韩烧放题最紧要CP值高，一次过有齐烧肉、海鲜、韩式料理、冰淇淋任饮任食，谂起都兴奋～旺角同将军澳都有分店嘅「Running烧」，似乎听到大家嘅心声，引入劲多高质食材之外，多个时段都有7折优惠！
7折优惠详情！
将军澳分店 - 午市、晚市19:00前离座 或 21:00后入座，即享7折优惠
旺角分店 - 午市放题、晚市19:20前离座 或 21:30后入座，即享全单7折优惠
条款细则 - 另收加一服务费。欢迎订座，惟逾时10分钟视作放弃留座，须重新轮候。 - 放题时间110分钟，以本公司电脑单显示时间为准，完结前30分钟截单。 - 小童: 3-11岁 / 长者: 须出示长者咭 - 所有优惠、价目及餐牌会不定期更新而不作另行通知，Running烧持有最终决定权。如有疑问请向职员查询。 - 所有优惠不能同时使用。 |
【爆食回本放题！】即睇2间分店有咩食～
韩烧一定要烧肉～望住烤肉慢慢烧出油花最正。2间分店都有牛五花、烤肥牛、一口牛柳粒、雪花牛仔肉、牛肋骨等，满足一众肉控呀！
2间分店都有劲多牛肉拣。
牛肉之外，仲有韩剧常出现嘅特选五花腩，系特选肥瘦均匀嘅黑豚肉，肉边烧到微焦最正，食落仲好有肉汁油香。当然仲有豚肉、鸡翼等选择啦。
牛肉以外，亦有好多选择。
海鲜方面就有生蠔、大蚬、带子、扇贝、大虾等。韩烧梗系唔少得拉丝啦，蒜蓉乾酪生蠔铺满乾酪，望住乾酪慢慢烧溶好疗癒，浓郁拉丝加埋爆汁生蠔好正。
生猛海鲜。
【将军澳限定】流水虾+生猛海鲜
有咩新鲜得过直接喺鱼缸夹上嚟烧～将军澳分店限定嘅流水虾，放题套餐已经包咗任食喇！每朝新鲜运到流水虾劲生猛，只只都喺大鱼缸游紧水㗎，即捉即烧劲鲜甜。
流水虾区好大，放题任食好抵。
游水虾好生猛。
将军澳分店限定新引入大头虾、鲍鱼、蛏子、沙白蚬、美国灰蚬、鱿鱼串，几款新鲜海鲜都大大只，轻松食回本。
将军澳分店限定时令海鲜。
烧鱿鱼串好有风味。
自助蔬菜吧
自助区仲有多款蔬菜，女生唔怕净系食肉喇。最贴心系有埋钖纸兜同牛油畀你，想自制牛油粟米、牛油杂菇都得！
自助区好丰富，自制牛油粟米、牛油杂菇都得。
【旺角限定】鹿儿岛和牛 任食回本！
旺角分店就主打靓牛～除咗头先提到嘅多款牛肉、五花腩同海鲜任食。
牛控更可升级和牛放题，任食最新引入鹿儿岛A5和牛、原块顶级T骨牛扒、美国牛颈脊、美国特选封门柳，轻松食回本呀！
旺角店好有韩国地道气氛。
旺角店限定任食鹿儿岛A5和牛。
油花分布平均，食落劲juicy。
超大件呀！
【记住食埋】韩国直送饮品＆雪条
2间分店都有超过20款饮品任饮，韩国直送就有果汁、乳酸梳打等。
超过20款饮品任饮。
韩国直送雪条都有好多口味，果汁、榴梿、红豆、椰子等都有。
多款韩国直送雪条任食。
Running 烧
地址: 将军澳唐贤街9号Popcorn商场2楼PopFood 4号舖
电话: 23361331
Running 烧 (旺角)
地址: 旺角弥敦道726号9楼
电话: 25060380