贏到粥

贏到粥的名物卜卜蜆煲份量驚人，新鮮沙白滾在加入大量蒜蓉的湯汁中，開蜆殼的卜卜聲此起彼落，煮過後的湯頭鮮美無比，吃畢蜆後還可以湯頭繼續火鍋，繼續品味鮮甜帶蒜香的滋味。另一道特色菜Wasabi手撕雞，醬汁清爽，芥末的刺激直衝鼻腔，海蜇和炸芋頭絲切成手撕雞大小，為菜式增加酥脆口感，讓人忍不住一口接一口，送酒一流。Yeng Dou Jok is the best place to wrap up your Macau trip with its signature clams hotpot, where the generous portion of fresh clams simmers in garlic broth. Another must-order dish is its wasabi shredded chicken, which is the perfect bite with beer and laughter.…查看更多

🇲🇴贏到粥·卜卜蜆$168 l Wasabi手撕雞$168/半隻 l 白蘿蔔$35 l 娃娃菜$38 l 萵筍片$35 l 金針菇$35 l 鳳梨冰沙$30呢間我想食好耐㗎啦 今次我哋提早咗喺WhatsApp度book就終於食到啦😎佢個卜卜蜆同我想像中一樣咁好食 佢係份量超多 全部都勁鮮勁大粒 好飽滿好juicy🤤🤤之後佢個手撕雞係book枱嘅時候佢地問我哋要唔要預留 好似好搶手咁我地就留左 果然唔錯😈佢呢個份量又係超多 而且入邊仲有啲海蜇同埋炸咗嘅芋頭絲 口感好好 不過我自己就覺得佢個wasabi落得有啲重手 所以我地食到標曬眼水 如果無咁攻鼻應該再正啲🤣🤣之後因為我地兩個人食 都嗌唔到太多野 我自己就比較推介大家嗌白蘿蔔同埋娃娃菜 呢兩個都係勁甜 勁襯佢嗰蜆湯🤩🤩嘢飲方面我就推薦大家試佢個鳳梨冰沙 佢呢個鳳梨味好真 完全唔會假 而且酸酸甜甜條條咁樣我覺得比芒果沙冰好飲🍍·📍下環河邊新街278號豐順新邨第3座地下M,K號舖…查看更多

【卜卜蜆鍋】⭐️⭐️作為第一日澳門行程的wish list，我對這家店期望甚高。除了因為我是超級蜆怪之外，是因為已經好一段時間沒有吃海鮮。聽說每一份卜卜蜆，大約使用4至5斤蜆製作。先講講蜆的品種，用的是偏大身型的沙白，海水味一般會較濃烈。值得一讚的是這裡的蜆基本上完全沒有沙，肉夠大夠漲卜卜，而且加入大量新鲜蒜蓉，本來的確是無懈可擊。可是最大敗筆，是煮蜆的湯汁。蜆身本來已有海水帶出的鹹鮮，店家的湯汁調味卻偏鹹，結果蜆肉愈食愈鹹，有洗腎之嫌，實在非常浪費和可惜。【Wasabi手撕雞】⭐️⭐️在訂枱時，店家有詢問是否需要預訂手撕雞，心想要預訂的餐目應該也是招牌菜式吧！所以要求預留半份手撕雞。手撕雞份量相當多，裡面加入了海蜇、紅椒絲等，可是除了強烈的Wasabi味，基本上任何雞味也吃不到。假設你只能接受少量的Wasabi味，不太建議預留這道菜式，以免浪費了這道菜。第一日的行程，確實可以用失望來總結。。…查看更多

今次嚟梳打埠嘅主因......就喺喱度出名嘅「卜卜蜆」一直放喺我「梳打埠BucketList」入面一直好評如潮～book位實在有啲「蹺口巉手」係一輪「鍥而不捨」下......終於可以reservation百聞不如一食視覺上～勁大鍋、滿滿蜆、大量蒜～睇頭十足聞一聞「舒筋活絡」可是......大部份細細隻，有啲煮極唔開口湯底～又油又清淡另一Signature......要預訂嘅Wasabi手撕雞用上鮮雞拌勻海蜇、炸芋絲、紅綠椒絲、芝麻、日本芥末......微辣香爽脆～口感特別雪藏冇味～浪費金錢、浪費quota大量火鍋配料，以供選擇完完全全「雨點小」網評誇張咗～對我而言......毫無「驚艷感」價錢合理嘅枱同枱之間......空間不足當做普通「家常便飯」就算…查看更多

都有好幾年無去過澳門，打開Openrice搵食見到人人都對「贏到粥」讚不絕口，今次即管試試，結果……非常失望網上人人都話一位難求，想食就一定要經 fb / 電話訂位...出發前兩日經 fb 留言，店員回覆最快有位已經係夜晚十點諗住唔係成日去，一心想試下傳說中嘅卜卜蜆，等夜少少都可以接受啦! 位置方面近住媽閣廟...其實都幾唔就腳我哋九點幾搭巴士去到附近，由於全部都係住宅...街上無乜行人，四周環境都幾黑，唔睇地圖有D難搵。雖然訂咗位，不過去到未有枱埋單...唯有喺門口坐一陣，當時心諗...咁夜都仲咁full，肯定名不虛傳啦卜卜蜆 -- 望落去以為好多，但原來隻鑊好淺⋯只有一層蜆平均鋪滿。蜆有大有細，細嘅真係BB size，部份蜆仲有沙''湯底'' 只係蒜蓉水，食落只有重重蒜味，至於鮮甜......真係完全唔覺連新鮮蜆應有嘅味都被蒜味遮蓋晒Wasabi手撕雞 (數量有限，訂位時要預先叫店員留) -- 好重Wasabi味，有d攻鼻，雞肉嫩滑，配埋炸芋頭絲同埋其他配料一齊食，唔同口感夾埋一齊食幾特別其他火鍋料: 安格斯肥牛，羊仔片，墨魚滑+蝦滑 -- 質素普通而且份量偏少，肉類全部薄切，相比香港普通火鍋店都差幾遠:(四個人食咗以上嘅嘢都唔夠飽，但望望餐牌又已經唔知可以揀咩再叫，唯有叫多碟烏冬塞飽個肚就算整體嚟講呢個質素真係唔值等咁耐，而且位置又唔方便，夜咗只可以搭的士...但喺澳門賭場以外嘅地方，截的士係一D都唔容易...…查看更多

幾年前，相公友人帶相公到過澳門某間餐廳吃過卜卜蜆後，相公念念不忘，身為娘子的我都覺得好好食。既然今次再到澳門遊，不妨openrice一下，看看哪裡有馳名卜卜蜆，就找到這間贏到粥。3天紅日，也只能預約到今晚1000檔期，實在太full了。在fb留言時，順道預訂了wasabi雞半隻。準時抵達，原來贏到粥對面尚有贏到爽同贏到笑兩舖。前者售賣甜品，後者好像售賣禮品。先來一鍋卜卜蜆，舖滿蜆的鍋好震撼，粗略估計有超過80隻蜆。二人旋風式KO一整鍋。蒜是很多的，但感覺味道不如第一次在另一間餐廳般惹味。。。喜愛わさび者必點的預訂菜式乃手撕雞。配料有海蜇，炸芋絲，青紅椒絲，芝麻同芹菜。充滿わさび味，幾次吃得我幾乎眼淚直流最後點了一碗肉丸蝦粥。粥綿肉丸彈牙爽口有肉味，蝦則沒甚驚喜，再叫我還是只叫肉丸粥好了。…查看更多

一早已經聽聞依間野好多人食，加上佢地好出名嘅wasabi手撕雞要預早訂，所以我一星期前已經上網訂左座，店家亦回覆得好快。於是我地準時7:30pm一到餐廳就即時入座啦，可能因為一早預定好食物嘅關係，上菜速度亦非常快！:)首先，個卜卜蜆鍋真係非常有份量，大得好緊要我地3個女仔一望到都好擔心食唔曬，不過因為d蜆真係粒粒都鮮味十足，食左幾十粒蜆，居然可以無一粒蜆係有沙！真係令我非常喜出望外，食到停唔到口！百幾蚊一個鍋，質素又高份量又多，非常推薦不過如果唔鍾意蒜味就千奇唔好叫依個鍋，因為成個湯底都係由非常大量嘅蒜頭煲成，蒜味勁濃！至於wasabi手撕雞，好彩我地只係叫左半隻，如果唔係就一定食唔曬，個蜆鍋實在太大啦！手撕雞同樣係好有鮮味，最特別嘅係，中間混左d炸到好脆嘅芋頭絲，對我依個芋頭控來講，真係回味無窮整體來講我好滿意今餐嘅質素，每人只係百幾蚊就食到咁多野，好抵食下次再來一定要試試個冬瓜盅！…查看更多