铜锣湾呢间楼上火锅「红堂」出名手工汤底配料，更加系牛控天堂呀！因为呢度最出名嘅汤底—「牛魔王」、「红堂和牛牛油麻辣锅」都系用足料牛骨、20几种香料熬制而成，牛味激浓。而且呢度有坊间罕见嘅「新鲜本地草饲骟牯牛皇」，一食就知嗰种嫩滑同肉味超凡～每日全港数量好少咋，想食记住预订先。
呢度有坊间罕见嘅骟牯牛，牛味特浓，想食记住预订。
【限定Tasting Menu】
除咗系牛控天堂，呢度嘅师傅手工配料都吸引好多fans。但fans表示有时两个人嚟食，真系试唔晒咁多招牌嘢。所以「红堂」特别推出限定Tasting Menu，一次过试匀多款招牌汤底、凉拌小物、川味小吃、肉肉拼盘、配菜拼盘，已包多款吸汤好料、饮品同冰粉，仲可享半价优惠食「海鲜拼盘」，超级抵食呀!!
Tasting Menu超丰富，一次过试匀多款招牌。
试完好食嘅话，迟啲年尾嚟开party都得！呢度可以全场打通，加埋霓虹灯同强劲音乐，系少有劲好feel嘅火锅店。
气氛好啱开party。
Tasting Menu火锅料理$576(只限2人)
Tasting Menu专享优惠: - 半价优惠追加「海鲜拼盘」$169(原价$338) - +$38啤酒汽水任饮180分钟
1/ 锅底任选(大、中、小辣，双拼汤底+$28) - 红堂和牛牛油麻辣锅 - 和牛牛油麻辣麻甩沙嗲锅 - 清油养生麻辣锅 - 火腿花胶鱼肚老火鸡汤锅 - 东北酸菜白肉锅
2/ 凉拌小物(4选1) - 醋香黑木耳 - 蕃茄甘醋渍 - 凉拌土豆丝 - 凉拌莴笋丝
3/川味小吃(4选1) - 麻辣牛展 - 卤水拼盘 - 红堂Shake Shake炸酥肉 - 麻辣鸡翼
4/肉肉拼盘(4选3) - 日本霜降A4和牛 - 西班牙伊比利豚梅肉 - 鸡肉 - 原味滑牛
5/配菜拼盘(5选3) - 蒜泥白肉水晶包 - 金沙猪肉棋子饼 - 黑椒牛肉滑 - 黄喉 - 响铃
套餐包含:- - 吸汤好料(鸭血、冻豆腐、枝竹、杂菜拼盘、宽粉) - 饮品(可乐/7up/支装啤酒/乌梅汁) - 奉送冰粉 |
【Tasting Menu限定优惠】半价食海鲜
「海鲜拼盘」真系好值得追加呀！$169就食到鲍鱼、蛏子、龙趸片、北海道带子、海虾。个人最钟意鲍鱼同蛏子超厚肉弹牙～龙趸片都有惊喜，食落好肥美。
半价优惠追加「海鲜拼盘」$169(原价$338)
即睇Tasting Menu有咩食～
1/ 锅底任选(大、中、小辣)
全部汤底都系师傅自家熬煮，唔系一般味精汤嚟㗎。最招牌系「红堂和牛牛油麻辣锅」，加咗和牛牛油突出油香，再用20多种香料秘制麻辣胆，愈食愈麻辣，食到流汗又想继续食好爽。想有层次啲就可拣加咗沙嗲嘅「和牛牛油麻辣麻甩沙嗲锅」。
另可升级最新推出「牛魔王」一嚐激浓牛味～20几种香料熬足72小时，去到尾声再食埋汤料牛展，满满QQ骨胶原。想养颜补身就有「火腿花胶鱼肚老火鸡汤锅」，大量老鸡、花胶熬煮，汤料有好多鱼肚、花胶食，女生一定要饮多碗滋补吓。
(左)牛魔王、(右)火腿花胶鱼肚老火鸡汤锅
香辣汤底仲有台湾做法「清油养生麻辣锅」。汤料有鸭血、爆汤冻豆腐，味道香辣。唔食辣嘅就可拣「东北酸菜白肉锅」，用比利时猪肉、师傅自家醃酸菜熬煮，酸甜有层次，配肉或海鲜都好夹。
(左)东北酸菜白肉锅、(右)清油养生麻辣锅
2/ 凉拌小物(4选1)
打边炉中场可以食啲凉拌小物，解腻休息吓再战～特别钟意醋渍嘅黑木耳同蕃茄，酸酸甜甜好开胃。
(左起)醋香黑木耳、蕃茄甘醋渍、凉拌土豆丝、凉拌莴笋丝
3/川味小吃(4选1)
今次Tasting Menu可以+$38任饮啤酒汽水，好啱食麻辣小食～香口好玩就有「红堂Shake Shake炸酥肉」，可以自己加秘制辣粉shake调较辣度。
(左)麻辣鸡翼、(右)红堂Shake Shake炸酥肉
4/肉肉拼盘(4选3)
肉肉选择有齐牛、猪、鸡，仲要4选3每碟份量好多。「日本霜降A4和牛」布满油花入口即溶；「西班牙伊比利豚梅肉」肉味浓又爽口，同场仲有「原味滑牛」、「鸡肉」。
日本霜降A4和牛、西班牙伊比利豚梅肉
5/配菜拼盘(5选3)
套餐本身已免费包咗各种爆汤配料，加埋5选3配菜真系劲丰富，可以一次过试齐几款招牌嘢。「蒜泥白肉水晶包」坊间少见，外皮烟韧Q弹，咬开爆出麻辣汁；超厚肉「金沙猪肉棋子饼」，内馅系满满咸香金沙。
(左起)响铃、金沙猪肉棋子饼、蒜泥白肉水晶包
套餐已包多款吸汤好料—冻豆腐、枝竹、杂菜拼盘、鸭血、宽粉。
奉送冰粉
最后仲有四川甜品「冰粉」，冰粉本身好软Q同无甜味㗎，利用山渣干、提子干、草莓干增加天然甜香，甜度啱啱好。
四川甜品冰粉
【人气单点】
呢度出名手工配料，所有丸饺都系即日师傅手工制，连饺子皮都系由搓粉开始整～确保质素同用料，食落特别弹牙爆汁。
主打手工配料，丸饺都系师傅即日手作。
四川正宗食法 肉味更浓
有别一般沾酱同豉油，呢度有四川正宗食法嘅「七色干碟」。将肉沾上花椒粉、黄豆粉、辣椒粉等，肉味超香！
七色干碟
红堂
地址: 铜锣湾登龙街28号永光中心1楼
电话: 21511879