疫情前好多人都锺意短飞台湾，甚至趁周末快闪。无他，台湾夜市扫街真系大满足！想喺香港回味台湾夜市，唔只得盐酥鸡拣嘅，今次就有香港少见嘅台式夜市串烧！
将军澳新开嘅「小野人」老板，以前成日喺夜市扫街，对超多款式嘅台式串烧印象深刻，於是将呢种台式串烧带嚟香港。而且串烧价钱相宜，好啱一次过Order 一堆串烧，员工会放满烧烤保温炉直接上枱，烤住食好有气氛。
「小野人」主打台式串烧，环境典雅清新，坐得舒服好啱慢食。
落单後，店员会将串烧放满烤炉上枱，烤住食好有气氛。
自家人手制 台湾卷物串烧
其实台湾夜市有好多卷物串烧，将肉片卷住各种蔬菜，细细粒一啖入口爆出肉汁。口味多变，每间店都有自己特色，呢度招牌款就有香葱豚肉卷丶芦笋牛五花卷丶糯米椒牛五花卷。
锺意香口啲嘅话，必试糯米椒牛五花卷。五花肉好有油香，包住嘅糯米椒微辣惹味，唔嗜辣都食到。
超丰富海鲜！美国即开生蚝都有
台湾串烧烧得香口，但唔会太辣太重口味，所以好夹海鲜。呢度嘅海鲜就有蒜蓉烤生蚝丶清酒煮蛤蜊丶蒜蓉粉丝烤扇贝丶烤海虾串同烤鱿鱼拣。
蒜蓉烤生蚝系用新鲜美国即开生蚝，加埋蒜蓉丶牛油慢烤，一咬开爆汁又渗出牛油香。
蒜蓉粉丝烤扇贝就用日本扇贝，口感爽滑，蒜蓉亦逼得出贝味，一定要食埋吸满海鲜精华嘅粉丝。
大满足串串肉！
串烧一定要嗌肉串！烤肉特别香之馀，一串串拎起食都无咁腻。所以呢度肉串系5串丶5串咁嗌，要咁样食先爽㗎嘛(笑)。
烤小牛肉肉串系用纽西兰牛肉，肉质软嫩；大漠烤羊肉串则用澳洲羊肉，入口绝无膻味，唔嗜羊嘅都可以一试。
食串烧最啱肉控，可以一次过扫好多肉！
健康食串烧！蔬菜豆腐推介
呢度调味有台湾沙茶酱丶泰汁丶孜然粉3款选择，可以自行边食边调味，就算Order 多款蔬菜豆腐都唔闷。值得一提嘅系，沙茶酱系自家多番调配试味而成，比一般沙茶酱更有层次㗎！而泰汁则用鱼露丶辣椒等调制，入口甜甜酸酸几开胃。
值得一提嘅系，好惊喜有烤新鲜臭豆腐食！而且唔系一般不知名臭豆腐，系由香港着名臭豆腐供应商制作，连香港名食家都大赞。只因臭豆腐系纯天然发酵，经烧烤後外香内嫩，口感Q弹，边食边渗出令人上瘾嘅「臭味」。
个人最锺意嘅蔬菜串烧就有墨西哥烤玉米丶蒜蓉烤茄子等。墨西哥烤玉米洒上芝士粉丶辣粉，再加埋沙律酱劲香浓；蒜蓉烤茄子则保留到茄子水份，入口爆汁有口感，多数留到後期先食解解腻。
好多人都锺意食烤菠萝，呢度嘅烤一口菠萝更值得一试。因为系用台湾凤梨，食落特别清甜细腻，加上少少甜椒粉吊味，就算最後食到好饱都忍唔住食咗几件。
烤一口菠萝用台湾凤梨，特别清甜细腻。
台湾人大爱鸭血系列！
要讲台湾人锺意嘅嘢食，鸭血一定系其中之一。呢度就有烤嫩鸭血丶麻辣鸭血两款口味拣，烤嫩鸭血少见用竹签串起，几有新鲜感；麻辣口味则以辣汤浸煮入味，辣得过瘾。
两款鸭血都Q弹饱满。
小野人
地址: 将军澳澳南海岸唐俊街23号MONTEREY Place地下G25A号铺
电话: 28612862
