召唤一众烧肉达人～又有新烧肉店试喇!! 日韩烧肉店「烧肉屋」有极罕A5宫崎和牛牛眼盖。同场A5宫崎和牛雪花肉眼扒(100g)，新店优惠只系$299 (原价$427)咋!! 呢个价钱想喺超市买都难啊。
A5宫崎和牛雪花肉眼扒(100g)
7折优惠$299 (原价$427)
牛肉又点止两款～多款人气牛位如A5宫崎雪花和牛粒、厚切角牛五花、厚切牛舌、封门柳、日式三角胸腹肉等都有㗎。
「烧肉屋」新店优惠(只限6月)一览
优惠1: 晚市单点餐牌低至78折 五点半后入座, 单点餐牌88折 九点后入座, 单点餐牌78折 (九点后不设订位, 欢迎walk in)
*星期五及假期前夕, 专享晚市9折 * 父亲节除外
优惠3: Tiger生啤第2杯半价 *不设上限
优惠4: 午市单点餐牌85折 午市单点餐牌85折
*午市定食、所有套餐、已折扣产品 及 饮品除外 |
【牛魔王攻略】
A5宫崎和牛稀有牛眼盖宝盒
7折优惠$359 (原价$486)
平时真系好少见牛眼盖呀，大家都知每只牛嘅牛眼盖肉位真系好有限。原来牛眼盖口感好细腻柔软，甚至去到如丝滑嫩嘅地步，，咬都唔使咬㗎。呢个宝盒仲有日本爆红牛舌袋，将厚切牛舌切成中空，再放满香葱，有种入口爆汁又Q弹嘅双重口感。宝盒有埋牛五花包奶酪乾酪、日式牛仔骨、烤野菜拼盘，优惠期间只系$359好抵。
厚切A5和牛粒三拼
7折优惠$388 (原价$536)
如果你为咗牛眼盖而嚟，仲可以拣呢款和牛三拼。有肉感重嘅A5宫崎雪花和牛粒、滑嫩如丝嘅和牛稀有牛眼盖、QQ弹弹嘅厚切牛舌，可谓一次过食匀三种极端口感呀。
烧肉屋合家欢拼盘
7折优惠$289 (原价$413)
选择困难症必拣嘅合家欢拼盘，有酱汁牛五花、日式三角胸腹肉、封门柳、猪颈肉、杂锦香肠。全部都好惹味啱饮酒，可以顺便用埋Tiger生啤第2杯半价优惠啊。
牛味浓上等封门柳桶
追求牛味浓郁嘅话，一定系封门柳fans。平时嘅封门柳份量都好少，呢个放到满嘅封门柳桶真系心心眼，终于可以疯狂扫食啦!!
【油花爆满！五花肉推介】
除咗一众靓牛，估唔到连五花肉款式都几惊喜～
荔枝五花肉
将包住荔枝嘅五花肉放上烤炉，即刻爆出油花烧到沙沙声，真系好香呀!! 一定要一啖食晒，率先有种咸香肉味；再爆出清甜爽脆口感，好令人上瘾。
四味五花肉
真系未试过有咁多口味嘅五花肉—黑椒盐、韩式酱汁、葱蒜、果味酱汁。个人钟意韩式酱同葱蒜口味，辣辣哋几夹五花肉。而果味酱汁都几香甜，有女仔同行一定要试啊。
【创意烧肉】
「烧肉屋」唔只一般烧肉，仲有好多出面食唔到嘅创意烤肉。好似菠萝配原条横隔膜、柠檬蒜泥薄切牛舌、牛五花包奶酪乾酪，将水果同乾酪完美融入烧肉，撞出惊喜。
柠檬蒜泥薄切牛舌
头先试咗几款都系厚切牛舌，其实薄切牛舌嘅软嫩轻韧都好过瘾㗎。烧之前可以夹起柠檬片，为牛舌抹上柠檬汁后更加清新有层次。
菠萝配原条横隔膜
菠萝绝对系烧肉嘅黑马，好多人都钟意烧肉嗰阵疯狂烧菠萝。今次菠萝终于成为主角，将原个菠萝起肉放入原条横隔膜，肉味轻甜几香口。菠萝份量多，绝对可以一啖烤肉；一啖清甜菠萝。
牛五花包奶酪乾酪
原来牛味+柔软绵密嘅乾酪咁好食!! 奶酪乾酪比想像中大件，食嗰阵乾酪已经溶溶哋，独特奶香可以中和五花肉油腻感。
【日韩烧海鲜】
爽脆白鳝片/烧鳗鱼 (配浦烧酱汁)
呢度仲可以烧制生猛海鲜—生蠔、大虾、扇贝等。店家嘅烧白鳝特地配上自家制浦烧酱汁，有种烧鳗鱼嘅香甜味，可以包住紫菜食㗎。
【打卡熊仔冰茶】
差唔多每枱客都见到有杯熊仔冰茶，有红火龙佛手柑熊茶、蓝蝶花佛手柑熊茶选择。熊仔冰系用茶雪制，所以融冰后都唔会淡味㗎。
【午市食烧肉抵呀！】
下昼心血来潮想食烧肉都得!! 果汁猪扒$88、酱汁牛五花$108完全唔会out budget，仲有三味牛仔骨豚肉烧拼盘7折优惠$188添, 午市套餐更会配送任饮任食面豉汤及时令前菜三点。
3款肉品都醃到甜甜哋—日式牛仔骨 、厚切角牛五花、果味酱汁五花肉，小朋友都会好钟意。
下昼想食个快饭，可以拣流心熔岩蛋三文鱼饭$88。流心蛋浆+三文鱼真系佐饭王牌，绝对会瞬间清碗呀。
烧肉屋 (天后清风街)
地址: 天后清风街10号清风大厦地舖
电话: 26606373