唔想烦，谂起食乜就食乜，又唔驶逐道菜睇价钱，最正梗系食放题啦！放题已经唔系斋食刺身丶寿司咁简单，铜锣湾瀛丰放题料理专门店主打日丶泰菜，冷丶热盘有180款咁多，仲可以加钱叹埋奢华版放题，任食劲大只生蚝，仲有又靓又好玩嘅生啤啤酒机玩。
全场免费WiFi 电话落单劲方便
嗱，大家都有多年放题经验㗎啦！一定试过疯狂剔纸落单，但畀完伙计就等极都无？呢啲伤心事就唔好回想喇，呢度只要扫一扫QR Code即刻可以电话落单，叫咗咩丶未嚟咩全部一眼睇晒，专心疯狂落单劲食啦！
瀛丰依时段收费，一个价就任食180款日丶泰丶港菜，一齐睇入场价位啦！
| 时段 | 星期一至四 | 星期五丶六丶日及公众假期前夕 |
午市放题三小时 | 12:00 至 15:00 | 休息 | $189 |
优惠时段，要18:00前离座 (88折 原价加1服务费) | 16:00-18:00 | $189 | $199 |
晚市放题 | 18:00-20:00 | $229 | $239 |
| 20:00-22:00 | $229 | $239 |
| 22:00-24:00 | $209 | $219 |
- 小童一米以下免费，一米四以下为小童$149
- 逢星期五丶六丶日公众假期丶假期前夕加$10
- 星期五六日有午市放题($189)(有原价加一服务费)
- 任何时段升级版: 爱尔兰即开生蚝海胆带子任食加1664生啤同Asahi生啤任饮每位加$118
爆抵!!! 只需另加$118，即任食任饮生蚝丶海胆同生啤！
法国皇家生蚝
酒店级大大只生蚝，肉厚有海水味，全部即叫即开。
睇吓生蚝几肥美！
法国生蚝出名浓海水味，加多$20就可以食埋喇！
海胆火焰带子
北海道带子刺身无返咁上下厚身，都唔会夹到海胆呀！一啖入口双重口感，好幸福呀！
自斟生啤
呢部生啤机来头唔小㗎，系店家专登买嚟畀食客体验斟生啤嘅乐趣，有Asahi同Blanc1664两款啤酒拣。
一边斟，杯底一边闪彩灯好靓㗎，准备埋手机打卡就啱喇！
喷烟龙虾 超大刺身拼盘
除咗奢华版外，单以入场费都有180款嘢食㗎！入座当然先嚟刺身拼盘啦，喷烟龙虾真系好得意，刺身都好高质！有珍宝赤虾丶马刀贝丶白玉豚等，仲有挪威三文鱼，好食又放心。
同场有多款寿司拣，海胆波波寿司一啖入口，仲有赤贝丶象拔蚌同油甘鱼等等。
劲多泰式美食
瀛丰最吸引就系有别於一般放题店，除咗日式料理外，泰式料理都系重点嚟，串烧沙嗲汁仲系自家调配。想边食刺身，边食高质泰菜就啱晒。
沙嗲串烧
泰式鱼露烧虾劲惹味，识食一定要咬吓虾壳，微咸有风味。
泰式炒椰菜苗只用新鲜菜苗，叶嫩丶口感清爽。
热炒有镬气
热炒都有好多选择，全部大厨主理好有镬气。
和味一口牛甜香有肉味，肉质够松软。
甘叶香蒜炒墨鱼须有咬口，锺意墨鱼嘅话一定唔可以错过。
多款香口炸物
呢度任饮啤酒汽水，点可以无炸物佐酒呀？呢度炸物选择多，芝士年糕丶紫心香芋丸同炸香蕉等等都好吸引。
任食甜品丶雪条
蛋糕丶布甸丶啫喱等等都有，榴槤迷必试榴槤糯米糍呀！
多款韩国雪条任食。
仲有啤酒丶果汁丶汽水任饮。
瀛丰放题料理专门店
地址: 铜锣湾骆克道491-499号京都广场10楼
电话: 28916928