约朋友食饭梗係想食餐好，但有时西餐份量会大失预算，靓靓摆盘只得细细块扒。尖沙咀「Poseidon」就想食客係饱住返屋企，所以菜式份量超足，好啱一班人开心Share！最重要价钱一啲都唔贵，私心推介CP值极高餐厅之一！
「Poseidon」仲要係酒吧餐厅，啤酒、红白酒、鸡尾酒款式超多，饮饱食醉大满足！而且室内空间感大，又有开扬Outdoor 座位，饮酒倾计都坐得舒服。
室内靓位有烟雾特效，好有气氛。
空间感大，有高凳、卡位同Outdoor 拣。
IG打爆卡! 潮食海鲜船「珍珠号」Seafood Cruiser
哗哗哗! 呢隻船全场吸晴打卡呃like一流，仲饮得食得，船上挂住一杯杯既分别係生蚝、大虾Cocktail、牛油果蟹肉同矶煮鲍鱼。生蚝鲜甜爽口带海水味，最特别既係会配上wasabi汁、威士忌汁同清酒汁，Wasabi 汁酸酸甜甜，威士忌汁酒香味浓，清酒汁带甜味，总有一款啱口味。
大虾Cocktail既大虾相当新鲜，肉质爽弹带鲜甜味，Cocktail 汁酸酸甜甜蕃茄味浓郁，食完好开胃。牛油蟹肉沙律上面有鱼子酱同金箔。而且蟹肉份量都几多，加埋牛油果一齐食，都几饱肚。矶煮鲍鱼煮得好淋而且好入味，可以夹埋飞鱼子一齐食，口感脆卜卜，几得意。
海鲜控必食！烤龙虾及海鲜拼盘
呢度出名海鲜多、牛扒大～想食到大满足都係必嗌！先睇呢个「烤龙虾及海鲜拼盘」就放满波士顿龙虾、虾、扇贝、鱿鱼、三文鱼、蓝青口、蚬，一众海鲜连埋猪肉肠、烤蒜头、牛油多士、粟米一齐烤焗，油香渗入海鲜劲惹味！
员工即场介绍 多款即开生蚝
大厨仲会按时令引入西班牙、爱尔兰、澳洲新鲜生蚝，Order 时可问员工当日推介。如果锺意清生啲，可拣西班牙生蚝，每隻约110至130g，接近No.1 Size 差唔多手掌咁大。
偏好重海水味推荐澳洲生蚝，味道偏咸、蚝味浓；爱尔兰生蚝则轻甜，后续有独特铁鏽味。
超大份牛扒！炭烧25安士美国斧头扒
斧头扒同样劲大份，用美国Prime 级斧头扒，足足有25安士重！大厨推荐烧至4成熟，再放置3至5分钟令热力慢慢渗入肉内，令肉质最粉嫩又Keep 到肉味浓！
炭烤美国斧头扒足足25安士，会配上烤杂菜同烧汁。
肉控另一选择 烤脆猪手配薯蓉
肉控仲有呢道烤脆猪手选择，以秘方配料醃製处理36小时，就算猪手咁肉厚都好入味。焗製前再用针刺洞，令焗製过程中将猪手水份逼出，所以食落特别脆！
清新健康前菜 三文鱼他他
睇完必食大份量海鲜、牛扒，单点Menu 仲有多款前菜、小食拼盘、意粉、Pizza等。呢道「三文鱼他他」作为前菜甜甜酸酸，相当开胃。而且摆盘好靓，好啱打卡影相。
上面铺满智利黑鱼子酱、三文鱼；下方则有健康红菜头、藜麦、白汁，一次过将多款食材入口，味道口感都好丰富，最锺意黑鱼子粒粒都卜卜脆，爆开有鱼油香。
足料脆底 人气海神Pizza
大厨坦言呢度嘅Pizza 好抵食，馅料极多、饼底够脆，所以一推出已大受欢迎。身为海鲜控，梗係一试招牌「海神Pizza」！满满珍珠带子、大虾、小八爪鱼，配香浓海鲜茄酱、芝士同罗勒，锺意浓厚口感Pizza 嘅话一定要试。
独特竹炭包 海神汉堡
同样以店名命名嘅「海神汉堡」，用竹炭粉焗製嘅竹炭包，特别鬆软又有淡淡竹炭香，更加突显8安士美国安格斯牛嘅肉味，馅料有车打芝士浓香又爆出肉汁。
自家熬龙虾汁 龙虾扁意粉 配香草龙虾汁
意粉挂满自家熬製龙虾汁，每啖虾味都好浓郁！最特别係意粉上嘅泡泡牛油，其实係大厨将牛油打成泡泡，食落有牛油香又唔会太腻，唔会抢走芝士焗龙虾嘅重点。
用蒜蓉包吸满汤！白酒煮青口
海鲜拼盘太大，又想过吓海鲜瘾～呢道白酒煮青口就好啱。秘鲁青口份量好多，用咗洋葱、蒜、红尖椒同白酒熬煮，青口精华亦渗入汤汁中，一定要用蒜蓉包沾嚟食。蒜蓉包亦特别洒上香草、Rosemary，入口好香。
香口佐酒 海神脆炸拼盘
呢度有好多款酒饮，所以最锺意一班朋友嚟倾吓计，嗌个小食拼盘Share 最好。呢款脆炸拼盘顾名思义全部都係香口嘢—芝士焗薯皮、炸洋葱圈、炸鸡条等，佐酒一流。
芝士焗薯皮好高质，薯皮唔会放到腍身，真係外脆内软。
鸡条两啖一隻，倾住计食都好方便。
香浓朱古力 布朗尼配云呢拿雪糕
同场都有多款甜品拣，个人好锺意劲浓朱古力味嘅布朗尼，一啖蛋糕一啖雪糕最过瘾。
「Poseidon」Cocktail 好有心思，大玩烟雾效果。而且各种口味都有，就算唔太饮得嘅女仔都有好多选择。
(左) Olympic、(右) Tropical Princess
(左) Poesidon power (右)The Pearl
Poesidon Surprise
Poseidon Restaurant & Bar
网上订座享7折优惠兼赚里数
地址: 尖沙咀亚士厘道24-38号天星大厦4楼
电话: 25118299