國金軒

由2011年開始冇間斷都喺香港澳門米芝蓮指南行列𥚃面，要提前一個月先訂到位，今次第一次去就試咗佢哋嘅點心放題$398。點心全部即叫即做/即蒸，等嘅時間ok嘅唔算耐餐前小食有合桃，好新鮮好脆嘅前菜有2款必有嘅蜜餞黑豚叉燒伴四季春煙燻上素卷叉燒肉味濃同好腍嘅，蜜餞味好味嘅，如果多少少肥就更正素卷煙燻味做得啱啱好，唔會太濃任食點心選擇都幾多，不過太多選擇，冇試勻😅晶瑩鮮蝦餃賣相大大隻脹卜卜，晶瑩剔透，鮮蝦新鮮肥美彈牙💯蟹籽豚肉燒賣燒賣都係勁大粒，豬肉味濃😋黑松露野菌餃餃皮薄，都係晶瑩剔透，黑松露味很出，口感更豐富，好味💯蜂巢荔芋角/魚米雞粒咸水角/蒜蓉鮮蝦春卷荔芋角個蜂巢好鬆脆，芋頭好滑好濃咸水角外鬆內軟，脹卜卜，餡料多春卷蒜味好香好惹味所有炸物都炸得完全唔覺肥膩💯原隻鮮蝦布拉腸粉自家即製腸粉好薄好滑，每條腸粉都有2隻超級大嘅蝦，仲超爽超彈牙💯XO 醬炒蘿蔔糕好有驚喜，外層好乾身好香脆，完全唔油膩。仲有濃濃XO醬味，少少辣好惹味💯蜆蚧鯪魚球正常，不過蜆蚧都幾腥🫣山竹牛肉球/豉汁蒸鳳爪牛肉球味濃幾結實，唔係腍啤啤嗰隻👍🏻鳳爪夠入味，都唔係長蒸到超腍嗰隻👍🏻飯 / 麵可揀一款點咗四川椒麻擔擔麵，麻醬味濃香味，微辣，好味嘅不過鹹咗少少任食甜品都有好幾款，試哂😬紅桑子凍糕酸酸哋，好開胃鬆化合桃酥正常薑汁糕好彈好煙靭，薑味可以再濃啲就仲得香芒楊枝甘露唔太甜，不過淡咗少少蛋白杏仁茶湯丸杏仁味好香好濃好滑，芝麻湯丸唔太甜，湯圓皮好軟熟，好味💯當日精美糖水係紅豆沙夠濃好味不過冇起沙餐廳樓底高，環境舒服，座位超闊落，服務唔錯，侍應及傳菜姐姐都超級好禮貌。食材用料新鮮，食物嘅質素都非常高，雖然價格唔平，但咁有水準，都值嘅💯💯💯點心放題逢星期一至五早上11時30分至下午2時30分供應（公眾假期除外）…查看更多

國金軒母親節要孝敬母親大人，當然要搵一間有質素保證嘅餐廳。呢度每碟份量都係三份，我們三個人食啱啱好。🍅蜜餞本地黑豚叉燒⭐️⭐️⭐️⭐️⭐️$ 308素聞國金軒叉燒出色，果然名實相副。叉燒採用本地黑豚靚豬，肉質嫩滑，肥瘦相間，入口綿香，好好食！而且份量算多，如果可以再燒焦少少，會更好口感。🐖🍅金箔筍尖蝦餃⭐️⭐️⭐️⭐️⭐️ $98蝦餃真係要大讚！首先，賣相美觀，金箔亮眼，老人家最愛。而蝦餃嘅靈魂就係蝦😋，所以用料一定要靚。鮮蝦肥美彈牙，筍尖係筍心部位，爽口嫩滑，出色。🍅龍蝦湯花枝鮮竹卷⭐️⭐️⭐️⭐️⭐️ $88花枝鮮竹卷用料豐富，肉質實淨彈牙。龍蝦湯鮮味渵郁。我們三人分享，龍蝦湯一滴不剩啊！🍅田園雙蚌帶子腸粉⭐️⭐️⭐️ $98帶子隱藏喺腸粉內，完全帶唔出鮮味。腸粉皮亦唔算特別滑和薄。下次都係叫返鮮蝦腸粉好啲。🍅金山鳳梨叉燒包⭐️⭐️⭐️⭐️ $88呢個包款類似菠蘿包，不過佢嘅「菠蘿皮」比較薄身，口感都比坊間嘅滑，所以長者食都唔會驚整親口腔。但又保留咗香、脆嘅茶餐廳菠蘿包特色，最好笑係食到尾真係有少少菠蘿粒，甜甜地，唔錯。🍅金湯竹笙蟹肉灌湯餃⭐️⭐️⭐️⭐️⭐️ $108蟹肉豐富，餃內溢滿濃湯，一咬落去，湯汁四濺，齒頰留香。🥟🍅燒汁和牛烤包⭐️⭐️⭐️ $88將中式蒸包氣炸，包嘅底部有塊網狀薄脆，不過和牛餡嘅燒汁同黑椒味蓋過所有牛味。🫓🐂🍅X.O醬炒蘿蔔糕⭐️⭐️⭐️⭐️ $78呢款炒蘿蔔糕同坊間嘅唔同，但竟然係乾身，不帶油份。咬入去有淡淡嘅XO醬味，幾惹味。不過蘿蔔味就爭少少，食唔到蘿蔔絲。整體嚟講，環境舒適，傾偈一流。壺熱水一直有蠟燭㷫住，我不斷飲茶，佢哋又不斷加水，服務一流。以呢個食物質素，加環境，點心足料重秤，我哋三個捧腹而回，好飽。埋單$1150，我覺得好抵食。😋…查看更多

國際金融中心既國金軒就去過好多次啦，美麗華既國金軒就第一次黎。原來呢度曾幾何時係米芝蓮二星餐廳 (2011)。打8號風球既平日午市黎飲茶，早差唔多成個月訂位都只可以訂到下午1：45，嚇死人，不過最後轉到1點。午餐餐牌有午市套餐兩款，廚師精選，飯麵，點心，推介菜式，前菜，燒烤，燕窩，湯羮，鮑魚及山珍海味，海鮮，家禽，肉類，時蔬，同甜品。價錢當然唔洗講咁貴。今次第一次黎，叫左幾款小菜，前菜同點心試試水準先。茶錢每位$28另加一，茶壺用蠟燭暖住。蜜汁燒鱔 $298 另加一蜜汁燒鱔一客8件，皮雖厚不過好脆，放耐左先食都仲脆，味道帶微微蜜汁味。伴碟有少少新鮮菜苗。蜜餞伊比利亞黑豚叉燒 $288 另加一蜜餞伊比利亞黑豚叉燒一客12件，有肥有瘦，暖暖哋上枱，老實講味道同質感都非常普通，失望。當紅炸子雞 $308 另加一當紅炸子雞半隻，肉好少喎，隻雞梗係好細隻。雞皮果然薄脆，連骨都好脆。肉都算嫩滑，味道唔錯，不過骨有啲鹹。伴碟有4塊炸蓮藕片，另上檸檬醬，可稍微降低鹹味。金湯蟹肉灌湯餃 每客$98 另加一金湯蟹肉灌湯餃個湯好清甜，仲有幾條魚翅，不過可能係假魚翅。灌湯餃大大隻，餃皮唔算太厚，入面好足料，堅有蟹肉，菇粒，同少見嘅冬瓜蓉，令個湯嘅質感滑滑哋，不過唔覺有餐牌寫嘅豬肉。另上紅醋俾你自己加，不過個人覺得多餘。雪山菠蘿叉燒包 $90 另加一雪山菠蘿叉燒包一客3個，size唔細，皮脆甜度適中，而饀料多食到粒粒叉燒，唔錯。XO醬炒蘿蔔糕 $74 另加一XO醬炒蘿蔔糕一客15件，上面灑左蛋絲，芽菜，西芹粒同少少辣椒。整得唔錯，外脆內軟，味道少少辣。法國鵝肝荔芋角 $75 另加一法國鵝肝荔芋角一客3件。外皮酥脆，荔芋蓉好滑，最入面明顯見到鵝肝，可惜味道唔出，俾荔芋味道蓋過左。另上一碟蘑菇醬汁俾你點。整體而言，食物質素算高質，當然價錢亦都反映左，不過蜜餞伊比利亞黑豚叉燒就真係令人失望。座位分窗口位，通道中間，同靠內嘅半圓梳化位，裝修高級，吊燈好靚。服務就麻麻哋，冇人會幫你斟茶，食物上枱又唔介紹吓有跟醬汁，茶杯有污跡，唔怪得冇左粒米芝蓮星星。呢個價錢唔好意思冇下次。…查看更多

今天和至愛親朋到國金軒吃「自選點心套餐」，平日每位$328(另加一服務費及香茗)，一如以往都是吃得很滿足😋和開心😄要讚的是，可選擇某些點心的數量，如兩隻蝦餃、3粒燒賣等等⋯，但腸粉是以一碟計1.羊肚菌干蒸牛肉燒賣，有菌類的香，喜歡有大粒馬蹄😍，好味2.蜜汁叉燒腸粉，皮薄餡多，叉燒肉粒嫩😋，不錯3.鮮蝦菜苗餃，皮薄晶瑩，蝦爽多菜😍，好味4.香芒楊枝甘露，真材實料，但今次的柚子肉稍遜色，不甜5.XO醬炒蘿蔔糕，出乎意料的好，外皮炒得香脆惹味，切成丁粒狀易入口😍，好味還吃了其他點心，但沒有拍照😅…查看更多

是日老婆休息，向老總請半日假同老婆食好西。付了年費做Mira Plus會員，當然約埋三五知己一齊飲個茶。貴為五星級酒店，環境當然一絲不苟。長廳內約有二十餘張枱，環境十分寬敞。侍應安排沙發園枱，女士們坐沙發無不讚好👧🏼。還未人齊，待應問道喝什麼茶。轉眼間一個點上蠟燭既茶座已經送上，好讓茶保持溫暖，好不窩心。點心選擇不少，以下是其中兩頁。[XO醬炒蘿蔔糕］雖然夠乾身，不過XO醬味道不太突出，小弟不禁點上辣椒油來進食。[露筍珍蚌帶子腸粉]帶子嫩滑，露筍既清新中和豉油既濃味。入口帶子嫩滑和靈筍既咬勁相映成趣，亦不自覺吃掉朋友的份量[金箔筍尖蝦餃]首先賣相已經一流，蝦餃晶瑩剔透，頂頭點綴着一小片金箔，有如畫龍點睛。賣相多好都不如味道重要，我一口把蝦餃放進口裡，蝦餃皮薄，蝦球的鮮味直撲味蕾，蝦身爽口彈牙，如配上適量辣椒油則味道更佳。[黑松露野菌餃]從賣相已知餃皮薄得透明。可能名字令人過份聯想黑松露味道主道，反而我不太感受到黑松露味道，這倒不失是一件好事，太多黑松露肯定會蓋過其他食材的滋味。[花膠鱈魚扎]鱈魚滑溜，連最怕魚腥的老婆都讚不絕口。花膠本身味道單薄，加上份量不多，只能說口感上為魚塊補充了爽口感，平衡質感。[芝士龍蝦煎鍋貼]鍋貼煎至金黃，餃子上枱時侍應才淋上芝士汁。我第一眼看上的竟是底下的伊麵。芝伊煮至乾身，沾上濃味芝士汁一併送入口中，已令我一試愛上。嚐一口餃子，龍蝦比一般蝦球更彈牙，喜歡濃味美食的應該嚐嚐。[國金三式美點]四個人平分一個點心，抱歉嚐不出什麼特別味道，只可當作錦上添花，為完整的午餐會劃上一個句號。會員優惠加上使用現金券，全單$320。如果無任何折扣，每人約$215。…查看更多

中秋聚一聚，黎到第一次食的國金軒，睇一睇餐牌都知幾係野，飲個茶黎講衣度算貴，不過有d食物又真係幾好味幾特別既。一定唔少得雪影叉燒包，個皮真係非常鬆軟，冇得頂，極讚另外有個魚湯爽肉米線都好味，皆因個米線口感與外間的不同，感覺似煙un d又似滑d，唔識形容，但係幾特別幾好味的。小籠包個皮都好薄因為食左太多款了，相片不能盡錄。只能有menu參考價錢，雖然都算貴，但有時試下都無妨既，事實有d點心真係比外間好味。環境都幾華麗，都幾寧靜，唔係好嘈。不過飲茶就好似至到4點，last order早就已經截左，我地2點幾先食，所以唔係食得好耐。…查看更多

老婆仔舊曆生日，知道她一向愛吃點心，一早已鎖定兩個目標，打算和她嘆一餐悠閒的任點任吃點心午餐:):):):)。鎖定的兩個目標，其一是位於尖沙咀 1881 Heritage 內的「隆濤院」，另一處則是位於尖沙咀 The Mira 三樓的「國金軒」，而經過各個不同方面的比較後，最終的決定，是取「國金軒」而捨「隆濤院」。名頭響亮的「國金軒」作為一所拿到米芝蓮二星級評價的高尚食府，無論在用膳環境、餐具陳設以至侍應招呼方面，這次光顧都能如預期中般給自己留下上佳的印象。這家有名的中菜食府樓底既高，地方也見寬敝，而且窗明几淨，座位舒適，店中的裝潢陳設雖未至於十分豪華，但在雅致的佈置中自然流露一份高級餐館應有的氣派:):):)。而在服務方面，各位侍應都待客有禮，服務貼心，足見平日訓練有數:):):):):)。至於食物方面，這裡只得平日星期一至五中午才有得供應的任點任吃點心午餐，不計加一，每位收費 $198，便可任點任吃店中提供的 28款不同種類的點心，當中除了較為普通的點心之外，也不乏一些別具特色或以較為名貴的食材為材料的點心，相比起散叫的點心，動輒每碟三十多元或以上的價錢，在這高級食府中，已可算得上是十分抵食:):):)。在店子提供的 28款點心中，這次我們所試的只有 13款，連一半都未有，但已令我們兩夫妻吃得十分愜意，捧腹而回了。這次所試的 13款點心，分別有：1）「法國鵝肝荔芋角」：這本已炸得外脆內鬆化的荔甫芋角加上了一小塊鵝肝在裡面後除了增添其名貴的感覺之外，也為這好吃的點心增添美味，唯一美中不足之處只是鵝肝實在小了點，要是能再大一些那便真的非常好了。2）「金珠燒鵝鹹水角」：是這次所試各款點心中最平凡的一道點心，除了當中的餡料有燒鵝肉在內之外，各方面均與在一般酒樓中所試的安蝦鹹水角無異，個人認為是一道可吃可不吃，不試也不會覺得錯過了因而感到可惜的點心。3）「淡水鮮蝦餃」：這蝦餃的蝦新鮮，蝦餃皮不厚，味道也可以，整體的水準是及格有餘的，不過相比起其他兩款餃子，卻顯得較為平凡和普通。4）「鮮蝦菜苗餃」：新鮮爽彈的蝦仁與健康清新的菜苗從來都是非常好的配搭，這點心也沒有令人失望。5）「黑松露野菌餃」：這新款的點心味道比傳統的蝦餃與菜苗餃來得好，這餃子以野菌與翠玉瓜為材料，從半透明的餃子皮中可以看見點點黑色的黑松露末，把餃子放進口中，味道在濃烈之中又帶點菇菌與翠玉瓜粒帶來的清爽感覺，使食味變得豐富而有層次，個人覺得是一道很不錯的點心:):):)。6）「清湯浸牛肉球」：清湯味道偏淡，牛肉肉味不濃，味道不夠突出和吸引，是這頓午餐中感覺較平凡的點心之一。7）「乳香牛柏葉」：好一道別致、創新的點心。這點心雖然似乎只是舊瓶新酒，但把平日慣常所吃的牛柏葉改以腐乳醬作為調味之後，給我的感覺是既特別，又好味，鹹香的腐乳與爽口的牛柏葉的配搭原來蠻不錯呢:)！8）「XO醬炒蘿蔔糕」：是這次所試多款點心中較為失色的一道，XO醬下得不夠多，失去了這道點心應有的香濃惹味的感覺，蘿蔔糕的水準雖然還算可以，但這並非以件上的點心，其味道方面的不足已令它成為是日我們唯一吃剩的點心了:(。9）「黑糖馬拉糕」：因為是以件上的關係，所以這馬拉糕是以細細件的形式上桌的，一口一件的馬拉糕既鬆且軟，甜度也適中，都不錯:)。10）「蘋果叉燒酥」：這叉燒酥我雖吃不出多少蘋果的味道，不過熱騰騰、酥酥脆的叉燒酥又哪會不好吃呢！11）「焗燕窩蛋撻」：這細細個的蛋撻仔因為在面上加了一小撮燕窩而立時變得名貴起來，但即使撇除了那丁點兒的燕窩碎，這剛焗好上桌的酥皮蛋撻仔味道香甜，富有蛋香，仍然是一道小巧而美味的甜點。12）「呂宋香芒布甸」：這滑溜甜美的香芒布甸，口感適中，味道亦佳，加點花奶同吃，更見幼滑，好吃！13）「香芒楊枝甘露」：這裡的楊枝甘露味道同樣甜美，甜中帶點兒酸的滋味甚為開胃，足証店中所用的芒果與柚子都是靚貨:)。唯一最可挑剔的是自己後來加碼叫的一碗，味道沒有老婆仔吃的第一碗那麼好，似乎在水準的保持上，未能做到碗碗如一呢！這裡的任叫任吃點心有一個好處，就是大多數的點心都是可以個別一件一件地叫的，這做法既可減少浪費食物的機會，也可讓客人可以多試一些不同款式的點心，實在值得一讚:):):)。整體來說，這次所試的各款點心，水準雖未至於高得讓自己感到驚豔，但綜合所有的因素，包括用膳的環境、服務的質素、衛生的程度與收費的合理度之後，我便覺得它的性價比是高的，實在不可不給予它一張笑臉。這頓全點心的午餐，不僅是我，就連作為壽星女的老婆仔也吃得蠻愜意呢:):):):):)！…查看更多

五月十六日 (星期一)今天是老公仔生日大家都請了假…好好放鬆一番因是平日,街都沒那麼繁忙,很自在一早已訂了此作為生日午餐這裡的自助任點午市套餐只在平日提供今次的確是個好時機每位$198,點心紙的款式多而且有些更頗特別,例如賽螃蟹餃和鵝肝茘芋角等等,應有盡有盡了我們的所能,幾乎所有的點心都吃一回除了腸粉的皮較厚外,其他各款的都是水準以上之作以下是尤其值得推介的:迷你蛋撻面上鋪了燕窩雖是任食,但絕無偷工減料燕窩鋪得滿滿的,味道清甜蛋撻餡甜而香滑很有特色的點心平時常吃的賽螃蟹加入了餃肉很香滑很細心,酒店提供一支幼管,將醋注入餃內香甜的蛋白,配上瑤柱,很匹配的味道組合帶一點辣,很惹味辣味過後是香鬆的豬肉,兩種層次的享受法國鵝肝茘芋角和沙律明蝦角也是必試組合鵝肝和茘芋質感和味道分明煎得恰到好處而明蝦角的蝦肉很爽,配上沙律感覺怡人另外還試了兩款特式餃子雖然味道不算太特出但外表美輪美奐,充分感受到廚師的心思和盛意煎XO醬蘿蔔糕其實也具水準但其鋒芒已被其他的點心遮蓋了最後吃甜品,都是與芒果有關的其中以香芒布甸較可取味道香甜,質感幼滑服務非常周到,茶未喝過半定必有人幫你酌滿今天是老公仔生日,特地給他一個驚喜吃完甜品後,服務員送上了壽包和白酒…中西合壁,老公仔很喜歡呢!Happy Birthday My Dear!…查看更多