【老友鬼鬼摸杯底】铜锣湾型格酒吧新张8折！

钟意同老友摸杯底嘅你，mark实铜锣湾新开嘅Sidekick Bar啦，店名「Sidekick」系老友嘅意思，因为店家希望同每位客人成为老朋友。酒吧主打由专业调酒师创作嘅独特鸡尾酒，以及惹味嘅佐酒料理；加上优雅木系装潢、飞镖游戏区等元素，时尚得嚟又有娱乐气氛，啱晒年轻人聚会、开party，而家新张期内订座有8折优惠𠻹。

装潢带点英式酒吧感觉，几有格调～

特调鸡尾酒

店经理系香港调酒比赛冠军，曾于香格里拉酒店同帝苑酒店工作，经验丰富，想知边杯酒啱你口味，可以安心交畀佢推介。

Yesterday

「昨日之日不可追」好似有啲感慨，但正正系呢杯「Yesterday」嘅创作灵感！以威士忌做基底，配搭Aperol、Rosso vermouth，好似过去无数个昨日咁，有苦有甜；加入金桔浸泡，则象征年轻时嘅青涩，年少轻狂甚至带点遗憾；而橡木烟可以提升威士忌嘅木桶香气，同时代表以上所说都会随烟消散。

Yesterday（特价$70 / 原价$88）酒味浓郁，香气层次丰富

Fresco、Savage

如果聚会集惯饮几杯，推介Fresco做第一杯酒，以金酒为主调，加入接骨木花、温室青瓜，味道清新。而Savage系呢度嘅招牌Tiki Cocktail，以兰姆酒做基底，加入凤梨、肉桂、新鲜鼠尾草等材料，配埋雕像造型酒杯，由味道到视觉都充满热带风情。

左起嘅Fresco、Savage（特价$70 / 原价$88）风格清新

Sidekick Punch、Sidekick iced Tea

果香十足嘅Fruit Punch，系呢杯Sidekick Punch嘅创作灵感，白兰姆为基底，加入选用法国进口水果，包括红树莓、凤梨、热情果等，容易入口。而Sidekick iced Tea基底有Vodka、Pimm’s No.1等，入口有清新嘅苹果味同茶涩味，尾韵则有橙皮同青柠嘅微酸味，好似清新又有层次嘅水果茶。