蟹肉虾冻捲颜色抢眼，口感丰富。

热荤区有超过20款蟹料理轮流供应，一嚐好有风味嘅薑葱炒蟹、胡椒炒蟹，镬气十足。钟意香口嘢必食金黄酥脆椒盐软壳蟹、浓郁creamy焗蟹盖、大只弹牙炸蟹钳。仲有热辣辣新鲜出炉自家制Pizza，放满蟹柳、杂椒、千岛酱再焗，必食推介！

胡椒炒蟹镬气十足。

椒盐软壳蟹炸到金黄酥脆，好香口。

焗蟹盖铺满酱汁、蟹籽，食落浓郁creamy。

炸蟹钳好大只弹牙，大人小朋友都会钟意。

不得不提 Café Circles 嘅 Live Station好出色，除咗必备即切烤肉，仲有坊间少见BBQ区。大厨即席以牛油蒜蓉烧雪花蟹脚，等食之际已经闻到好香啦！一系列串烧如鸡翼、鸡肉串、台湾肠、秋葵、茄子都系即叫即烧好惹味。

BBQ区串烧即叫即烧，坊间自助餐少有。

牛油蒜蓉烧雪花蟹脚，等食之际已经闻到好香。

身为甜品控，一入门口见到震憾长枱甜品区已经好开心！每日由甜品师傅制作多款精致蛋糕—日本紫薯戚风蛋糕、宇冶绿茶慕丝蛋糕、焗流心乾酪挞等；巨型招牌鲜果千层酥更系全晚焦点。而且不惜工本有齐Häagen-Dazs冰淇淋杯、冰淇淋批，值得留肚享用呀。同场亦有小朋友一定钟意嘅朱古力喷泉、夹糖专区，加埋一系列时令甜点完全系甜品天堂。

「滋味蟹馔自助餐」详情

自助午餐

供应时间：中午12:00至下午2:30

价钱：成人$398、小童／长者$318(星期一至五)

成人$488、小童／长者$408(星期六、日及公众假期)

自助晚餐

供应时间：晚上6:30至9:30

价钱：成人$618、小童／长者$518(星期一至四)

成人$698、小童／长者$598(星期五至日及公众假期)

*逢星期一长者享用自助午餐可享净价$250优惠，经Nina Boutique 预订9月及10月嘅自助餐更可享低至65折优惠！