新年梗系一大班人围埋食盆菜先够热闹！要食到盆满钵满，梗系要拣间足料到满嘅盆菜啦，如果系老字号就更稳阵喇。呢间「洪运盆菜（老字号）」已经超过30年历史，系用百年古法煮制，仲系用斤两十足嘅鲍鱼丶花胶丶海参，全部都系顶级货源嚟。每逢新年丶喜宴丶新张开铺都有唔少熟客帮衬佢哋，口碑几好㗎！
话明系正宗古法，烹调过程绝对唔简单，用齐煎丶炸丶烧丶煮丶焖丶爆丶煨丶烩，焗多种传统技巧，将十几种矜贵食材一层一层依序装盆。最重点系上层嘅珍品海味，熬煮时精华会渗晒落底层，一定要留肚食埋吸满汁嘅花菇丶枝竹丶萝卜，仲有招牌围头炆腩肉，比一般腩肉更腍更入味。
传统节日海味盆菜
锺意食海味嘅话，拣传统节日海味盆菜系超级抵食，入门价HK$988 就食到游水新鲜海虾丶红烧烩海螺件丶鲍汁烩乾瑶柱丶香煎本地金蚝。
无论几多人都食到盆菜㗎！因为呢度嘅盆菜分咗大盆丶中盆同小盆3个Size 拣，小盆都足足有7件金蚝丶大虾同海螺，超级足料。
小盆（4至7位） | HK$988 |
中盆（8至11位） | HK$1,288 |
大盆（12至14位） | HK$1,488 |
*由年廿八晚至初六期间菜式变动，「香煎本地金蚝」改为「金华火腿鸡汤扣金蚝」。
镇店鲍鱼花胶盆菜皇
新年想食豪啲，拣有镇店招牌鲍鱼同咸蛋黄煎大虾嘅呢款盆菜皇啦！呢度嘅鲍鱼系用南非鲍，肉身较厚之馀，鲜甜味比一般鲍鱼更浓郁。最重要系呢个盆菜皇有埋咸蛋黄煎大虾，系店家2020年火热推介！咸蛋黄满满包住大虾咬落轻脆咸香，真系一食就唔想停。
小盆（4至7位） | 特价 HK$1,388 |
中盆（8至11位） | 特价 HK$1,988 |
大盆（12至14位） | 特价 HK$2,188 |
*由年廿八晚至初六期间菜式变动，「香煎本地金蚝」改为「金华火腿鸡汤扣金蚝」。
宝鼎盛宴鲍鱼盆菜皇
正所谓「要食尽珍馐百味」，新年可以食匀珍馐百味真系最好意头喇！呢个极级盆菜皇落足靓料，可以话谂到嘅矜贵食材都有—花胶龙趸炖鸡汤丶镇店特选大鲍鱼丶极品虾籽炆海参，并且有埋咸蛋黄煎焗大虾丶香煎沙井金蚝。咩食材都有，自问有「选择恐惧症」嘅话拣呢个就啱喇。
小盆（4至7位） | 特价 HK$1,988 |
中盆（8至11位） | 特价 HK$2,888 |
大盆（12至14位） | 特价 HK$3,088 |
美颜花胶龙趸顶级炖汤
宝鼎盛宴鲍鱼盆菜皇其实几抵食，除咗多矜贵食材外，仲送埋美颜花胶龙趸顶级炖汤。讲得话抵，因为呢个炖汤真系好足料，用原条新鲜花尾趸（约1斤重）丶竹丝鸡（半只）丶金华火腿丶乾瑶柱丶新鲜猪肉骨丶蜜枣丶果皮放入炖盅熬足8个钟。每日新鲜炖制，系绝不含味精嘅原味靓汤。
大鼎（14位） | HK$580 |
细鼎（7位） | HK$320 |
- 外卖汤会用2个容器分开存放炖汤 及 汤料
- 加热方法：1) 放进微波炉加热；2) 将炖汤及汤料倒入煲 或 其他器皿用慢火加热约3至5分钟即可享用
订购详情
- 外卖盆菜一律免费送货
- 电话落单：2453 3203；WhatsApp 落单：6123 9270
- 办工时间：上午9时至晚上9时（晚上9时後可在Whatsapp 留资料）
新春期间照常营业（年终无休）
- 订购请留 姓名丶地址丶送货日期及时间丶2位联络人电话丶盆菜款式
- 中午送货时间：上午11时至下午1时前送到
- 下午送货时间：下午3时至6时前送到
- 付款方式：现金付款给司机
送货准则
- 香港区丶九龙区丶新界区，一律免费送货
- 东涌线丶赤柱或偏远等地区，可选择约市区交收
- 不设送上门服务，一律在楼下附近交收
- 不设指定时间送货
注意
- 收到盆菜後，应立即加热约10分钟备用，打开锡纸跟炉2小时内享用。
- 中午接收之盆菜，不能留至晚上享用。