而家点心都可以食放题啦！其中一间就系将军澳主打fusion中菜嘅「礼记」。点心款式新派又高质素，食得又睇得，最适合大家手机食先，打卡一流!
【限定点心放题】平试米芝莲星级大厨手艺
「礼记」更邀得40年入厨经验 及 曾任多间米芝莲星级餐厅嘅爵哥担任总厨，小菜点心都好精致。趁住限定点心放题，即刻疯狂扫食！
店内环境典雅，好有现代中菜气氛。
以油划、弔灯点缀，相当雅致。
最平可以免费食！
全部点心都系师傅每日用新鲜食材制作，绝非工场制品,绝对有品质保证。「限定点心放题」期间更享优惠价—平日$288/位、星期六及日$298/位；同时2人同行1人半价、4人同行1人免费，超值价钱一嚐米芝莲大厨手艺。
「限定点心放题」优惠加码！
放题价钱: 平日$288/位、星期六及日$298/位 价惠加码: 2人同行1人半价；4人同行1人免费 |
【即睇放题有咩食！】
点心放题有蒸点、肠粉、炸点、包点、小食、小菜、粉面饭、甜品，超过30款任点任食，每位只需加$10更可享饮品任饮，CP值劲高。
放题超过30款手工点心、小菜、甜品等，任点任食。
瑰丽黑金虾饺皇
放题点心好有惊喜，特别系虾饺一反晶莹剔透传统，变成沉稳瑰丽嘅黑金色，其实系新鲜墨鱼汁制成㗎。虾饺皮好柔软，内馅则有原只纯虾仁、新鲜猪肉，鲜甜爽口。
黑金虾饺好华美。
黑鱼子梅头烧卖
烧卖特别用上梅头肉，松软弹牙又有肉味；配埋日本北海道元贝、顶级黑鱼子，尽显贵气又增加淡淡咸香层次。
烧卖用梅头肉，好松软。
蛋煎糯米鸡
唔讲真系估唔到佢系糯米鸡，金黄色蛋浆完美包住成只糯米鸡。每啖都好软Q，又有滑蛋解腻，作为烟韧控一定要试呀。
烟韧控必食嘅糯米鸡。
富士苹果酥
内馅有满满日本富士苹果，而洒上糖霜嘅外层酥皮，则用日本面粉、法国牛油、鸡蛋揉制而成，松化又有满满奶油香。一咬开已经闻到清爽苹果味，食落甜而不腻， 重新定义苹果甜点。
馅料用日本富士苹果，甜而不腻。
怀旧凤梨咕噜肉
同场仲有多款手工小菜，大厨重新演绎经典咕噜肉，以山楂、咸梅制作酱汁。山楂带甜解渴；咸梅则能减轻醋酸呛口，令咕噜肉嘅醋酸味更有层次。
咕噜肉用嘅猪肉都好讲究，系半肥瘦新鲜猪肉，就算炸完都keep到肉汁，做到外酥内juicy效果。
放题都有小菜食！
【特别单点推介】
虽然呢几道点心同小菜放题暂时无得食，但都好值得留肚一试呀。
招牌甜酸大海虾脆面
呢道凌空出现嘅脆面，其实系大厨用独有人手淋油方法，先做到脆面飞天效果。脆面下方仲有好多甜酸大虾，拌面一齐食劲满足。
独特手法做嘅凌空飞天脆面。
三色小笼包
单单造型已经好吸睛！小笼包皮薄多汁，入口爆出浓郁汤汁，过足口瘾，但食嗰阵真系要小心热呀。好欣赏佢嘅肉馅好鲜嫩，加少少香醋嫩薑已经好惹味。
爆汤三色小笼包，造型劲吸睛。
红菜头松露野菌饺
好有少女心嘅粉红色松露野菌饺，其实系红菜头天然色素嚟，够晒健康。内馅有多种菌类，加上义大利黑松露酱，入口即渗出独特菌香。
粉红色系天然色素嚟㗎。
安格斯牛肠粉
由最基本米浆开始，已经系点心师傅亲自磨制，最后将Q弹滑溜肠粉包住安格斯牛肉。入口滑嘟嘟，咬开又爆出肉汁同牛味，比一般牛肉肠粉香浓，好有惊喜。
肠粉米浆由点心师傅亲自磨制。
礼记
地址: 将军澳唐俊街23号MONTEREY Place地下G19号舖
电话: 28611226
