一向好有日本气氛嘅黑木亭又出新嘢喇～今次有好夏日feel嘅芒果龙虾系列～仲有IGable嘅海产六杯、女士无料饮品等，最重要系有好多优惠，最平低至半价㗎！
劲鲜甜马粪海胆刺身盘 全板/半板可选
超人气北海道马粪海胆加三文鱼，油甘鱼，虾和帆立贝，宜家仲有7折优惠价（页底有详细价钱），CP值真系好高！全部刺身都系日本直送，劲鲜甜。
妳一杯我一杯 拍拖首选海产细味六杯子 (尖沙咀限定)
名为「六杯子」紧系有6个杯啦～每款2杯好啱情侣无菌share。
超SWEET！
吞拿鱼蓉杯子都几足料，食之前手动挤入沙律汁，味道酸酸甜甜几开胃。日本生蠔上有酸汁同鱼子酱，生蠔爽弹爆汁都几肥美。海胆带子饭望落细细杯，好似食咗件足料版海胆寿司咁。
喜之次/龙虾木桶丼配-鲷鱼汤 豪华版茶渍饭
被日本人喻为鱼王嘅喜之次，入口油香弹牙真系好正。而家5折优惠就食到啦！师傅将喜之次开边分半，即叫即烧逼晒啲酒香出嚟。
食完烧鱼后，就可以自行倒入鲷鱼汤拌饭食，再将吞拿鱼蓉、蛋丝、芥末等捞匀，食落口感丰富又有鱼香，好似日本茶渍饭咁，暖胃解腻好舒畅。
特选A5宫崎和牛稀有部位(后腿肉)寿司
平时多数都系食西冷位，但用作寿司嘅话就会太腍同太油腻。所以师傅转用A5后腿肉，平时好少食到呢个位㗎。
因为后腿活动量多，牛味重又不失油香，成件寿司入口真系满口肉香好正。
热到无哂谓口 夏の芒提升味蕾感
（左）夏の芒龙虾多士
好钟意呢款多士呀！！多士同金黄龙虾肉都好酥脆，加埋微酸轻甜嘅乾酪芒果沙律酱，香口又唔热气。
（右）夏の芒蟹子沙律
真系未见过沙律咁大件芒果呀，超厚切芒果爆甜～蟹籽沙律堆到山咁高，几个人share都好满足。
豚角慢煮4小时 浓煮鲍鱼豚角(尖沙咀限定)
如果你钟意浓味嘅话，一定要点呢道豚角煮。因为豚肉、鲍鱼都用豚肉汁慢煮4小时，猪油香入晒味，用嚟捞饭/佐酒都好夹。
皇牌串烧 (自家创武士辣酱、蜜糖黄芥酱)
即叫即烧嘅串烧都好惊喜～有好多款创作款式，奶油豚肉虾、奶油免治鸡肉棒，加咗奶油薯蓉软绵绵；牛肉金菇捲特别用寿喜烧汁烧㗎。
豚肉年糕加咗韩式辣酱，拉丝劲Q弹；豚肉包鸡髀菇嘅鸡髀菇吸晒肉汁好弹牙；牛肉三色椒有蜜糖黄芥末酱，好惹味。
(左)豚肉年糕、豚肉包鸡髀菇，(右)牛肉三色椒。
晚市女士无料饮品 Lady's Night Free Drink
逢星期一至三系都系「Lady's Night」，晚市所有女士凭消费即享免费棉花糖饮品1杯，每日都有唔同味，未食先打卡～
(左)草莓特饮配蓝莓棉花糖、(右)蜜桃特饮配青苹果棉花糖。
低食午市推介 包小食2点&面豉汤(周六日可选)
（左）流心熔岩三文鱼饭 $69
简直系钟意三文鱼人士嘅福音呀～满满火炙三文鱼包住珍珠米，食前先戳开温泉蛋，将蛋浆、沙律酱捞匀，口感好绵滑。
（右）豚角煮捞面 配武士辣酱 $69
多款配料用豚角汁煮到入晒味，自家武士辣酱系赤面豉、白面豉、樱花虾、秘制辣酱调制而成。咸香微辣好有层次，记住捞匀拉面呀。
熊冰出没请注意 生日打卡新甜品
可爱熊仔冰一向好有人气，今次熊仔冰系红茶味，配埋Tiramisu、曲奇冰淇淋，一个价钱食晒3款甜品。
黑木亭优惠一览！
1)「原板海胆刺身盘」 - 全板海胆 7折$588 (原价$840) - 半板海胆7折$389 (原价$556) 2)「海产细味六杯子」 7折$239 (原价$341) 3)「喜之次鱼王木桶饭配 鲷鱼汤」 5折$448 (原价$896) 「龙虾八鲜木桶丼配 鲷鱼汤」 7折$448 (原价$640) 4) 「夏の芒龙虾多士」 6折$329(原价$548) 5) 逢星期一至三「Lady's Night」，晚市所有女士凭消费即享免费棉花糖饮品1杯，数量有限，先到先得。 6) 生日5大优惠 1.免切饼费 2. 晚市优惠满$1,000，可免费赠送蛋糕甜品1份 3.免费棉花糖饮品1杯 4. 指定限定版清酒买一送一 5. 8人以上预订，免费Upgrade VIP Private K房 (必须电话及订金确定)(尖沙咀限定) 7) 晚市88折 星期日至四晚市88折优惠(饮品及本月精选除外) 8) 指定清酒买一送一（星期五除外） |
午市单点限定优惠
凡惠顾单点餐牌，每$180即减$30 - 尖沙咀分店午市优惠(12:00至17:00) - 天后分店午市优惠(12:00至2:30) *午餐定食、饮品及本月推介除外 |
黑木亭居酒屋 (尖沙咀店)
地址: 尖沙咀金马伦道58-60号国钯大厦地下-1楼
电话: 23296669
黑木亭居酒屋(天后店)
地址: 天后清风街10号清风大厦地舖
电话: 26606373