愈近圣诞节就愈多饭局，想继续食得丰富又抵食嘅话，泰国菜餐厅Milu Thai มิลู่ไทย就啱你喇～餐厅由泰国厨师主理，除咗常见嘅泰国菜，重有当地嘅特色料理同自创款式，如曼谷拉差达夜市好受欢迎嘅火山排骨。而即日起至2023年1月3日，午市推出全单7折优惠，咁同同事、朋友食个丰富午餐都得啦。
用OpenRice优惠券午市享用单点菜式有7折（按此）
店内设计以涂鸦为题，单点菜式全日供应㗎
【必食特色泰国菜】
火山排骨
从曼谷拉差达火车夜市引入嘅打卡菜式，啱晒肉食控开心share～几条大排骨䇄立喺碟上，高达30cm，非常足料！排骨用多种泰国香料、猪颈骨熬煮3至4个钟，入味之馀，肉质嫩滑；配埋秘制酸辣酱汁好开胃。
火山排骨
火焰烧鸡
火鸡虽然系圣诞应节食品，但太大只未必食得晒，不如试下呢道以芭提雅烤鸡为灵感嘅火焰烧鸡。上台时店员会喺你面前淋上烈酒再点火，火焰效果打卡一流，食落更加皮香肉滑。
火焰烧鸡
【辣辣海鲜】
青胡椒辣椒膏炒大头虾
嗜辣同海鲜嘅朋友，以下两道菜啱晒你呀！青胡椒辣椒膏炒大头虾，将虾只炸至香脆增加口感；再配上多种泰国香料、青胡椒同辣椒膏快炒，味道微辣，同时带出虾嘅鲜味。
青胡椒辣椒膏炒大头虾
咖喱三重奏
食泰国菜点少得咖喱呢！乾酪火锅变奏版嘅咖喱三重奏，一锅有齐青、红、黄咖喱，唔使踌躇拣咩味。餸料有扇贝、炸软壳蟹、炸龙脷柳、青口等7款海鲜外，重有多士粒畀你蘸咖喱汁。
咖喱三重奏
配香脆多士粒
【传统泰国菜】
泰式蛋包金边粉
炒金边粉系人气泰式面食之一，而传统口味嘅金边粉，配甜酸汁、豆干等炒熟后，用金黄色网纹蛋皮包住，再放上炸大虾，卖相吸引。另外可按喜好自行加入花生碎、青柠檬同辣椒粉，提升惹味指数。
泰式蛋包金边粉
鲜柠檬肉碎明炉乌头
具泰式风味嘅料理～原条乌头边煮边食，鱼肉鲜甜，伴上弹牙嘅肉丸，以及用香茅、南薑、辣椒、鲜柠檬等材料煮成嘅汤汁，爽辣开胃。
鲜柠檬肉碎明炉乌头
芒果糯米饭
最后自然要食返个芒果糯米饭，满足埋「第二个胃」嘅。芒果味道清甜，配上香浓嘅椰汁同软糯嘅糯米饭，为丰盛嘅一餐划上完美句号。
芒果糯米饭
Milu Thai มิลู่ไทย 
地址：铜锣湾耀华街3号百乐中心2楼
电话：28850060
