日本静冈小店「五要素食堂」主打薄饼、意粉，香港系唯一海外分店，最近一同研发100%和牛汉堡，暂时香港独家发售㗎！
日本岩手县黑毛和牛汉堡自选套餐，香港少有100%和牛汉堡。
最平$88食到100%和牛汉堡
100%和牛汉堡咁罕见，全因日本和牛身价不低，「五要素食堂」当然佔尽地理优势由日本总店引入和牛。150g汉堡扒混合30%肥和牛&70%瘦和牛手打而成，肉厚爆汁又有独特油香，其他产地牛肉难以代替。而家最平$88就食到，更可优惠价追加多款小食，CP值极高呀！
全店4款和牛汉堡选择
和牛汉堡$88 终极和牛汉堡$98 松露和牛乾酪汉堡$98 火焰和牛汉堡$88 |
追加多款配料&优惠小食！
每款汉堡都可以升级Double和牛，并可追加配料—义大利蓝乾酪、豪达乾酪、墨西哥辣椒、黑松露鲜菇、脆巴尔马火腿、和牛汉堡扒，生酮人士亦可转生菜包，相当贴心。
虽然有咁多追加配料，但真心汉堡本身已经好丰富！基本款和牛汉堡已经有150g日本岩手黑毛和牛扒、焦糖洋葱、义大利脆巴尔马火腿、美国番茄、美国牛油生菜啦。反而用优惠价追加小食，食得仲爽。
追加优惠价小食
男爵土豆沙律及洋葱汤$18
超脆薯条$28 柠檬胡椒薯条配特制丘比酱$38 蟹肉味酱薯条$48
南蛮风炸鸡$48 海苔水牛城鸡翼3只$38 巴马臣蒜牛油鸡翼3只$38 鲣鱼芝麻鸡翼3只$38 静冈和风鸡翼3只$38 静冈柚子胡椒鸡翼3只$38 |
【和牛汉堡】基本款超丰富 留肚扫优惠小食
每个汉堡都可以无限追加小食，以和牛汉堡为例，追加海苔水牛城鸡翼、蟹肉味酱薯条埋单只系$174，已经大满足啦。
日本岩手黑毛和牛汉堡、海苔水牛城鸡翼、蟹肉味酱薯条
【终极双层和牛汉堡】Double和牛合共300g！
每款汉堡都可以升级Double，2块汉堡扒加埋300g㗎！不过食落一啲都唔腻，因为焦糖洋葱甜甜哋；加埋美国引入嘅番茄、牛油生菜都特别大块清甜，好清爽解腻。特别钟意佢哋用咗牛油生菜，相比一般生菜会松软啲，唔会太爽脆抢咗和牛肉感。
呢度全部鸡翼都系新鲜炸，极级脆！最值得一试就系日本自家研发—鲣鱼芝麻鸡翼，洒上真·鲣鱼碎令鸡翼有种鲜味香口感觉。
终极双层和牛汉堡、鲣鱼芝麻鸡翼
【火焰和牛汉堡】墨西哥红椒+义大利蓝乾酪有惊喜
日本料理一向辣得低调。今次火焰汉堡大胆用上墨西哥红椒，同时保留低调作风先用醋醃制红椒，大大降低辣度之馀，辣中带酸反而好惹味开胃，就算唔嗜辣都可放心食。
火焰汉堡另一惊喜点，系特别用咗义大利蓝乾酪。因店家研发过程中发现蓝乾酪特别浓郁，可以平衡辣味又好夹。
火焰和牛汉堡、静冈和风鸡翼
【双层和牛汉堡】配名贵伯爵茶解解腻
火焰汉堡以外，全部汉堡都用上荷兰哥达乾酪。恰好同蓝乾酪相反，哥达乾酪味道淡雅，唔会抢走牛味之馀，软绵绵口感加埋肉汁好正。此外，每款汉堡都以义大利巴尔马火腿取代一般烟肉，店家特别将火腿香炸2次劲松脆，唔会出现烟肉太干太硬嘅情况。
如果惊双层汉堡太腻，小食同饮品推荐—南蛮风炸鸡、涷柠檬伯爵茶。日本炸鸡酱汁系蛋浆+白汁，绵滑清新；柠檬茶则以名贵伯爵茶叶冲制，独特茶香解腻一流。
双层和牛汉堡、南蛮风炸鸡、涷柠檬伯爵茶
【松露和牛乾酪汉堡】黑松露&洋葱汤食出仪式感
当你第一啖咬落去，就会发觉面包系特别松软。因为系自家制新鲜出炉法国牛油包嚟㗎。临上碟前，会抹上蒜蓉牛油再烧一烧，口感松软又脆卜卜。
如果食burger都想食得有仪式感，可以拣松露汉堡再配男爵土豆沙律及洋葱汤，俨如一场轻松西日fusion晚餐。沙律系自家研制，加入义大利银鱼柳提鲜，一啲都唔单调㗎。
松露和牛乾酪汉堡、男爵土豆沙律及洋葱汤
【松露双层和牛乾酪汉堡】欧洲超脆薯条无得输
汉堡同薯条一直系perfect match，所以呢度嘅薯条绝不马虎。特意由欧洲订购超脆薯条，就算閒置十几分钟或外卖都依然好香脆，可以拣一般盐味、柠檬胡椒或蟹肉味酱。
同场仲有义大利咖啡机冲制嘅多款拿铁，少女心爆发嘅涷静冈草莓拿铁，真系用新鲜静冈草莓打成蓉，女生一定要试呀。
松露双层和牛乾酪汉堡、冻静冈草莓拿铁
火焰双层和牛汉堡、柠檬胡椒薯条配特制丘比酱、冻咖啡拿铁
五要素食堂
地址: 尖沙咀弥敦道100号The ONE3楼L308号舖
电话: 28892240
