美式菜肴足料大份，而铜锣湾呢间音乐主题美式餐厅The Musicbox Grill House & Bar更设有DJ台，又以黑胶唱片作装饰，糅合现代同怀旧风格，好啱肉食控同潮流达人嚟打卡兼开餐！今个圣诞节推出嘅半自助晚餐包括多款招牌菜，如碳烧牛扒及香煎牙鱼等；到时店内中间嘅长台会好似自助餐咁，整晚轮流供应近廿款冷热盘，包括美式水煮海鲜、焗蠔、松露蘑菇意式饺子等招牌菜式，选择好丰富呀～
【鲜味餐汤】龙虾汤
开餐前饮个龙虾汤暖胃先～用大量嘅龙虾头同虾壳焗香后，再煲几个钟熬成汤，入口鲜味浓郁，配埋蒜蓉多士更加香口。
龙虾汤
【主菜4选1】
美国极佳级安格斯肉眼牛扒10安士
主菜提供牛、猪、羊、鱼4款肉类同海鲜，配合唔同肉食控口味外，每款都分量十足！招牌菜式美国极佳级安格斯肉眼牛扒有10安士，用黑椒、盐略为调味再烧，令肉味更突出。而跟配嘅牛肉汁同cowboy butter，前者用大量牛骨、肉同蔬菜熬煮5日；后者则用牛油、法式芥末等材料制成。
美国极佳级安格斯肉眼牛扒（$888）
烤蒙古猪扒10安士
同牛扒一样，每份有10安士嘅烤蒙古猪扒，其实系美式中餐嘅菜式。餐厅选用西班牙栗饲猪，口感比较软腍juicy。如果钟意味道浓厚啲，师傅推介你蘸黑醋汁；想清爽啲则可以蘸莎莎酱。
烤蒙古猪扒10安士（$768）
烧羊架4件
餐厅选用慢煮方式炮制烧羊架，羶味适中，怕羶嘅朋友都可以一试。羊架用香草油及秘制材料调味再烧，再配薄荷啫喱同肉汁，伴上炸洋葱圈、大啡菇都好夹。
烧羊架4件（$768）
香草牛油煎牙鱼6安士
而红肉以外，重有大大块嘅鱼扒！由于选用深海牙鱼，鱼扒比一般嘅厚身；师傅一边用香草牛油煎香鱼皮，一边非常细心控制火候，确保肉质保持嫩滑而外皮香脆。连埋蚬肉一齐食，口感会更丰富同鲜味。
香草牛油煎牙鱼6安士（$798）
【任食冷盘、小食】
自助餐台轮流推出近廿款料理，全部都系任食㗎～冷盘有冻虾、海螺同青口；热盘除咗有美式水煮海鲜、焗蠔、蒜蓉牛油煮蚬、水牛城鸡翼、四式乾酪薄饼等招牌菜式外，重有乾酪焗肉丸、松露蘑菇意式饺子等，选择好丰富！
自助餐台有各式海鲜同肉类小菜
冰镇海鲜、水牛城鸡翼
焗蠔、蒜蓉牛油煮蚬
【甜品】法式焦糖炖蛋
收尾嘅法式焦糖炖蛋，特别用极低温焗个半钟，质感好幼滑。再饮埋跟传统方法，用玉桂、香料、橙等材料煮嘅圣诞香料热红酒或杂果宾治，绝对令人大满足！
法式焦糖炖蛋
店内设有DJ台，墙上挂满珍藏黑胶唱片
The Musicbox Grill House & Bar
地址: 铜锣湾骆克道459-461号The L. Square8楼
电话: 23386908
