「嘛嘛地啦」系好多人嘅口头禅，今次Mamaday老板之一everyday唔再只系「嘛嘛地」，而系有Goodday Badday啦～作为Mamaday兄妹店，Goodday Badday依然延续怪奇风格，「唔好抱咁大期望蒲烧鳗鱼蛋包饭」、「白饭鱼奶酱多咁嘅味嘅义大利扁面」……啲菜名真系长到要讲句「麻卵饭」，唔系粗口呀，都系菜名嚟㗎(笑)。
Goodday Badday楼高两层，环境同菜式继续怪奇风格。
Goodday Badday充满创意幽默感，全店放满玩味划作、模型，甚至连餐枱都系老板亲自将旧式木枱，加入玩具小物重塑，每张枱都唔同㗎，环保又有惊喜。
店内充满玩味气氛，座位宽敞。
挂满有趣划作和老板亲自雕制嘅雕塑。
老板重新设计旧式木枱，环保有惊喜。
新店开业 惊喜优惠！
只要于OpenRice收藏Goodday Badday，即享： - 「唔好抱咁大期望蒲烧鳗鱼蛋包饭」免费升级原条鳗鱼 (原价需+$28) - 「醉鲍鱼遇上黑松冷感面」额外送1只梅酒鲍鱼
新店优惠 限定海鲜拼盘 优惠价$398(连白酒2杯)
午市优惠 逢星期一至五 12:00-14:00 凡惠顾午市套餐、4人同行、1 人免费 逢星期一至五14:00-17:30 所有酒精类饮品买一送一
|
【免费升级】唔好抱咁大期望蒲烧鳗鱼蛋包饭
真心，唔好理佢个名呀～真系值得抱有期望㗎！呢个鳗鱼饭喺Mamaday已经系招牌菜，而家仲可以免费升级原条，CP值劲高。
而且条鳗鱼系即场烤焗，鱼皮Q弹、鱼边焦脆，鱼肉仲好甜香弹牙～捞埋日本滑蛋、煲仔饭豉油真系劲开胃，一般「翻叮」鳗鱼真系难以相比。
【免费送鲍鱼】醉鲍鱼遇上黑松冷感面
夏天食个冷面真系好爽，黑松露冷面清爽得嚟，仲香得好有层次。鲍鱼更加用梅酒浸12小时，轻甜酒香入晒味，而家仲免费送多只呀！
【新店优惠】海鲜拼盘$398连白酒2杯
新店开业推出限定菜式，海鲜拼盘有波士顿龙虾、日本蠔、日本矶煮鲍鱼、纽西兰冻虾、纽西兰青口，咁丰富只系$398仲送2杯白酒。
【午市优惠】软壳蟹牛油果义大利饭
午市4人同行、1人免费劲抵食，当中最人气系「软壳蟹牛油果义大利饭」，喺附近返工嘅话一定要把握优惠呀。
白饭鱼奶酱多咁嘅味嘅义大利扁面
两啖一条嘅炸鱼仔真系好过瘾，炸浆加咗啤酒，利用天然原理令炸层更松化香脆～
不过最有惊喜系个意粉酱，点估到奶酱多个酱同意粉系咁夹，无睇错呀～真系奶酱多+意粉呀！仲会食到花生粒粒𠻹。
古法烤黑毛猪(西班牙豪华豚)
呢个豪华豚真系坚豪华，系用西班牙谷饲黑毛猪，以天然橡果饲养，高质到生食都得！店家就推荐9成熟，肉质最松软又爆肉汁。记住食埋隔篱嘅炸虾片，即叫即炸劲脆唔硬。
麻卵饭
文初提到嘅「麻卵饭」，真身系黑鱼子酱义大利饭。鱼子酱铺到劲满，差唔多每啖都食到粒粒卜开嘅鱼子呀。
义大利饭系用牛油四川麻辣酱煮制，少辣辣而且辣中带甜，颠复一般义大利饭都系奶油、番茄嘅刻板印象。食食吓发现仲有粒粒带子杂菌，口感和鲜甜味更有层次。
【4款创作比萨】
呢度嘅pizza批底都系自家制，配料都几意想唔到～特别系豆豉鲮鱼，原来同pizza系咁夹㗎！仲有马粪海胆都系一大亮点。
豆豉鲮鱼比萨
店家创作试味期间，偶然发现嘅超夹配料！豆豉鲮鱼鱼边轻脆，独特咸香撞埋乾酪有惊喜。上面仲铺满油麦菜，根本就系中式料理x比萨fusion料理呀。
浑身是海胆虎虾比萨
pizza洒上浓郁乾酪焗6分钟后，再铺上刺身级虎虾+马粪海胆火炙，海胆仲系好软绵鲜甜，劲正。
黑过墨汁三文鱼比萨
同样用上刺身级嘅三文鱼，令三文鱼食落软嫩又多鱼油。批底系自家以墨汁+乾酪焗制，特别咸香。
直竖拇指牛小排比萨
牛小排好重牛味，一食就知系高质牛。可能因为新鲜出炉，牛肉食落更有种烤肉嘅油香。
【自家制甜品】
呢度多款甜品都系自家手制，所以每日数量唔多，想食就要快手喇～
朱古力焦糖香蕉Creffon
多层蛋糕以焦糖布甸、朱古力千层蛋糕、朱古力ganache、朱古力戚风蛋糕、朱古力鲜奶油ganache、焦糖香蕉片组成，所以口感好丰富。
芒果布甸奶酪Creffon
芒果口味同样以奶酪奶油、芒果布甸、千层蛋糕、戚风蛋糕、鲜芒果粒一层一层叠起。芒果好鲜甜解渴，啱晒夏天食。
新品！茫茫人海遇见你嘅途中夹杂住又酸又甜
芒果+青柠口味轻甜微酸。
焦头烂额咁频扑咗一日，试下俾返少少糖自己先啦喂~
软绵焦糖雪葩，加埋硬脆饼底一齐食，有双重口感冲撃。
【玩味鸡尾酒】
呢度有好多创作Cocktail，全部都好IGable。
估你唔到
正如其名，你真系估佢唔到系咩味。呢杯系期间限定，用咗竹炭、椰子、橙味酒调配㗎～亲身嚟试吓有几估佢唔到啦。
紫苏梅子姑娘
紫苏叶嘅独特香味，加埋偏甜嘅梅酒，酸酸甜甜好清新。
一起森巴舞
有Gin、汤力水、热情果汁，酒味唔浓，女仔都会好钟意。
Blue Lagoon
梦幻蓝调，系以蓝橙酒、Vodka、七喜调制。
Love Struck Strawberries
颜色味道都好似明治朱古力咁，充满少女心。内里有Bailey's、草莓奶。
GoodDay BadDay
网址: https://s.openrice.com/QrbS0icWB00~dYKKSilyW
地址: 尖沙咀加连威老道27-27A号嘉荣大厦地下及1楼
电话: 94241449