嚟到尖沙咀棉登径，你会见到呢间居酒屋风格嘅日式餐厅。1楼设有吧台座位，畀你边食边睇师傅整寿司；而2楼嘅VIP房采用落地玻璃设计，感觉好开扬。呢度嘅菜式选择丰富，有刺身、寿司、烧物等选择，而且价钱丰俭由人，好啱同三五知己嚟饮饱食醉。
日本鲜鱼直运到港
餐厅采用日本直送鲜鱼，制作鲜甜嘅刺身同寿司，拼盘包括指定同时令款式，即使再次惠顾，都有机会试到唔同食材。
大大份刺身拼盘
钟意食刺身嘅朋友，呢份极上刺身盛集合7款鱼鲜同贝类，而且每款都好足料！固定款式有大拖罗4切、日本牡丹虾4只、油甘鱼4切、鲷鱼4切、粒贝1份同海胆1份，另配时令鱼薄切12片。除咗时令鱼系薄切之外，其他都厚肉大件，海胆更加鲜味十足。
极上刺身盛
时令鱼薄切12片：拍摄当日为鲛鲽鱼
粒贝表面洒上竹炭盐提味
寿司控必食足料拼盘
店内最大份嘅寿司拼盘，有10款固定款式同2款时令白身鱼。前者有中拖罗、赤身、油甘鱼、深海池鱼、帆立贝、火炙平目鱼边（即左口鱼）、日本牡丹虾、赤贝、三文鱼籽同日本海胆；而后者喺拍摄当日有平靖同石鲷，既集合大众化嘅口味，又可以一次过品嚐唔同嘅鲜味。
寿司盛12点
拖罗肉质肥美
牡丹虾、赤贝好爽口
本地鲜马友制作一夜干
餐厅除咗制作喜之次一夜干，更特别提供多一个抵食选择畀大家～ 师傅将每日来货嘅新鲜本地马友，用盐水同少少煮食酒浸泡，再用一晚时间弔干，收到客人落单再烧至外皮香脆，内里软嫩。
马友一夜干
蘸豉油更惹味
佐酒必备
同朋友啤一啤又点少得炸物呢～萨摩唐扬炸鸡选用大大块鸡扒，而且火候啱啱好，咬落皮脆有肉汁，加埋微酸嘅沙律酱好开胃。
萨摩唐扬炸鸡
暖胃一品料理
钟意食清少少嘅朋友，关东煮盛合就啱晒你喇。昆布清汤只系加咗少少日本豉油调味，浸住日本鸡蛋、日本白萝卜、椰菜豚肉捲、竹轮、黑蒟蒻、准山鱼捲同炸鱼饼，餸料款式几多，其中椰菜豚肉捲同萝卜口感最清爽。
关东煮盛合配黄芥末
即日起至2022年8月31日，凡于星期日至三，经OpenRice订座晚市时段，消费满$700（未计加一服务费并以原价计算）即享全单85折优惠。
2楼设有4间VIP房，座位都好宽敞
岚桥日本料理
地址：尖沙咀棉登径白兰轩道2号富峰行M层及1/F
订座享折扣优惠：（按此）
*每间指定餐厅支援的付款方式有所不同，详情请向有关餐厅查询。餐厅保留最终决定权。
