Global Work Cafe by UCC (已結業)

馬鞍山［新港城］★Global Work Cafe by UCC一早知依度開左間UCC旗下既cafe，不過母親大人又唔太like西餐＆感覺上係連鎖集團唔太特別遲遲都未黎試佢。今日終於搵到志同道合既為食友一齊黎 有名你叫，cafe正正開正係日本young line時裝店Global work入面。所以呢，行街行到累想坐下又或者食飽想行下街都o岩晒 平日既11點黎到，成為左佢既第１枱客人（不過坐到點幾都只係多左幾枱客，始終主要target既對象可能都番晒工，而師奶未必o岩口味，學生又可能嫌貴）。室內清一色木系傢俱，裝潢簡單而舒服，空間寬敞，仲有私密度高既卡位 搵食時間 原本除左lunch sets（$79-84），每日仲有1個只需$69既special offer！可惜我地對今日個飯都興趣不大，享用唔到個優惠添 - Lunch set A_香草魚柳意粉（$82）：wow 如假包換既pasta，條魚柳真係同menu一樣咁有份量！唔係，應該話比menu果條更加大 啖啖魚肉勁滑溜，睇落似係無煎過但都勁香勁入味 意粉加左少量蕃茄．西蘭花．香草．橄欖油去炒，唔會好濃味，用黎襯件魚柳o岩o岩好；食落口感軟硬適中，al dente 唯一不足之處係食到底略為油左少少... - UCC招牌咖啡（跟餐）：好得意呀佢係counter用個玻璃壺仔煲d咖啡，之後成個壺拎黎係客人面前倒入咖啡杯 :) （眨下眼就倒左都影唔切個壺仔添！）不槐為UCC招牌咖啡，真係好有水準 超級香濃咖啡味出眾，加埋少少奶飲再香滑d真係頂瓜瓜 - 熱香餅配雲呢嗱雪糕（$54）：睇一睇menu已經深深被吸引為左留肚，忍手嗌一個主菜（好彩！）。上枱果下已經知無嗌錯，賣相誇啦啦，熱煎pan上既pancake脹卜卜，色澤金黃帶少少焦黑仲諗緊＂說好的雲呢嗱雪糕＂係邊呢？一野切落去先知原來包左係堆cream入面雲呢嗱雪糕味道唔算好突出，但同pancake冷熱交融好鬼死夾，而且反而可以突顯出pancake既蛋香（掛住食又唔記得影相）個pancake好有份量幾乎成寸厚，超鬆軟又蛋味濃郁點cream點雪糕食都好正，唔洗怕會乾爭爭嘩～絕對係今日既highlight埋單$152/2ppl。整體食物咖啡意想不到地有水準，特別係個pancake真係令我想無限encore環境寧靜舒適，服務都唔錯～I will be back！…查看更多

在老家樓下真的開了不少新的店子, Global Work Cafe by UCC就是其中之一, 其實在銅鑼灣也有分店, 這裡就是第二家分店, 說穿了, 就是在Global Work入面開設的Café, 讓客人購物之餘, 也能夠醫肚. 餐廳部份是由UCC主理, 也很久沒有惠顧這個品牌了, 不知道今時今日的水準又如何呢?未夠六點來到, 已經要排隊, 目測到六點半的時候, 是要等超過20張檯, 實在很旺場. 環境跟一般UCC沒有大分別, 簡潔, 舒適. 兩個人, 不能夠吃太多, 只揀選了以下幾款菜式吧.Salad Bar Set $40惠顧任何主菜, 加$40就能夠跟Salad Bar Set, 包括一次沙律吧, 餐湯以及飲品, 實在是相當經濟的價錢.餐湯餐湯很快就送到, 是忌廉湯, 不會太杰身, 也算熱暖, 先喝口熱湯, 也好.沙律吧接著去沙律吧取沙律吧, 選擇也不少, 沙律菜亦幾新鮮, 還有薯仔, 吞拿魚等等, 相當豐富. 大家還記得當日一面吃薄餅, 一面把沙律放到山一般高的情形嗎? 來到這裡, 可以重溫一下.咖哩吉列豬扒飯 $89既然是重溫, 當然少不了昔日在UCC很喜歡吃的咖哩吉列豬扒飯, 咖哩味道香甜, 很好送飯, 不過是晚的豬扒水準一般, 有點實, 還好的是炸漿不會太厚呢.UCC熱香餅配雲呢拿雪糕 $54甜品只要一款, 就是UCC熱香餅配雲呢拿雪糕, 由於是即叫即焗, 要等差不多三十分鐘, 記得早點落單. 賣相不俗, 用上平底鑊去盛載, 這裡的熱香餅, 格式更像是蛋糕一般, 偏厚身, 但質感很鬆軟, 加上熱度對辦, 配上面頭的雲呢拿雪糕, 那冷熱之間的化學作用, 實在令人滿意.UCC招牌咖啡最後的餐飲, 當然選來UCC招牌咖啡, 來UCC, 難道不喝咖啡嗎? 雖然要了凍飲, 味道還是很香濃, 以此來完結一餐, 很滿足.來到Global Work Cafe by UCC, UCC熱香餅配雲呢拿雪糕實在是必吃的甜品, 熱辣辣, 質感鬆軟, 配上雲呢拿雪糕, 大美味, 而Salad Bar Set就是經濟之選, 也讓大家再次重溫到沙律吧弄沙律山的舊夢呢!…查看更多