睇开韩剧都知，食韩牛绝对系一件大事!! 平时喺香港食韩牛，最多都系得3-4款肉位。呢间韩国人开嘅“Sammok”，系香港唯一食到9款新鲜韩牛嘅烤肉店嚟㗎!! 包括牛腩、裙肉、顶刀、短板、裙排、挂嫩、颈鍊等，好难得一次过食匀各款韩牛风味，试吓唔同肉位有咩特色～
“Sammok”开业18年，店内好多窗边卡位坐得舒服。
木系设计，充满韩国古色古香气氛。
【全港最多新鲜韩牛】
最吸睛一定系大大块牛肉眼扒，厚切大件好有咬口。识牛之人，就一定钟意薄裙肉!! 无骨干脂肪嘅单块肌肉，肉味浓又有嚼劲。
平时成日听到嘅牛腩，原来变做烤肉食法好惊喜，火力会逼出牛脂更加软嫩又有肉汁。追求原汁原味嘅话，可以拣连接肋骨、牛肠嘅牛柳肉边位—厚裙肉，系每只牛只有500-600克嘅特殊肉位，唔系度度食到。
“Sammok”系全港唯一提供9款韩牛肉位嘅烤肉店。全部都好新鲜，一次过品嚐各款韩牛滋味。
韩牛嘅油脂分布平均，更有肉味同咬口。
睇吓韩牛几厚切！
一嚐韩牛原始肉味
想试真啲韩牛原始肉味，“Sammok”仲有埋生牛肉！将蛋黄、洋葱捞匀就食得，绵滑嘅肉感熟悉又陌生，最估唔到系生牛肉好有咬口，原始肉味越咬越出几特别。
韩牛生肉片，一嚐原始肉味。
将蛋黄、配菜捞匀食更有层次。
【韩国绿茶猪】爆香五花肉
韩国人老板对烤肉质素好高要求。除咗引入韩牛，仲有绿茶饲养嘅功能性绿茶猪，并确保使用7天内宰杀嘅超鲜猪肉，再经过48小时以上低温熟成㗎。
“Sammok”韩猪有6款肉位咁多！包括韩国人最钟意嘅五花肉、猪颈肉、裙肉、猪脸肉、挂肉、猪上颈肉。特别钟意五花肉，一边烧、一边渗出油香，烧到差唔多熟就可以煎成一件件，边位仲有啲焦脆。韩猪真系特别juicy兼富肉味，同平时食开嘅猪肉完全唔同。
6款韩猪之中，有韩国人大爱嘅五花肉。
全部韩国绿茶猪均于韩国7天内宰杀，再经48小时以上低温熟成，肉质松软零膻味。
【多膏酱油蟹】韩国人开店18年 信心保证
喺韩国好出名嘅酱油蟹，自古以嚟都系用酱油醃制，咸香鲜甜，蟹肉仲好似刺身咁鲜甜软滑。平时唔敢乱食来历不明嘅酱油蟹，难得嚟到韩国人开嘅餐厅梗系要留肚食啦。韩国老板更示范地道酱油蟹食法，将满满蟹膏拌匀海苔饭，再将蟹膏海苔饭填满蟹盖拎住食，特别有风味。
酱油蟹只只爆膏肥美，咸香鲜甜。
睇吓有几多蟹肉蟹膏!!
韩国地道食法会将蟹膏海苔饭填满蟹盖，拎住食特别有风味。
【激抵韩牛·韩猪·酱油蟹优惠】
优惠1) OpenRice订座预付套餐·低至75折。
于OpenRice订座时，选择套餐及完成付款；入座时向餐厅出示预付记录即可享用优惠套餐。 |
优惠2) OpenRice订座即享全单9折
经OpenRice订座星期一至日(6:00pm-8:00pm)，即享全单9折。 |
【地道韩国料理】重现妈妈味道
其实老板当初开设“Sammok”，全因嚟到香港工作后好挂住妈妈煮嘅料理。最后索性开间餐厅还原韩国味，18年嚟都坚持韩国煮法㗎。所以嚟到食烧肉外，仲有好多韩国料理㗎。
韩国产淡水鳗鱼
唔讲唔知，韩国人真系好钟意食烧水鳗，饮埋酒真系一流。烧到外焦内嫩就食得，鱼皮仲有少少烟韧𠻹，蘸啲韩式豉油酱仲好食!!
烧水鳗，烧到外焦内嫩最好食。
多款韩式锅物！
呢度嘅烧肉炉可以用嚟食埋锅物，滚住食好有feel。韩国八爪鱼一向好受欢迎，想食QQ弹弹口感可以拣牛肉八爪鱼锅。
呢度有多款锅物选择，牛肉八爪鱼锅人气好高。
另一款热门锅物—杂锦牛肉锅，绝对系牛控福音！因为有齐牛筋、牛脷、牛肉、牛腩多种牛位。汤底用牛骨熬制，加埋人参、红枣、莲子等引味，滋补香浓。
杂锦牛肉锅好丰富足料。
韩式酱猪蹄
大家都知韩国女仔对外表好有要求，所以富骨胶原嘅猪蹄好受欢迎。「三木韩国料理」嘅韩式酱猪蹄好大份，2至3人share都好够食，可以用生菜包住猪蹄、泡菜、蒜头再蘸酱食，惹味又解腻。
韩式酱猪蹄富骨胶原，女生必食。
【韩国午餐】牛肋骨汤饭
呢度都有各款韩国午市料理，价钱更抵。呢款牛肋骨汤饭就最多人钟意，睇吓牛肋骨几大件!! 大厨仲燘到好软腍，一拮就轻松肉骨分离，将白饭舀入牛汤一齐食好开胃。
多款午市料理选择，CP值高。
三木韩国料理
地址: 尖沙咀堪富利士道12-16号宏贸发展大厦2楼
电话: 27218970