「黑木亭」小店几年前喺天后开业，主打和牛、龙虾、刺身，创作料理吸引一众fans。早前有尖沙咀分店后，最近元朗分店「黑木亭-お食事処」都新开业喇！而家元朗分店限定优惠，惠顾龙虾刺身大满贯套餐即送「龙虾粥+龙虾钳蒸蛋」！时令生蠔大大只更低至$88；连埋清酒啤酒买一送一，饮饱食醉劲划算，即睇详情啦～
【必抢优惠】
龙虾刺身大满贯套餐 半价$1,399 (原价$2,798)
另送「龙虾粥+蟹肉龙虾钳蒸蛋」价值$468
大满贯龙虾刺身套餐有寿司大满贯+龙虾刺身～超过6款波波寿司之外，加埋三文鱼刺身、海胆鱼籽、牡丹虾刺身劲丰富。当然仲有主角龙虾刺身，厚切龙虾肉晶莹Q弹。
一个价钱食晒龙虾刺身+超过6款波波寿司+日本刺身，选择困难症终于唔使谂到头爆喇。
套餐免费送 | 龙虾粥+龙虾钳蒸蛋
免费送嘅龙虾2食都好有诚意，用龙虾壳熬嘅龙虾粥，精华渗晒入粥底，软绵绵又鲜甜。
粥底绵密，每啖都劲有龙虾味。
龙虾钳蒸蛋就好似日本茶碗蒸升级版，加咗高汤蒸到滑嘟嘟。
有原只龙虾钳，完全系日本茶碗蒸升级版。
【指定料理低至半价】
原板海胆 半价优惠$298(原价$596)
日本直送原板海胆(50g) 份量好多，creamy又有海水味。
日本直送海胆5折就食到啦。
【时令刺身】
大大只生蠔低至$88
优惠价生蠔好大只，有令和怪物、南非Saldanha Bay蠔、日本山田湾风雅蠔等等选择。
深海池鱼王薄切
踏入春夏，正正系池鱼盛产季节。肉质爽口又略带油份，鱼味鲜甜难怪有「王」之称。
夏季时令池鱼王刺身。
【Cosplay寿司师傅】DIY寿司刺身盒
超美寿司盒，木盒放满刺身、醋饭、紫菜畀你cosplay寿司师傅自己整手握寿司，好玩好食，即刻整件足料寿司食吓先～刺身食材包括: 三文鱼、海胆、拖罗、带子、樱花鱿鱼、芥辣八爪鱼、三文鱼籽
终于可以试吓自己整寿司啦。
整件足料寿司畀自己食先。
【人气捲物】
常满捲
「黑木亭」开业几年就咁受欢迎，其中一个原因系啲嘢真系好足料。好似「常满捲」嘅三文鱼、油甘鱼、带子都好厚切，仲要铺满爆多海胆。
捲物都超爆料，顺便挑战吓一啖食唔食得晒咁多鱼生!!
爆葱吞拿鱼蓉鮟鱇鱼肝捲
鮟鱇鱼肝一向系日本矜贵食材之一，味道淡雅、口感绵密，完全无鹅肝嘅腻感。今次连埋爆多吞拿鱼蓉一齐食，完全唔会抢咗吞拿鱼鲜味。
鮟鱇鱼肝有独特口感，又唔会遮咗吞拿鱼鲜味。
【A5宫崎和牛推介】
A5宫崎和牛他他
A5宫崎和牛他他 6折$199(原价$332)
如果你钟意食重肉味嘅和牛，可以拣和牛他他，将粉红嘅半熟和牛肉，夹住洋葱、酸汁一齐食好有层次～6折后200蚊有找CP值极高。
和牛他他好粉嫩，原始肉味劲香。
石板A5宫崎和牛厚切 7折$388(原价$554)
和牛最正就系入口化出油脂～呢道石板和牛烧两烧已经见到啲油脂标出嚟啦，真系要趁热食！
A5宫崎和牛极厚切，烧到热辣辣即食好正。
A5宫崎和牛小熊泡泡浴寿喜烧 配棉花糖兔兔酒2杯
7折$398(原价$569)
A5宫崎和牛堆到成座山咁高!! 可以自行将寿喜烧汤倒入锅中小熊，望住佢慢慢融化好得意又有啲唔舍得(?)。
寿喜烧锅仲会送2杯台湾兔兔酒，系近期讨论度极高嘅Spring Vodka，随机口味有荔枝、蜂蜜、茉莉绿茶等。
小熊泡泡浴来了！快快自行将寿喜烧汤倒上熊仔身上啦。
A5宫崎和牛成座山咁多。
【晚市一人前套餐】
一人前烧肉套餐
星期一至四都有一人前套餐，送蒸蛋、刺身3点、沙律、前菜2点、 味噌汤。
左: 烧安格斯牛扒定食 中：杂锦烧肉定食 下：薄烧牛舌定食
石头锅
如果钟意饭焦脆卜卜可以拣石头锅饭，全部有饭焦㗎。
松叶蟹石头锅饭
【儿童套餐】男女小朋友都钟意
男仔女仔都有自己嘅尊属套餐～Big Boy Set会有炸薯条、炸虾、小寿司等，仲有小朋友钟意嘅滑嘟嘟奶油虾乌冬，另配橙汁饮品1杯。
Big Boy Set
Little Girl Set
【儿童特选】可爱日本料理
电动儿童寿司转盆
「黑木亭」系少有日本居酒屋咁有心思设计儿童餐，小朋友玩呢个迷你寿司转盆一定好乖食晒啲健康寿司，大人又可以自己倾吓计争取me time。
好食好玩嘅寿司转盆，系小朋友尊享㗎。
【寿司外卖店】
赶时间想grab & go，元朗分店「黑木亭-お食事処」门口更系外卖专门店，有多款寿司、和食、关东煮即买即走。
「黑木亭-お食事処」元朗店限定优惠！
1) 凡惠顾「龙虾刺身大满贯套餐—寿司大满贯+龙虾刺身」，即送「龙虾粥+蟹肉龙虾钳蒸蛋」*
2) 时令大只生蠔低至$88 (包括: 令和怪物、南非Saldanha Bay蠔、日本山田湾风雅蠔等等)
3) 指定料理低至半价
4)全日单点餐牌88折(星期五、六及公众假期前夕除外)
5) 限定版清酒及啤酒买一送一，价钱低至$58^ 包括: Asahi Super Dry 330ml (2支) $58 北鹿 北秋田 浊酒 720ml(2支) $378 本月特选 -限量版720ml(2支) $538 作 惠乃智 纯米吟酿720ml(2支) $728
*限定每天5份 ^全日供应，星期五除外 |
黑木亭-お食事処(元朗店)
地址: 元朗裕景坊15-25号玉成大厦地舖
电话: 63653267
黑木亭居酒屋 (尖沙咀店)
地址: 尖沙咀金马伦道58-60号国钯大厦地下-1楼
电话: 23296669
黑木亭居酒屋 (天后店)
地址: 天后清风街10号清风大厦地舖
电话: 26606373