2025年会有【春】、【夏】、【秋】、【冬】Menu，保证大家一年365日都keep住有无尽新鲜感！
旺角月球主题酒吧餐厅「J.moon」，2025年开始咗新Menu啦！一入嚟就见到挂满过百盏月亮灯，每张枱仲有专属月亮灯，可以自带灯光效果影相，好靓啊～好啱同伴侣闺蜜食饭打卡，顺便直落饮返两杯㗎。
店内挂满唯美月球灯，好有气氛。
户外空间十分舒服，三五知己齐齐享受吓日光。
【酒店级大厨创作四季Fusion菜】
唔系间间酒吧都有咁多高质料理㗎，「J.moon」就有大厨团队依时令食材，于「春」、「夏」、「秋」、「冬」四季设计全新Menu。最新推出多达12款主菜，当中更大胆融入中式元素，「老干妈」+粗管通粉(Rigatoni)；北京烤鸭+手工薄饼？！即睇「J.moon」春季有咩惊喜啦～
「J.moon」2025年全春季Menu有好多选择啊！
【大胆中式Fusion】
培根卡邦尼意粉配温泉蛋、腊肠(Pancetta Carbonara with Onsen Tamago and Chinese Sausage)
平时卡邦尼意粉系用烟肉，「J.moon」就大胆变成fusion中式腊肠，比烟肉多咗种咸咸甜甜同烟韧咬口。食之前戳开温泉蛋，捞埋蛋浆一齐食更绵滑啊。
「老干妈」牛腩排番茄通心粉(“Luo Gan Ma” Tomato Sauce Rigatoni with Flank Steak)
相信大家都唔陌生嘅「老干妈」辣酱，加落番茄粗管通粉(Rigatoni)令味道酸中带辣，仲辣得几有后劲。而且牛腩排分量惊喜地多，独食或share都够满足。
手工北京烤鸭薄饼(Peking Duck Handmade Pizza)
除咗大玩中式辣酱，呢款手工北京烤鸭薄饼将中西fusion玩得更大胆。北京烤鸭标志性嘅甜面酱、酥脆鸭皮、葱丝存在感强，配上微妙嚼劲嘅手工薄饼真系瞬间清碟。
【奢华海鲜烩饭】
北海道带子黑松露酱烩饭(Black Truffle Sauce Risotto with Hokkaido Scallops)
估唔到酒吧餐厅都奢华地用上北海道带子、黑松露酱，带子大粒又够鲜。而且烩饭都几creamy，食多两啖又有黑松露菌香平衡腻感，成个味道配搭好圆满。
西班牙八爪鱼海胆烩饭(Sea Urchin Risotto with Spanish Octopus)
烩饭用咗爆多海胆煮成，每啖都食到柔滑口感同海洋鲜味。当然不得不提，好抢眼嘅原只西班牙八爪鱼脚!!加埋特制脆片撞出多重口感。
【更多特色Fusion菜】
槟城叻沙风味蓝青口配酸种面包(Blue Mussels in Penang Laksa Style with Sourdough)
无论蓝青口定槟城叻沙汁都系主角啊!!蓝青口相当肥美厚肉，而叻沙汁就用大蒜、叻沙酱、洋葱、百里香、牛油煮成，香料辣味浓郁，绝对值得用面包捞埋啲汁。好欣赏「J.moon」用酸种面包代替一般面包，微酸轻韧特色将叻沙推上另一层次。
秘鲁烤鸡伴时令蔬菜、奶油煎饼(Roasted Peruvian Chicken with Seasonal Vegetables and Butter Roti)
印度常见嘅家常料理——印度煎饼(Roti)，夹住秘鲁烤鸡一齐食几有风味。秘鲁烤鸡外皮焗到金黄微脆，一切开就爆出肉汁，鸡肉更富香料、香草味道，饮酒必食！
J.moon
地址: 旺角西洋菜南街1A-1K号百宝利商业中心4楼10-11号舖
电话: 95455738