最近大家都尽量留喺屋企，减少朋友聚会同出外用餐，尽量用少个口罩又安全啲。但如果你系「无饭家庭」又或者懒得煮饭，买外卖返屋企食就系最好嘅选择喇。想食得健康，又唔想煮唔想洗，可以一试唐记包点嘅「家常饭餸」系列，系每日香港新鲜煮无添加味精丶防腐剂嘅家常便饭，一打开就食得！
超方便！Grab & Go 买完走得
我哋作为香港人，当然明白香港人最锺意快。由土生土长香港人创办嘅唐记包点，煮出迎合香港人口味外，仲配合埋大家嘅速度，每日极速准备食材丶新鲜煮制，门市店员Keep 住不停煲热辣辣白饭，随时方便你Grab & Go 买完即走即食。
每日新鲜煮 无添加味精及防腐剂
唐记坚持这个「家常饭餸」系列要做到够住家丶健康丶温馨嘅家常菜特点。系列中 6 道饭餸都系经过几十次试味丶调整配方才推出，单系咖喱鸡饭丶咖喱牛筋腩饭嘅咖喱汁，就用上 20 几种香料研磨而成（如咖喱粉丶黄姜丶莞茜丶辣椒等），所以咖喱味比坊间更香浓有层次，入口先有轻甜，再有微辣後劲，捞饭一流。
经典中嘅经典 咖喱鸡饭
咖喱鸡真系港式捞饭嘅经典，一个餸已可以食两碗饭！！唐记仲特别选用黄皮鸡髀肉，贪其鸡味浓郁，鸡肉特别嫩滑。
筋位极软绵 咖喱牛筋腩饭
如果你锺意食筋位嘅软绵口感，拣牛筋腩就最啱。唐记将牛筋焖到入口即融，非常入味; 而牛腩脂肪分布均匀，够腍滑唔会韧。就算想自己喺屋企煮，都好难有咁多时间焖到咁够火喉。
陪家中两老一齐食 凉瓜排骨饭
人越大，越识欣赏凉瓜回甘味道。呢种嚟自人生阅历嘅味道，亦提醒自己要开始珍惜家人相处时间，陪家中两老食凉瓜都系一个选择。特别焖煮嘅长形凉瓜甘而不苦，少食凉瓜的人都可以浅尝几口。肋排排骨亦经秘方香料腌制，肥瘦均匀有肉感嚼劲。
儿时的味道 薯仔鸡翼饭
唔知你仲记唔记得童年时期，妈妈总系会煮薯仔焖鸡翼，细个仲好锺意用筷子笃住鸡翼慢慢食。有时突然挂住呢种味道，只因回忆作祟，今晚同妈妈一齐食返呢种童年味道亦系件窝心事。
鸡翼先腌制再炸香丶焖煮，令鸡皮香口丶鸡肉更嫩。
剔透啫喱状软骨 秘制猪软骨饭
猪软骨实在系心机菜，因为要慢慢焖煮先做到软丶腍丶滑。笔者都唔驶着墨太多去形容，单睇相就见到猪软骨煮到几剔透，啫喱状软骨加埋超软嫩肉质，个人觉得平时少食猪软骨嘅人都会锺意！！
口感有惊喜 卤肉卤蛋饭
讲完 5 款港式餸菜，仲有充满台式味道嘅卤肉饭！坊间卤肉饭都以肉碎为主，咬口欠奉仲令饭粒变得黏稠。唐记嘅卤肉饭就用咗免治肉同连皮猪腩肉整，肉碎＋腍滑腩肉食落口感丰富得多。秘制卤水汁略带微甜，唔会「死咸」咁单调，仲充满胶质有美颜之效𠻹。
唐记包点
地址: 香港九龙新界
电话: 23434133