有时候想食甜品作为Comfort Food又怕会肥？嚟自加拿大嘅「Crêpe Delicious」招牌法式可丽饼只有170卡路里同3g脂肪，而且有多款咸、甜口味选择！打开Menu更会发现唔单止可丽饼，选择从小食、沙律、意粉、主菜等都一应俱全，同另一半或者亲朋好友一齐去都咁啱。
招牌法式可丽饼
餐厅致力采用新鲜而优质嘅食材设计菜式，招牌法式可丽饼更系即叫即做，务求最大程度保留独特嘅柔软微韧口感同蛋香。甜食之外亦有多款咸食口味，日本北海道带子可丽饼上面有香煎带子同木鱼丝，而馅料系蟹肉、生菜，加上自家制粟米蓉酱汁，鲜味十足。
日本北海道带子可丽饼
轻怡小食推介
牛油果蟹饼色彩缤纷，底部系口感柔滑嘅新鲜牛油果，中间系啖啖肉丝嘅蟹肉沙律，顶部系酸甜多汁嘅蕃茄。三层一齐食嘅时候，蕃茄酸味能够突出蟹肉嘅鲜甜，牛油果就增加口感层次，清爽醒胃。
牛油果蟹饼
烟三文鱼多士则以烤过嘅法包为底，上面放满烟三文鱼肉同蕃茄粒，中间系以豆腐、山葵、蛋黄酱制作嘅豆腐酱，细细块最啱分享。
烟三文鱼多士配豆腐酱
精选人气主菜
北美州风味嘅红酒牛颊肉经过12小时慢煮后，肉质更加软腍嫩滑，红酒酱汁更系香浓惹味！简单配搭薯蓉就已经啖啖满足。
红酒慢煮牛颊肉配薯蓉
Pizza以轻薄酥脆嘅千层酥皮取代一般薄饼底，呢款配料有美国南部经典菜BBQ酱手撕猪肉，配搭红洋葱、青椒、车厘茄、车打乾酪同Mozzarella乾酪，香浓又有层次。
美式手撕猪肉酥皮薄饼
煎过嘅大虾香气十足，同蒜蓉、车厘茄味道完美融合，意粉更会洒上辣椒碎提味，微微辣劲带出虾肉嘅鲜甜。
香辣鲜虾意粉
甜品控不容错过
甜可丽饼推介口味之一系肉桂香浓郁嘅焦苹肉桂法式可丽饼，以肉桂苹果粒为主，配搭焦糖酱、云呢拿吉士，最后以焦糖核桃点缀，甜而不腻。
焦苹肉桂法式可丽饼
黑白迷就以经典朱古力夹心曲奇Oreo作为主角，加上轻盈唔腻嘅鲜奶油同浓厚香甜嘅朱古力酱，保证各位朱古力迷满意。
黑白迷法式可丽饼
餐厅每日供应香港制造、唔同口味嘅自家手工意式冰淇淋同雪葩，两者都比坊间一般冰淇淋更低脂及低卡路里。除咗就咁食，亦可以制作成意式冰淇淋奶昔，草莓口味酸甜清爽，朱古力榛子口味香甜诱人。
草莓意式冰淇淋奶昔
甜品选择有自家制意式奶冻、布朗尼同心太软，但讲到最适合打卡嘅就要数到新地系列！唔同口味嘅手工意式冰淇淋加上配料，例如呢款系朱古力意式冰淇淋加上布朗尼、奶油同朱古力酱，为大餐划上甜蜜完美嘅句号。
朱古力新地冰淇淋
湾仔店设有半开放式厨房，可以观赏店员即席制作可丽饼
自家手工意式冰淇淋有多款口味选择，选用优质食材每日新鲜喺香港制作
湾仔及旺角店分别佔地约1,200及1,450 平方呎，环境舒适悠閒
于2022年4月29日至6月9日期间，首【50】名用户于【Crepe Delicious】使用相应OpenRice服务并消费满【$20.1 】并输入【MME20F】即减【$20】！仲等咩？快啲约埋饭脚开餐啦！
Crêpe Delicious (湾仔店)
地址: 湾仔皇后大道东200号利东街地下G26及F26A号舖
电话: 26177880
Crêpe Delicious (旺角店)
地址: 旺角太子道西193号MOKO新世纪广场3楼345号舖
电话: 28811033
