最近行过赫德道会发现一间蓝白主调，并挂满萤幕营造天空飞翔感觉嘅酒吧「基地贰」，气氛悠閒。但估唔到上到2楼完全系另一世界，180度无边际萤幕展示 迷幻太空、水母、蓝天白云…加埋镜面天花构成无限延伸嘅异空间，有种逃离现实嘅浪漫。
留意返呢度依餐厅防疫措施，晚市堂食至12点，唔使出示24小时内阴性快测结果㗎。
而家仲有Early Bird全单8折优惠 (18:00-19:45前埋单离席)!
每晚萤幕座位供应有限，先到先得，预约时可提出要求萤幕座位，但需待餐厅回复确认作实，敬希见谅。
下层蓝白主调，多个天空萤幕做出悠閒气氛。
上到2楼估唔到咁梦幻！180度无边际萤幕同镜面无限延伸异世界。
店主: 光影主题，好玩之馀又fancy啲、艺术啲
本身以为光影主题系行艺术浪漫路线，估唔到一班90后老板即刻笑指系好玩为主：「呢度不嬲都sell好玩㗎，我哋兄弟帮咁一齐搞呢间餐厅酒吧，梗系想自己都觉得个地方好玩啦。其实一早已经好想玩呢种萤幕效果，香港好少呢个主题嘅酒吧，好玩之馀又fancy啲、艺术啲。」当问到会点形容呢度? 最估唔到佢哋爽快地答道：「眼睛想旅行啦！真系可以睇到好多景嘛(笑)。」
仿如置身欧洲中，打卡一流。
2楼特设平台，萤光Graffiti喺夜晚发光好靓。
【激罕泰菜酒吧】食饭、饮嘢直落
除咗大玩光影，呢度都好重视料理，因为想大家可以食嘢、饮嘢直落，老板提到：「而家堂食时间已经短啦，食完仲要转场饮嘢真系好少时间玩，所以我哋用咗好多诚意心机整嘢食，仲特别请嚟正宗泰国人兼前酒店大厨主理泰国fusion菜，喺度饮酒唔使净系食薯条、意粉，而真系有高质嘢食可以坐成晚。」
超丰富泰菜同fusion菜，可以一个地方食嘢、饮嘢直落。
泰国打卡菜 火山排骨
当年泰国一出即成打卡菜，排骨要用多种泰国香料慢煮至入味，啖啖肉又松软。
仙气泰式生虾
大厨即日亲拣九节虾再手剥，只只新鲜游水劲弹牙，一咬有种弹牙胶质，包住指天椒、蒜头一齐食辣得过瘾。
新鲜龙趸 酸菜鱼
点估到酸菜鱼都可以泰式，一改平时酸菜鱼多油特点，用泰国香料煮微辣清爽。重点系新鲜龙趸劲弹牙，一食就feel到海鱼嘅鲜甜。
劲震撼斧头扒！
足足1300g-1400g好厚肉，慢煮再焗keep住肉汁，外层亦烤得香口。大厨特制泰国酸子汁，有别平时西式酱汁，酸辣突出肉味更正。
原只龙虾！基地炒饭
呢度嘅海鲜值得一讚，系大厨即日亲拣新鲜货，保证大只鲜甜。原只波士顿龙虾好抢眼！配埋自家调酱汁，轻甜突出鲜味。炒饭则炒得干身香口、粒粒分明。
大玩fusion 冬荫功卡邦尼意粉
呢款泰西fusion几玩嘢，食到闷嘅卡邦尼意粉即刻有返新鲜感。大厨将多种泰国香料打碎，再加入干酪、奶油煮制，食落系卡邦尼意粉嘅creamy，但又有冬荫功嗰种香辣。
无骨黄油鸡 海南鸡
油饭用鸡油煲好香，黄油鸡系以鸡汁慢慢淋熟，肉质够嫩，而且无骨食得方便。
解酒暖胃一流！泰式船面
船面系泰国菜经典之一，汤底特用牛骨、香料熬煮6至7小时，饮落劲香浓，饮酒中途叫碗嚟解酒暖胃真系几正。配料则有安格斯肥牛片、泰式牛丸同地道炸猪皮等。
爆馅！香蕉煎饼
超高人气香蕉煎饼，依地道做法煎得薄脆轻韧，包住满满香蕉、朱古力酱、炼奶，每啖都好爆馅。
芒果班兰糯米饭
传统糯米饭只有芒果同椰汁，甜得略为单调。呢度就加埋班兰中和甜味并更有层次，男士都会钟意食。
【驻场调酒师】特调多款Cocktail
呢度有多款打卡Cocktail，当然都有红白酒、威士忌、生啤、Mocktail等选择啦。
Siam Nuts飘出仙气劲唯美，上层蛋白做出绵滑口感。
(左上) Miss Lady(伏特加、蔓越莓、蛋白)
(右上) BASE Colada(湄公河椰子、菠萝糖浆、奶油)
(左下/右下) Thai & BASE，酒杯会依性别使用，几特别(冧酒、奶茶、朱古力、云呢拿糖浆等)
(左) BASE Kiss(Gin、复盆子、蛋白)
(中) Ga-Fee-Yen(Mekhong Chambord、Kahlu咖啡、罗勒叶)
(右) Thai Fashion(Mekhong bitters、泰国香料)
基地贰
地址: 尖沙咀赫德道17号海信大厦地下及1楼
电话: 37952445
IG:BA2E.852
WhatsApp: 55969823