台湾人一向好客，好多当地人招呼朋友游览夜市，都会热烈介绍对方食臭臭锅～可想而知臭豆腐喺台湾人心中几重要(笑)！如果以前喺香港心瘾起想食臭臭锅，都要出旺区同人逼先得……
而呢间主打臭臭锅嘅「汤•米」店主家人系台湾人，以前成日喺台湾夜市「扫街」，当中最挂住就系围埋一齐食臭臭锅！於是一心将台湾人情味丶抵食文化带嚟香港，并且选址开扬恬静嘅将军澳海傍，等大家可以舒舒服服地慢食，唔使再同人逼啦。
食锅前先来杯高质台湾手摇 顶级茶叶作茶底!
老板想将台湾气氛带嚟呢度，店内梗系有手摇饮啦！呢度用四季春丶顶级乌龙茶叶作茶底，茶香扑鼻。珍珠奶茶丶芝士奶盖丶满杯水果茶丶纯茶等都有，就算入嚟净买手摇外带都得㗎。
芝士奶盖四季春
强力推荐用Cream Cheese 打制嘅芝士奶盖，口感细腻软滑丶奶香温和。先直接食一啖奶盖，再混和四季春茶香饮最爽。
满杯菠萝 新鲜台湾凤梨现打
另一必试系「满杯菠萝」，平时手摇店可能用果汁冲制，但呢度系用新鲜台湾凤梨即叫即榨汁而成，饮落果香十足又有果肉口感，锺意味道清爽嘅话好推介少甜。
滚住食！9款热锅选择
讲返正题，呢度有多达9款热锅拣，每款锅嘅汤底都特别熬制。当中最受欢迎当然系「招牌臭臭锅」(见最上图)，每日向香港着名臭豆腐供应商拎货，系香港食家都赞过嘅天然发酵臭豆腐，入口爆汤Q弹，最重要会喺口中慢慢渗出令人上瘾嘅「臭味」！
臭豆腐由香港着名供应商提供，知道食物来源更安心，其天然发酵法安全可靠。
台湾抵食文化 白饭／粉丝免费追加
店主坦言喺香港食物成本好高，但又好想香港人感受喺夜市一齐围埋倾计食饭嘅亲切感，所以尽量将价钱降至最低，真系连喺香港都感受到台湾嘅人情味呀！HK$96 就食到满满鸭血丶卤大肠丶牛肉丶贡丸等10几款配料，而食材会跟季节不定时更换，并可免费追加白饭／粉丝，配料比台湾夜市更丰富。
四川麻辣臭豆腐 臭得有麻香劲畅快
嫌臭臭锅臭得唔够喉，仲可以单点「麻辣臭豆腐」小食加码。店主特别加入四川口味，辣劲够强够香亦稍微遮盖「臭味」，如果同行朋友系臭豆腐入门级别，都可以叫呢个小食畀佢试试感觉。
其他推荐热锅 巴蜀烤鱼锅
香港人一年四季都锺意「拾吓拾吓」，烤鱼就系人气热锅之一。店主特别引入新鲜原条鲩鱼，并只取厚肉鱼腩位，啖啖都系嫩滑鱼肉！汤底以猪骨汤丶浓郁咸香吊出鱼鲜味。
巴蜀烤鱼锅
召唤沙茶酱Fans！沙茶牛肉锅
身边有唔少沙茶酱控，如果想试真啲店主特调嘅沙茶酱，一定要试埋「沙茶牛肉锅」。特制沙茶酱经多番试味丶调配而成，比一般沙茶酱味道更有层次，汤底以满满沙茶酱熬制，味道特浓，加埋本地肥牛佐饭真系可以食两碗！
沙茶牛肉锅
沙茶酱加本地肥牛真系无得输！
养生族 药膳豚肉锅
药膳味超强有後劲，配料有红枣丶枸杞丶云耳等，滚住食～独有嘅中药甘味丶咸香会越嚟越浓。
药膳豚肉锅，荷兰豚肉极粉嫩，鲜甜柔软。
台湾夜市小食 坐喺度「扫街」
有手摇丶有臭臭锅……有埋夜市小食真系台湾回忆返晒嚟！好多人都锺意台湾盐酥鸡，香口得嚟又Juicy。店主透露呢度嘅「盐酥鸡扒」都沿用台湾做法，将调味料加水腌制鸡扒，外皮香脆，内里鸡肉依然嫩滑多汁。
盐酥鸡扒
凉拌小青瓜
台湾夜市小香肠
汤•米
地址: 将军澳唐贤街23号帝景湾商场1楼40号铺
电话: 27808210
