酒吧都有180度光影效果。
「基地贰」酒吧可以饮嘢兼食埋泰国烧烤～系前酒店泰国人大厨主理，有泰国爆红火山排骨，仲有打卡好靓嘅仙气泰式生虾、飞天炒面。钟意fusion就有龙虾炒饭、冬阴功卡邦尼，加埋一系列泰国烧烤，完全可以食饭、饮嘢直落呀。
嚟食泰国嘢都好有气氛。
经过「基地贰」门口会畀一系列天空动划吸引，配埋蓝白色环境好chill。2楼180度无边际萤幕更梦幻，星球、天空动划沿天花镜面无限延伸，有种超现实浪漫。
男仕们都有打卡位!
光影效果原来嚟自一班90后老板谂法：「我哋兄弟帮咁一齐搞呢间餐厅酒吧，梗系想自己都觉得个地方好玩啦。其实一早已经好想玩呢种萤幕效果，香港好少呢个主题嘅酒吧，好玩之馀又fancy啲、艺术啲。」
「基地贰」地下挂满天空动划。
订座优惠！
只要经OpenRice订座，即享全单88折 |
【泰国爆红料理】火山排骨
火山排骨系近年爆红料理，泰国当地一出即成为打卡菜！排骨用咗多种泰国香料慢煮至入味，啖啖肉又keep到好松软。
【打卡必食】飞天炒面
反地心吸力嘅飞天炒面，一上枱已经好靓！食之前可以亲自淋上酱汁，入口嗰阵啲面仲系脆卜卜㗎，加埋鱿鱼一齐食又脆又弹牙。
【人气泰Fusion】
冬阴功卡邦尼意粉
点谂到冬荫功+卡邦尼意粉都得？多种泰国香料打碎后加入乾酪、奶油煮制，意粉creamy之馀后劲又湧出冬阴功香辣。
原只龙虾基地炒饭！
招牌基地炒饭有原只波士顿龙虾～泰籍大厨每日都会亲拣海鲜，所以啲龙虾都好大只鲜甜㗎。炒饭干身又粒粒分明，挂满甜甜哋嘅酱几开胃。
【泰式烧烤】泰式烧蠔
香港好少酒吧有正宗泰式烧烤，泰籍大厨特别引入烧烤炉做地道烧海鲜，生蠔、原只鱿鱼、龙虾等都系即叫即烧。烧生蠔都几厚肉，咬开仲会爆出啲蠔汁。上面嘅青酱系生虾酱嚟，微酸清爽同生蠔几夹。
【人气鸡尾酒】
呢度嘅Cocktail好多选择，想酸甜开胃啲可以试Sweet Baby，悬空酒杯好梦幻，系用桃、玫瑰Gin、苹果汁、柠檬汁等调配，酸酸甜甜。Earl Grey Martini则茶味浓郁，有伯爵茶Gin、橙、柠檬等，后劲会湧出酒味几有层次。
(左)Sweet Baby、(右)Earl Grey Martini。
唔饮酒都有Mocktail选择，以芒果、薑汁汽水调嘅Base Cooler，香甜味道好啱初春气氛；Summer Beach则有蓝莓、罗勒、汤力水，淡淡莓果香草味几清爽。
(左)Base Cooler、(右)Summer Beach
基地贰
地址: 尖沙咀赫德道17号海信大厦地下及1楼
电话: 37952445