如果你自问锺意食嘢，一定锺意放题可以疯狂食嘢。但开始觉得放题食嚟食去都系嗰啲嘅话，不如叫埋班Friend 试旺角呢间「极上帝王水产」。呢间店CP值超高，一个价钱可以叹到刺身丶寿司放题包埋日式火锅丶日式矶烧同日本烧肉200款美食丶饮品丶甜品任饮任食。
呢度有刺身丶矶烧丶火锅同鹿儿岛和牛烧肉等等，选择够晒多！
放题都食到矶烧海鲜
平时好少见放题店有矶烧海鲜？呢个并唔系错觉呀！而系矶烧成本高，所以好少放题店肯做。所以呢度食到矶烧海鲜真系好抵，食材仲要唔平，最吸睛一定系甲罗烧，将北海道蟹盖丶蟹肉同鱼子捞埋食，蟹味够晒浓郁！只要预先订位就送一客畀你喇。
锺意食蟹嘅话，一定唔可以错过甲罗烧。
矶烧海鲜特别Juicy
食完甲罗烧唔够过口瘾？仲可以加钱升级，食埋其他矶烧海鲜－大虾丶大元贝丶烧蚝同鲍鱼等等，全部都新鲜飞机运到。矶烧最正系可以保留鲜味同多汁Juicy，入口仲有海水味㗎！编辑最锺意就系烧蚝，一口咬落去又香又爆汁；锺意有咬口嘅就推荐鲍鱼喇！
矶烧真系有好多海鲜拣呀！
元贝肥厚新鲜。
一人一锅打边炉
除咗矶烧外，呢度特别之一就系可以打埋边炉。一人一锅，每日都会有不同精选锅物，仲可以叫多几款Share食。
一人一锅，份量好足。
睇完矶烧同火锅，一於睇吓放题有咩必食啦！
当然有必食刺身啦！大胃王一定要食到回本呀！
刺身款式多，鱼生片丶刺身虾同生蚝都有。
仲有好多款寿司。
要食到回本，唔少得海胆虾同厚切带子寿司。
仲有多款串烧送酒。
自问芝士控就要食埋芝士焗元贝喇，好受欢迎㗎！
留肚食贵价雪糕！
唔好以为咁就食完，呢度嘅甜品都好有份量。除咗有自家制刨冰外，仲有多款贵价雪糕丶雪条任拣。
芒果刨冰可以食到粒粒果肉。
抹茶刨冰好香浓。
雪糕款式仲多到你唔信，最抵食梗系Mövenpick 同Häagen-Dazs啦！另外仲有果汁雪条，食饱解腻就啱晒喇。全场啤酒丶有汽果酒丶汽水任饮；清酒丶梅酒只要每位加HK$40就可以无限追加。
话明系抵食高质放题，价钱当然唔贵啦，即睇有咩优惠重点！
任何时段 | HK$300有找（未计加一 或 其他追加项目） |
预先订位 | ．即享95折（学生享9折） |
生日同行 | ．4人同行，1人半价 |
极上帝王水产
地址: 旺角西洋菜街1号兆万中心9楼
电话: 21111821
